Roma 2:24 - ALLAH ANE WENW KET MEKE WAROGO WOKNINAKHIKHE WENE

²⁴ Hit hagakhe lagap iti hasik, Allah ane holal yigithogon waganek werek, “Hit hinobabut itithogon hagasugun oba it akhuni itikmanke meke nen, Allah etaga ekhe dogolik, abok weak ekhe dogogun o,” iluk isikhemo wene holal waganogo 'bisukha hagat, hagakhe lagap o.

Roma 2:24 ပူးပေါင်းရင်းမြစ်များ

Matius 18:7

It akhuni agat oba meke yoma, it ageikhe nen an kolelogo here'anuagaluk inakla kagalumo motok weak asugun iti nen, eiye, nakmu lak o. An kolelogo here'anuagaluk inakla kagalhe dogogun mekeat he, it inakla kagalugun werek iti Allah nen motok weagarinabigin werek o.

1 Timotius 5:14

Halok he, it humi thoge aperek Iblis oporlik mirlokhogon horla lageikha iti nen, it aperek nit Allah a'buri ninom wim palek hakene meke nen ninabok weak palunogo iluk, it humi thoge tugum meke iti, inaguni tomok woginabiluk nen, ineagei itago hanorogon karelogo hagasik dogoagaluk igi iti o.

1 Timotius 6:1

Akhuni aperek nen Allah etaga weak igik, at ane nit nen yakulisekhe lago meke hasik, “Wene iti weak,” igik, unogo iluk, Allah a'buri meke it aperek inatuaneke atluk hagariogei meke iti, inekaerek inougi meke iti inapma dogolik, inakla nen, “Noe iti alon halhe dogosak,” iluk, inalon halhe dogoak o.

Titus 2:8

Itithogon yakulisugunem, it aperek wene iti ina'it meke nen, “It weak hagakha,” iluk, wene nit ninoba 'bukmoat isinem, inekarli asuagaluk, ebe weneat, hanotninakherek wene, weak usak dek meke etnogo, yakulisekhe dogono.

2 Petrus 2:2

Itithogon mekeat he, it nen inetaiken nen nukunem inekarli degat yi weak ti weak hagakhunem, akhuni doalegat nen it inobabut waganogo hagakhe dogogun iti baga, it akhuni aperek nen, Yesus oporlik lageikharek wene, ebe wene iti, abok weak ugun o.