Roma 2:21 - ALLAH ANE WENW KET MEKE WAROGO WOKNINAKHIKHE WENE

²¹ Itithogon it akhuni aperek yakulisekhe dogoligat, hinekaerek yakulekhe lagap dek yoma re! Hit nen ekhe dogolik, “Hiniki abusak waganhup o,” iluk it aperek yogeisekhe dogoligat, hit hinekaerek hiniki abusak waganhe lagap yoma re!

Roma 2:21 ပူးပေါင်းရင်းမြစ်များ

Matius 21:13

men yogeisasikhe, “Holal waganek oba, at Allah nen ekhe dogolik, An nai halek yi hasik akhuni nen ekhe dogolik, O sembayan ekhe dogogun oba, iluk ekhe dogogun, iluk isikhemo holal waganek werek o. Mekeat he, hit nen, it ap akhuni inameke iniki abusak tilogo horlegarek meke inai negen halogo 'bisekhe lagap yi re!” iluk wenageisasikhe.

Lukas 11:46

at Yesus nen, “Hit ap Allah ane holal waganek yakulisegethep meke yi re, eiye! Allah nen weagathinabiginat o. Hit nen wene akin weak iti apigidegat, akhuni inoba 'bekhe dogolik, akin meke iti hiniki opaki hasik yomageisa'buk dogolik, inoba 'bekhe lagap yoma re!

Lukas 12:47

Ap atuaneke meke ageikhe akla nen, An noe nen, Itithogon hagarogo 'banilep, iluk akla apekherek meke ilu dogoligat, hagarogo 'bisigidek dogogin halok he, ap iti tugi u werek wasi isigin o.

Lukas 19:22

Itithogon yogokhikhemo, at ap kok etnogo nen, Nagot. Hat hobabut weak motogat hagakhen o. Hat hane egen iti bagaat wene hoba 'biluk weagathabigin o. An nobabut a'bet weak dogolik, an nen 'bigidek meke horligik, ai an nen yakhidek mekeat, eken palhigik, hagakherekma, nobabut hat hilu halok he,

Lukas 4:23

Itithogon hogorakhukhama, at Yesus nen, men yogeisasikhe, “Akhuni nen hibiku-yogokuat ekhe dogolik, Hat hebe ap dokter hakene ethoma re, hoba u iti hekaerek nen hagaran o, iluk egarek meke, hit nen dagakhogon an yoknesugun higi. Itithogon yoknetluk, O Kapernaum hagakhe lagan meke holhe lago iti hak, yogotak hekaerek hai yoma itithogonat ageikhe hagasin o, iluk, yoknesuogoluk ekhe lagap higi,” iluk itithogon yogeisasikhesik nen, ageikhe men yogeisasikhe,

1 Korintus 9:27

It akhuni aperek hano asuagaluk hano wene yogeisilik nekhe lagei mekeat he, nekaerek here'anumo nuk asunogo iluk, nekaerek nen nebe warau hak, netaiken nobatnerogon thebeligik, akhuni inapma dogolik inane holek welageikharek hak, an nebe nane apma dogeigiluk nasuk warigik, hagakhe lagei o.

Galatia 6:13

It iti wene Allah nen ninasuk wakhikhe wene etnogo hanorogo holek welageidegat, inekaerek inaperlagap palekhe dogolik, “Hit itithogonat palani o,” iluk inekaerek nen hogorakhekhe dogouogoluk iliogei iti.