Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 2:27 - ALLAH ANE WENW KET MEKE WAROGO WOKNINAKHIKHE WENE

27 Nen, hit Yahudi meke, wene Allah nen ninasuk wakhikhe wene etnogo hit ite dogolik, hinoado aperlagap palhethep mekeat he, wene iti hologo hagakhidek, thagalogo here'isalok weak hagakhe lagap iti nen, akhuni aperek inoado aperlagap palek dek mekeat he, wene Allah nen ninasuk wakhikhe wene iti mothogon hagariogei iti nen, it nen wene hit hinoba 'bugun o.

အခန်းကိုကြည့်ပါ။ ကော်ပီ




Roma 2:27
20 ပူးပေါင်းရင်းမြစ်များ  

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk


Werekma Allah nen at Saul usa'iluk nen, obulukmo at Daud etagapogot dogoagaluk, meldiluk wogeisasikhe. Wogeisasikhesik nen, wene at hasik abok ekhe dogolik, Isai a'but Daud yi re, an netaiken hunik meke, an nakla warlok apegerek meke hagasuagaluk yogokhunem, tha'bokhogonat hagakhe dogosak higi iti nen wokhisigi o, iluk yogeisasikhe.


Akhuni inebe hinakmurogon dogolik, inebe weagarinakharek dek. Wene Allah nen ninasuk wakhikhe wene etnogo tha'bokhogon tak-tak hagasu hak, akhuni inom nakmu-hakmurogon inetaiken hunik dogosak itiat o.


Wene iti inetaiken oba holal waganek hakene werek iluk, it inobabut hagakharek meke baga ekagat werek. Itithogon werekma nogo nen, yabokane o ilugun hurli baga Allah nen Yesus Kristus ayoko 'bisinem, at nen akhuni inakla yi wene ti wene limago welagarek meke iti tha'bokhogonat 'bualogo wene inoba 'bigik, kokhik, hagakhunem, it inekaerek inakla wene munini ebekhe dogolik, “An eberogonat weak hagakhima,” iluk wene inoba 'bakhigik, “Dek, an hano hagakhima,” iluk wene inoba korigik, hagasugun o, iluk wene hano wene baga isikhemo, an nen yokhisasigi apigi.


Nen, wene Allah nen ninasuk wakhikhe wene etnogo nit nen hago welagorethekma re, yi wene ti wene ninilu dogolik wene eberogonat meke anek yakulisogorek iti nen, akhuni inetaiken abit meke yakulisigik, yekerugi meke wene yakulisigik, erlok usak o,” iluk ekhe lagap iti.


Hit he, wene Allah nen ninasuk wakhikhe wene etnogo hologo hagakhe lagap halok he, hinoado aperlagap meke palhethep iti, hano motok usak. Meke re, wene iti hologo hagakhidek halok he, hinoado aperlagap meke palhethep iti alomarogo palhethep iti nen, palek dek meke negen welagap o.


Nen, it akhuni itikmanke meke inoado aperlagap palek dek dogolik, wene Allah nen ninasuk wakhikhe meke etnogo hologo hagakho halok he, at Allah nen, inoado aperlagap meke palek dek mekeat he, palek meke hakene igin dek a? Palek meke hakene igin o.


Akhuni Yahudi ebe Yahudi meke re, “An nebe Yahudi meke inoado aperlagap palek welagei,” iluk thuesika baga holal palogo 'begarek iti hasik 'buk. Dek o. Mekeat, inoado aperlagap palek ebe meke re, inoado aperlagap meke palu hak, Allah Agoreke nen inetaikenma meke karelogo ulakherek itiat o. Akhuni inetaikenma itithogon karelek werek halok he, akhuni aperek nen hogorinakharek 'buk. Meke re, at Allah nenat hogorinakherek o.


At Allah ebe opakiat iti nen, nit akhuni Yahudi meke ninetaiken at oba hakotdisinem nen, wene ninoba meke korogo wokhalok at ninom ninapuke hunogo 'binanhik, nen, it itikmanke meke inetaiken at oba hakotdisinem nen, itithogonat 'bisigik, hagakherek o.


Alep he, nit mothogon hagakhe dogoagaluk, wene Allah nen ninasuk wakhikhe mekeat he, weak hagakhe lagagu iti. Weak hagakhe lagagusikmo, yabokane nit akhuni inobabut waganhidek dogolik Allah Agoreke obabut waganogo mot hagakhe lago meke at isikhe hak hagakhe dogoagaluk, weak hagakharek iti arat obatne degetdisikhe iti.


Inoado aperlagap meke itithogon palek dogosak inom, palek dek dogosak inom, iti kok 'buk. Dek o. Ebe kok he, Allah ane hologo hagakhe dogosak itiat o.


Allah nen wene ket wene nit ninoba watnisasikhe iti, nit nen wolok loagaluk, at nenat ninobatnetninakhikhemo erlok wolok lausak welago. Wene alep inasuk wakhikhemo holal waganogo 'bisukha meke tak-tagat hagakhidek halok, iti baga inebe inakherek. Meke re, Allah Agoreke nen inilugurinakherek iti nen, nit wene alep holal waganek meke wolok lageidek, at Agoreke nen yoknisiliogo meke wolok laga lago iti.


Hit alebageik he, hinebe itimanke meke welagagip iti, hinakla ebetni. It ap Yahudi meke akhuni ineram nen inoado aperlagap etnogo palinakhukha meke iti nen, hit hinobasik, “Inoado aperlagap etnogo palek dek meke,” iluk ekhe lagoukha.


Hat hebe elege baga nenat Allah ane holal waganek iti hilu motok welagatek iti, hakla eberek motok dogosak o. Itithogon dogolik, hetaiken Kristus Yesus oba hakotdiluk werekma, Allah nen tilhabusak meke hutdinogoluk, at ane holal waganek iti bagaat hakla erlogat kagalusak werek o.


Allah ane baga nen pogot agat yi meke ti meke tha'bokhogonat ninileken hekhe lago yoma re, nit nen, “Ninileken hogorek dek meke baga walhasikhemo werek,” iluk, ninetaiken at oba hakotdiluk hutdusak o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ