Roma 3:19 - ALLAH ANE WENW KET MEKE WAROGO WOKNINAKHIKHE WENE

¹⁹ It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Roma 3:19 ပူးပေါင်းရင်းမြစ်များ

Yohanes 15:25

Itithogonat meke re, Allah nen, Yigithogon hagatno, itithogon hagatno, iluk inasuk wakhikhe meke iti baga, ane yigithogon holal waganek werek, Wene erlo dekmaat, it nen an motok ina'iretdanhukha, iluk isikhemo, holal waganogo 'bisukha meke iti ebeat asuagaluk itithogonat hagariogei o.

Yohanes 8:9

Itithogon holal waganhe korlek, it emenogo wene yogeisasikhe meke etnogo inasuk holhukhasik, it inarluetek tak dukhisukhama, yabokane inebe tha'bokhogonat opakitek dukhisukhama, at Yesus he etnogo ipisak inarligat dogolik,

Roma 1:20

Allah ebe ninileken hogorek dek mekeat he, at nen pogot agat walhasikhemo inileken hekhe dogolik, at ebe walhasikhe mekeatma, obatne ikhok motok welagarek, iluk, obabut thekhekhogon hutdusak mekeat welageikharek iti. Welageikharek iti hasik, it nen, “Allah ninokodek dogolik weak hagakhorek,” iluk usak dek asigin o.

Roma 3:2

Iti re, yi hasik ti hasik tha'bokhogonat hano anek. Wene iti ebe thekekhogon yokhisak. Ageikhe Allah nen, “An nane it erlok hago dogogun,” iluk, irat yogeisekhe lageikhe.

Roma 3:23

Nit akhuni tha'bokhogonat haganeat nen weak hagakhorek iti baga, Allah ebe hogorakho motok welageikharek meke iti thogotdisalok ninasokneat walegat asi lagagusik welago.

Roma 3:4

Motok dek o. Akhuni inebe dopok inane inekalat isi halok he, Allah ane eberogonat anek ekherek, iluk wene holal waganogo 'bekhe dogolik, men isukha, “Hat Allah hane eberogonat anek isinem eberogonat anek agarek. Akhuni nen erlok degetdagouogoluk hagakhunem, hat erlok dek agatek dek o. Hobatne anek agatek,” iluk holal waganogo 'bisukha iti.

Roma 3:9

Halok he, nit Yahudi meke anek, hano aga korlek, it itikmanke meke nuk asugun usak nogo? Motok dek o. Akhuni Yahudi meke dek, itikmanke meke dek, tha'bokhogonat dapukhogon weak meke apma dogolik weak hagakharek anek iluk alebat yokhisigi iti.

1 Korintus 1:29

Iti nen, nit akhuni ninekaerek nen Allah il oba hogorakhausak erlok dek o.

Galatia 3:10

Nen, Allah ane baga holal men waganogo 'bisukha, “Wene an nen inasuk wakhigimo holal waganek werek iti tha'bokhogonat akhuni inasuk holiluk nen, mothogon hagakharek dek halok, inebe dopok homan 'bisagein werek o,” iluk isikhemo, holal waganogo 'bisukha hak, it akhuni aperek nen wene Allah nen ninasuk wakhikhe wene etnogo mothogon hagasuogoluk, inetaiken iti baga hakotdiluk welageikharek meke, Allah nen homan 'bisagein weregat o.

Galatia 4:21

Hit nen, “Wene Allah nen ninasuk wakhikhe wene etnogo apma ukiluk holek hagakhe dogogun,” iluk ekhe lagap meke yi, an nen wene Allah nen ninasuk wakhikhe wene etnogo baga holal waganek werek meke yokhisagein yi, hinasuk hanorogo holini o.

Galatia 4:5

Itithogon la'i ageikhe iti, nit Allah a'buri hagatlasuagaluk, wene ninasuk wakhikhe wene etnogo nen apma haknisik werekma, herle hisalninabi wisuagaluk la'i ageikhe iti.

Galatia 5:18

Allah Agoreke nen, “Itithogon hagatno,” iluk, yakulhisugunem hagakhe dogogun halok, wene Allah nen ninasuk wakhikhe wene etnogo baga yabokane wene hinoba 'bigin dek o.