Roma 2:25 - ALLAH ANE WENW KET MEKE WAROGO WOKNINAKHIKHE WENE

²⁵ Hit he, wene Allah nen ninasuk wakhikhe wene etnogo hologo hagakhe lagap halok he, hinoado aperlagap meke palhethep iti, hano motok usak. Meke re, wene iti hologo hagakhidek halok he, hinoado aperlagap meke palhethep iti alomarogo palhethep iti nen, palek dek meke negen welagap o.

Roma 2:25 ပူးပေါင်းရင်းမြစ်များ

La'isasikhe 7:51

Hit akhuni yoma hinobabut motok weak hinasuk holu'buk, hinoado hinaperlagap meke itithogon palek dogoligat, hinetaiken karelek dek dogolik hinasuk warek dek hagakhe lagap yi re! Hinopa lak nen, Allah Agoreke ane iti nina'it, iluk ekhe lagoukha hagat, hit it inobabut waganogo hagakhe lagap yoma re!

Roma 2:13

Wene Allah nen ninasuk wakhikhe wene etnogo inilu iti baga, wene inoba meke korogo wokhekherek 'buk. Wene ebe ninasuk wakhikhe meke mothogon hagakharek meke halok, wene inoba meke korogo wokhekherek o.

Roma 2:23

“Wene Allah nen ninasuk wakhikhe wene at Musa nen yoknisasikhe wene etnogo an nilu o,” iluk ekhe dogoligat wene iti here'isalok weak hagakhunem, it aperek nen Allah etaga ekhe dogolik abok weak iliogei iti hit nen Allah etaga weagatdekhe lagap yoma re!

Roma 2:26

Nen, it akhuni itikmanke meke inoado aperlagap palek dek dogolik, wene Allah nen ninasuk wakhikhe meke etnogo hologo hagakho halok he, at Allah nen, inoado aperlagap meke palek dek mekeat he, palek meke hakene igin dek a? Palek meke hakene igin o.

Roma 2:27

Nen, hit Yahudi meke, wene Allah nen ninasuk wakhikhe wene etnogo hit ite dogolik, hinoado aperlagap palhethep mekeat he, wene iti hologo hagakhidek, thagalogo here'isalok weak hagakhe lagap iti nen, akhuni aperek inoado aperlagap palek dek mekeat he, wene Allah nen ninasuk wakhikhe wene iti mothogon hagariogei iti nen, it nen wene hit hinoba 'bugun o.

Roma 2:28

Akhuni Yahudi ebe Yahudi meke iti ebe re, thelekma meke iti 'buk. Nen, inoado aperlagap palharek iti ebe re, inoado aperlagap palek iti 'bugat o.

1 Korintus 7:19

Inoado aperlagap meke itithogon palek dogosak inom, palek dek dogosak inom, iti kok 'buk. Dek o. Ebe kok he, Allah ane hologo hagakhe dogosak itiat o.

Galatia 6:13

It iti wene Allah nen ninasuk wakhikhe wene etnogo hanorogo holek welageidegat, inekaerek inaperlagap palekhe dogolik, “Hit itithogonat palani o,” iluk inekaerek nen hogorakhekhe dogouogoluk iliogei iti.

Galatia 6:15

Ninoado aperlagap palek halok inom, palhidek halok inom, ebe iti meke kok 'buk. At he, Allah nen ninebe ket ninat hagatninabiogo itiat kogat o.