Roma 3:9 - ALLAH ANE WENW KET MEKE WAROGO WOKNINAKHIKHE WENE

⁹ Halok he, nit Yahudi meke anek, hano aga korlek, it itikmanke meke nuk asugun usak nogo? Motok dek o. Akhuni Yahudi meke dek, itikmanke meke dek, tha'bokhogonat dapukhogon weak meke apma dogolik weak hagakharek anek iluk alebat yokhisigi iti.

Roma 3:9 ပူးပေါင်းရင်းမြစ်များ

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

Roma 1:18

Akhuni nen, Allah ebe inobakhanini here'isalok, inobabut korloat hagakhe dogolik, ebe wene akhuni inilu asinogo iluk thebeliogei iti nen, Allah akla aga dageiluk pogot oba nen thelekmatdisikhe.

Roma 11:32

At Allah nenat, akhuni weak hagakhunem iniki herle yabokane hisaluogoluk warogo 'bisegarek iti hak, akhuni inebe tha'bokhogonat akmurinabigiluk nen, inebe tha'bokhogonat at nen at ane hologo hagakhidek nen 'bisasikhe iti.

Roma 11:7

Halok he, nit nen wene nikithogon ugun? It akhuni Israel meke hano meke iteerek asuogoluk inobatnerogon hagakhe lagoukha mekeat he, ebe ite ageidek. It aperek inebe pererlagat Allah nen wenageinakhikhe meke hano meke iteerek aga korlegat, inebe kokmake inetaiken a'beretdisikhe.

Roma 2:1

Iti halok he, hit nagarlak lak nerugi yi. Wene it aperek anek inoba 'bekhe dogolik, hit hinekaerek hinoba korasak erlok dek o. Itithogon wene it aperek inoba 'bekhe dogoligat, hit nen it hinom ipisak tak-tagat hagakhe lagap yoma re! Hinekaerek nen wene hinoba motok 'bakhekhe lagap o.

Roma 3:1

Itithogon mekeat he, it akhuni aperek nen, “It Yahudi meke hano,” iluk iliogei iti, nenaluk iliogei apegep. Nen, inoado aperlagap iti nenaluk palharek apegep.

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Roma 3:5

Meke re, nit akhuni nen ninobabut korlo hagakhorek iti baga nen, Allah obabut mothogon hagakherek iluk ekagat hagatlagarek halok, nikithogon usak. Akhuni nen egarek hak an ik. At Allah akla aga dageiluk weagarinakherek iti korlo nogo?

Roma 6:15

Halok he, wene iti ilugun oba, nikithogon usak? Nit ninebe wene Allah nen ninasuk wakhikhe wene etnogo baga hakokthek welago dek. At he, Allah obabut hano nen akmutninakherek iti baga hakokthek welago iti nen, weak hagakhe dogosak nogo? Motok dek o.

Roma 7:14

Wene Allah nen ninasuk wakhikhe wene iti, at Agoreke nen yoknisasikhemo nogo nen, hano motok, iluk ninilu. Meke re, an nobabut akhuni inobabut inikhok mekeat welagei. Weak hagakharek iti meke nen apma 'banigiluk oko palogo negen woknahikhemo welagei.

1 Korintus 10:19

Halok he, nena igin. Kaneke iti ebeat meke igin a? At ako warekharek meke karlelek iti ebeat meke igin a? Dek o.

1 Korintus 14:15

Halok he, an nikithogon hagasik. Yigithogon hagasigin. Sembayan iti, Allah Agoreke nen yoknekhe korlek inane nokodek meke baga elalinat igik, ninekaerek ninane baga ninetaiken hutdiluk nen igik, igin o. Nen, etai iti Allah Agoreke nen yoknekhe korlek inane nokodek meke baga elalinat wakhik, ninekaerek ninane baga netaiken hutdiluk nen wakhik, hagasiginat o.

1 Korintus 4:7

“It aperek iti erlok dek meke re, ageikhe iti anek he, kok motok, iluk ekhe dogono,” iluk tha nen yakulhisasikhemo. Hit hinameke yi meke ti meke horlekhe lagap iti, Allah nenat wokhisekherek dek nogo a? At nenat wokhisekherek o. Itithogon wokhisugunem horlekhe lagap mekeat he, hit nen winametdegep meke thalek hinekaerek nen hogorakhekhe lagap iti nenaluk.

Galatia 3:10

Nen, Allah ane baga holal men waganogo 'bisukha, “Wene an nen inasuk wakhigimo holal waganek werek iti tha'bokhogonat akhuni inasuk holiluk nen, mothogon hagakharek dek halok, inebe dopok homan 'bisagein werek o,” iluk isikhemo, holal waganogo 'bisukha hak, it akhuni aperek nen wene Allah nen ninasuk wakhikhe wene etnogo mothogon hagasuogoluk, inetaiken iti baga hakotdiluk welageikharek meke, Allah nen homan 'bisagein weregat o.

Galatia 3:22

Allah ane baga holal waganogo 'bekhe dogolik, “Akhuni hinebe tha'bokhogonat weak hagakhe lagap meke iti baga, hiniki herle warogo hakene welagap,” iluk, yoknisasikhe iti, nit ninetaiken Yesus Kristus oba hakotdumo, Allah nen abok isikhe meke etnogo nit ninetaiken at oba hakotdugun meke woknisagaluk isikhe iti.

Filipi 1:18

Meke re, it aperek nen inetaiken pere dogolik yogeisigik, it aperek nen inetaiken opakiat dogolik yogeisigik, hagariogei mekeat he, wene Kristus hasigat yogeisiliogei halok, yugunat. Nakla arleken akhekhe lagei. Yigithogon hagatnakho werekma, hit nen sembayan an hasik ekhe dogoumo, Yesus Kristus Agoreke nen an yomakneekhe korlek, Allah nen tilnabigin iluk an nilu dogoligat, nakla arleken akhekhe dogoginat o.