Roma 4:1 - ALLAH ANE WENW KET MEKE WAROGO WOKNINAKHIKHE WENE

¹ Halok he, nit akhuni Yahudi meke nen ninopa Abraham obabut hagakhe lageikhe meke hasik abok nikithogon ugun?

Roma 4:1 ပူးပေါင်းရင်းမြစ်များ

Matius 3:9

Nen, hinakla nen, Abraham iti nit ninopase iluk, apugup o. At Allah nen Abraham a'buri negen helekit yi meke erlok hagasusak o.

Lukas 3:8

Halok he, hinakla ebetdiluk, weak hagakhe lagap meke here'isalok hinobabut eberogonat hebelaga iluk ekagat asuak nen mothogon hagakhe dogono o. Nen, hinakla nen, Abraham iti nit ninopase, iluk apugup o. At Allah nen Abraham a'buri negen hagatlasuagaluk helekit yi meke erlok hagasusagat o, iluk yokhisigi iti.

Yohanes 8:33

it nen he, men yogokhukha, “Nit he, ap Abraham nen itago meke yoma, ninebe akhuni aperek nen thebelogo 'binaniluk inatuaneke ageidek meke anek welago mekeat he, hat nen ekhe dogolik, Hinebe herle hisalogo hinasokne 'binagagin o, iluk egen iti hakla nikithogon apegetik nen egen?” iluk yogokhukhama,

Yohanes 8:53

Nit ninopa Abraham ebe watlageikhe meke iti, ebe yekerek hakene. Meke re, hat anek he, hebe kok a? It ap Allah ane yogeisekhe lagoukha meke emenogo watlarik lagoukha mekeat he, hat hebe tha hak nen ekhe lagan nogo?” iluk yogokhukhama,

Yohanes 8:56

Nen, hit hinopa Abraham etnogo nen, an wisigin hasik ekhe dogolik, At wagunem nileken higin, iluk an narlik halhe lageikhesikmo nogo nen, ileken arat neasikhesik akla arleken akhekhe,” iluk yogeisekhe lageikhemo,

La'isasikhe 13:26

Halok he, hit akhuni Abraham nen itago meke men, itikmanke meke Allah ane hologo hagakhe lagap meke yoma hinom welagap meke men, nagarlak lak nerugi. Wene tilninabusak wene iti Allah nen nit ninoba la'i agama yi.

Roma 1:3

Wene holal waganogo 'bisukha iti, ebe re, Allah a'but ninoe Etagapogot Yesus Kristus hasigat o. Akhuni itaklageikharek hak, ebe Daud nen itago meke nen itaklageikhe. Mekeat he, ebe watlageikhesikmo nen, Allah Agoreke obatne baga ilugutdisikhe iti baga, Allah a'burat o, iluk ekagat ageikhe iti.

Roma 3:5

Meke re, nit akhuni nen ninobabut korlo hagakhorek iti baga nen, Allah obabut mothogon hagakherek iluk ekagat hagatlagarek halok, nikithogon usak. Akhuni nen egarek hak an ik. At Allah akla aga dageiluk weagarinakherek iti korlo nogo?

Roma 4:16

Halok he, Allah obabut hano nen werlegat woknisekherek, iluk uagaluk nen, ninetaiken at oba hakotdisinem abok isikhe meke iti, woknisekherek iti. Nit at nen itago meke wene Allah nen ninasuk wakhikhe wene iti hologo mothogon hagakhe dogolik, ninetaiken Allah oba hakotdogorek meke anek woknisekherek 'buk. Abraham it aperek ninom tha'bokhogonat ninopasema re, it iti at Abraham etaiken Allah oba hakotdisikhe iti hak, inetaiken Allah oba hakotdegarek meke wogeisegaregat o.

Roma 6:1

Iti halok he, nit nen nikithogon ugun. Allah obabut hano iti nen, kokhogon akmutninakhe dogoagaluk, nit nen weak hagakho motok dogosak nogo?

Roma 7:7

Iti halok he, nit nen nikithogon ugun. Wene Allah nen ninasuk wakhikhe wene iti weak usak nogo? Motok dek o. Meke re, wene itithogon ninasuk wakhidek dogolepma re, weak hagakharek iti nikithogon nokodegat dogole o. Allah nen wene ninasuk wakhikhe iti wakhe dogolik, “Akhuni inameke, Warlok e, iluk hinakla apugup o,” iluk igidek dogolepma re, akhuni inameke meke, Warlok e, apegerek iti nokodegat dogole o.

Roma 8:31

Wene tha'bokhogonat iti hasik, nit nen nikithogon ugun. Allah nit werekmake aga halok, tha nen erlok degetdinanusak nogo. Erlok dek o.

2 Korintus 11:22

It iti inebe Ibrani meke hak, an meneke, nebe Ibrani mekeat o. It inebe Israel meke hak, an meneke, nebe Israel mekeat o. It inebe inopase Abraham nen itago meke hak, an meneke, nebe nopase Abraham nen itago mekeat o.

Ibrani 12:9

Nen, nit ninopase lak ninebe itakninakhukha meke nen ninasuk wakhunem, inane hologo inalon halogo hagakhorek iti hak, niniluk dogoagaluk ninopase nen ninobabut ket itakninabiogo meke ane hologo hagasusak dek nogo? At ane holek dogosagat o.