Roma 3:27 - ALLAH ANE WENW KET MEKE WAROGO WOKNINAKHIKHE WENE

²⁷ Itithogon hagatninakherek halok he, ninekaerek nen hogorakhekhe dogosak a? Hogorakhausak motok dek aga o. Nikithogon nen hogorakhausak dek aga? nit ninekaerek nen wene Allah nen ninasuk wakhikhe wene mothogon hagarekhe lago nen ninapuke hunogo 'binanhikhe a? Dek o. Ninetaiken at oba hakotdisinem, at nenat hunogo 'binanherek iti nen, hogorakhausak erlok dek.

Roma 3:27 ပူးပေါင်းရင်းမြစ်များ

Roma 2:23

“Wene Allah nen ninasuk wakhikhe wene at Musa nen yoknisasikhe wene etnogo an nilu o,” iluk ekhe dogoligat wene iti here'isalok weak hagakhunem, it aperek nen Allah etaga ekhe dogolik abok weak iliogei iti hit nen Allah etaga weagatdekhe lagap yoma re!

Roma 4:2

At ekaerek nen hano hagakhikhe baga, Allah nen, “Wene hoba meke korogo wokhigirik, hapuke nipisak hunogo 'bagagi o,” iluk yogotlepma re, ekaerek nen hogorakhelep o. Meke re, Allah il oba hogorakhausak erlok dek welageikhe iti.

Galatia 3:22

Allah ane baga holal waganogo 'bekhe dogolik, “Akhuni hinebe tha'bokhogonat weak hagakhe lagap meke iti baga, hiniki herle warogo hakene welagap,” iluk, yoknisasikhe iti, nit ninetaiken Yesus Kristus oba hakotdumo, Allah nen abok isikhe meke etnogo nit ninetaiken at oba hakotdugun meke woknisagaluk isikhe iti.

Roma 2:17

Itithogon mekeat he, hit nen, “Nit ninebe Yahudi ebe Yahudi meke,” iluk ekhe dogolik, hinetaiken wene Allah nen ninasuk wakhikhe wene etnogo baga hakotdiluk dogolik, “Allah iti nit ninopase o,” iluk hogorakhekhe lagap yoma re!

Roma 7:21

An nobabut hagakherek igi iti re, men hekhe lagei. Hano hagasigiluk isinem nen, weak hagasusak anek hagatnakherek o.

Galatia 2:16

Meke re, akhuni wene Allah nen ninasuk wakhikhe meke etnogo mothogon hagakhunem nen, Allah nen wene inoba meke korogo wokhalok inom yabokane inapuke hunogo 'bisekherek dek. Meke re, inetaiken Yesus Kristus oba hakotdisinem anek, hunogo 'bisekherek iluk hiniluat o. Wene iti akhuni aperek nen wene Allah nen ninasuk wakhikhe wene etnogo mothogon hagakhunem, wene inoba meke korogo wokhalok, inom yabokane inapuke hunogo 'bisekherek dek. Iti nen, nit nen wene Allah nen ninasuk wakhikhe wene etnogo mothogon hagakhunem 'buk. Ninetaiken Kristus oba hakotdisinem wene ninoba meke korogo wokhalok, at ninom ninapuke hunogo 'binanoagaluk, ninetaiken Kristus Yesus oba hakotdisugu iti.

1 Korintus 4:7

“It aperek iti erlok dek meke re, ageikhe iti anek he, kok motok, iluk ekhe dogono,” iluk tha nen yakulhisasikhemo. Hit hinameke yi meke ti meke horlekhe lagap iti, Allah nenat wokhisekherek dek nogo a? At nenat wokhisekherek o. Itithogon wokhisugunem horlekhe lagap mekeat he, hit nen winametdegep meke thalek hinekaerek nen hogorakhekhe lagap iti nenaluk.

Roma 11:6

It akhuni nen hano hagakhukha baga, Allah nen inobabut palogo wenageinabilepma re, at obabut hano nen wenageinakhikhe iluk usak dek iti nen, it nen hano hagakhukha baga Allah nen inobabut palogo wenageinakhikhe 'buk. At obabut hano nen wenageinakhikhe iti.

Roma 10:5

At Musa nen wene Allah nen ninasuk wakhikhe wene etnogo baga, Allah nen wene ninoba meke korogo wokhalok yabokane ninapuke at ninom hunogo 'binanherek iti hasik men isikhe, “Akhuni wene iti holek dogolik, mothogon hagakhe dogogun meke inebe dopok, wene iti baga iniluk motok dogogun o,” iluk holal waganogo 'bisikhe.

Roma 9:32

Nenaluk nen itithogon erlok dek ageikhe. Iti inetaiken Yesus oba hakotdigidek, inekaerek inakla apalok hagakhe lagoukha iti nenat o. Akhuni holagarlem laga dogolik helekit oba inisok a'bit dikhogon waregarek hak, nuk agoukha iti.

Roma 9:11

It ap inebe pere iti, inebe itaklageidek inobabut hano hagakhik, weak hagakhik, hagakhidek werek korlek, at Allah akla nen apalok witaberogo 'bisasikhe iti ebeat atluk dogoagaluk,

Roma 8:2

An alep he, weak hagakharethek ilugun oba inebe motok watlageikharek iti meke nen herle warogo negen haknarek welageikhe. Itithogon werekma, yabokane Allah Agoreke nen Kristus Yesus ninom hunogo 'binanhe dogolik ninilugutninakherek etnogo nen herle hisalogo 'banhikhemo welagei.

Roma 7:23

niki nisok nebe a'birat, ninat meke hagakhe dogolik, wene Allah nen ninasuk wakhikhe wene etnogo nakla nen hano apegerek meke iti thebeligiluk hagakherek. Niki nisok nebe a'birat yoma weak anek hagakherek iti nen, nebe weak hagasuagaluk herle warogo negen 'banherek iti.

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Yohanes 3:36

Halok he, tha nen etaiken Allah a'but oba hakotdiliogo halok, iniluk dogogun meke iti ite agasik werek o. Meke re, tha nen, at a'but iti ane holhidek kolelogo here'isiliogo halok, iniluk motok dogogun meke iti ite asigin dek o. At he, Allah akla aga at oba motok 'biluk dogogin o.

Markus 16:16

Yogeisilik lagunem it akhuni aperek nen wene iti eberogonat iluk apagun meke ima usa'inabugun meke, Allah nen tilinabigin mekeat he, it aperek wene iti eberogonat iluk waganugun dek meke Allah nen wene inoba 'biluk weagarinabigin o.

Roma 9:31

Itithogon mekeat he, it Israel meke nen, Allah nen wene inoba meke korogo wokhasikhesik, yabokane inapuke at inom hunogo 'bisausak wene holek dogouogoluk walhasukha mekeat he, erlok dek ageikhe.