Roma 3:8 - ALLAH ANE WENW KET MEKE WAROGO WOKNINAKHIKHE WENE

⁸ It akhuni aperek nen, “Paulus lak nen men iliogei, Nit weak hagakhunem ilugun oba Allah hogorasuagaluk, weak hagakhe dogouok,” iluk, inekalat ninabok paliogei iti. Akhuni itithogon egarek meke iti, Allah nen ukum inoba 'busak mekeat 'bigin o.

Roma 3:8 ပူးပေါင်းရင်းမြစ်များ

Matius 5:11

Hit aban werek korlek, haganeat it ap Allah ane yogeisekhe lagoukha meke weagarinakhe lagoukha hagat, hit an nebe hasik, it akhuni aperek nen wenakhisigik, weagathinakhik, inekalat nenat hinabok palhe dogolik, yi weak ti weak hinoba 'bigik, hagakho halok he, hinakla arleken akhekhe dogosagat o. Yabokane ninopase pogot ona meke nen oko kok meke woknisagein iluk, hinakla hano ageik, hinakla arleken akhigik, kokhogon hagakhe dogono,” iluk yogeisasikhe.

Roma 5:20

Meke re, at ageikhe weak hagakhikhesik oba Allah ane thagalogo weak hagakharek meke akin asuagaluk, Allah nen wene ninasuk wakhikhe wene yabokane woknisasikhe. Weak hagakharek iti wialarik laga korlegat, Allah obabut hano nen akmutninakherek iti, ebenageik motok kogat ageikhe.

Roma 6:1

Iti halok he, nit nen nikithogon ugun. Allah obabut hano iti nen, kokhogon akmutninakhe dogoagaluk, nit nen weak hagakho motok dogosak nogo?

Roma 6:15

Halok he, wene iti ilugun oba, nikithogon usak? Nit ninebe wene Allah nen ninasuk wakhikhe wene etnogo baga hakokthek welago dek. At he, Allah obabut hano nen akmutninakherek iti baga hakokthek welago iti nen, weak hagakhe dogosak nogo? Motok dek o.

Roma 7:7

Iti halok he, nit nen nikithogon ugun. Wene Allah nen ninasuk wakhikhe wene iti weak usak nogo? Motok dek o. Meke re, wene itithogon ninasuk wakhidek dogolepma re, weak hagakharek iti nikithogon nokodegat dogole o. Allah nen wene ninasuk wakhikhe iti wakhe dogolik, “Akhuni inameke, Warlok e, iluk hinakla apugup o,” iluk igidek dogolepma re, akhuni inameke meke, Warlok e, apegerek iti nokodegat dogole o.

2 Korintus 11:15

At Iblis atuaneke dogolik, at hasik hagakharek mekeat he, at Allah atuaneke dogolik tak-tagat hagakharek meke negen hagatlatluk wiriogei iti inobabut inikhokmaat o. Itithogon hagakharek iti nen, o ilugun oba, Allah nen oko it yi meke ti meke hasik hagakharek tak-tagat hagarinabigin o.

2 Korintus 6:8

It aperek nen hogotninakhik, ninabok hano igik, hagakhe korlek, it aperek nen wenaknisigik, ninabok weak palhik, hagariogei. Wene eberogonat yogeisekhe korlek mekeat he, “Inekalat nukhetninabiogei,” iluk wenaknisiliogeiat.