Roma 2:26 - ALLAH ANE WENW KET MEKE WAROGO WOKNINAKHIKHE WENE

²⁶ Nen, it akhuni itikmanke meke inoado aperlagap palek dek dogolik, wene Allah nen ninasuk wakhikhe meke etnogo hologo hagakho halok he, at Allah nen, inoado aperlagap meke palek dek mekeat he, palek meke hakene igin dek a? Palek meke hakene igin o.

Roma 2:26 ပူးပေါင်းရင်းမြစ်များ

Matius 15:28

Itithogon yogokhikhemo, at Yesus nen, “He yi neru o. Hat nen, At nen hagasigin, iluk hetaiken noba motok hakotdegen iti nen, hakla apegen iti tak-tagat hagathisigin o,” iluk isi korlek eranogoat, eak etnogo hano ageikhe.

Roma 2:25

Hit he, wene Allah nen ninasuk wakhikhe wene etnogo hologo hagakhe lagap halok he, hinoado aperlagap meke palhethep iti, hano motok usak. Meke re, wene iti hologo hagakhidek halok he, hinoado aperlagap meke palhethep iti alomarogo palhethep iti nen, palek dek meke negen welagap o.

Roma 2:27

Nen, hit Yahudi meke, wene Allah nen ninasuk wakhikhe wene etnogo hit ite dogolik, hinoado aperlagap palhethep mekeat he, wene iti hologo hagakhidek, thagalogo here'isalok weak hagakhe lagap iti nen, akhuni aperek inoado aperlagap palek dek mekeat he, wene Allah nen ninasuk wakhikhe wene iti mothogon hagariogei iti nen, it nen wene hit hinoba 'bugun o.

Roma 3:30

At Allah ebe opakiat iti nen, nit akhuni Yahudi meke ninetaiken at oba hakotdisinem nen, wene ninoba meke korogo wokhalok at ninom ninapuke hunogo 'binanhik, nen, it itikmanke meke inetaiken at oba hakotdisinem nen, itithogonat 'bisigik, hagakherek o.

Roma 8:4

Alep he, nit mothogon hagakhe dogoagaluk, wene Allah nen ninasuk wakhikhe mekeat he, weak hagakhe lagagu iti. Weak hagakhe lagagusikmo, yabokane nit akhuni inobabut waganhidek dogolik Allah Agoreke obabut waganogo mot hagakhe lago meke at isikhe hak hagakhe dogoagaluk, weak hagakharek iti arat obatne degetdisikhe iti.

Galatia 6:15

Ninoado aperlagap palek halok inom, palhidek halok inom, ebe iti meke kok 'buk. At he, Allah nen ninebe ket ninat hagatninabiogo itiat kogat o.

Efesus 2:11

Hit alebageik he, hinebe itimanke meke welagagip iti, hinakla ebetni. It ap Yahudi meke akhuni ineram nen inoado aperlagap etnogo palinakhukha meke iti nen, hit hinobasik, “Inoado aperlagap etnogo palek dek meke,” iluk ekhe lagoukha.

Filipi 3:3

Nit he, ninoado aperlagap meke arat palek dogou hak, ebe meke hagakhe lago. Allah Agoreke nen ninakla kagalho korlek, Allah ebe hogorakhik, Kristus Yesus ninom hunik welago, iluk, hogorakhigik, hagakhe dogolik, yi wene ti wene ninoado itikmanke yi hasik hagakhorek iti baga hanotninabigin iluk apekhe lago dek o.

Kolose 2:11

Hit, at hinom itithogon hunik welagap iti nen, akhuni iniki nen inoado aperlagap palinakharek hak palhinakhukhama palek welagap 'buk. Dek o. At Kristus nenat hinobabut hinikhogat dogolik weak hagakhe lagagip meke iti palogo la'isasikhemo, hinoado etnogo palek dogou hak welagap iti.