Roma 2:17 - ALLAH ANE WENW KET MEKE WAROGO WOKNINAKHIKHE WENE

¹⁷ Itithogon mekeat he, hit nen, “Nit ninebe Yahudi ebe Yahudi meke,” iluk ekhe dogolik, hinetaiken wene Allah nen ninasuk wakhikhe wene etnogo baga hakotdiluk dogolik, “Allah iti nit ninopase o,” iluk hogorakhekhe lagap yoma re!

Roma 2:17 ပူးပေါင်းရင်းမြစ်များ

Matius 3:9

Nen, hinakla nen, Abraham iti nit ninopase iluk, apugup o. At Allah nen Abraham a'buri negen helekit yi meke erlok hagasusak o.

Lukas 10:28

Itithogon yogokhikhemo, at Yesus nen, men yogokhikhe, “Iti wene morat egen o. Hat hobabut wene egen iti mothogon hagakhe dogogin halok he, hiluk motok dogogin o,” iluk yogokhikhemo,

Yohanes 5:39

Hit nen apekhe dogolik, Niniluk motok dogogun he, Allah ane holal waganek hago welago yi bagaat dogogun o, iluk, holal waganek iti hanorogon 'bikhegethep mekeat he, holal waganek iti, an nebe hutdanuagaluk holal waganhukhama werek korlegat,

Yohanes 5:45

Meke re, an nen Allah il oba wene hinoba 'bigin iluk hinakla apugup o. At he, Musa ane iti bagaat hanotninabigin iluk hinakla arleken akhegethep mekeat he, at nenat, wene hinoba 'bigin o.

Yohanes 7:19

Nen, Allah nen wene ninasuk wakhikhe wene iti, Musa nen holal waganogo wokhisasikhe dek nogo? Wokhisasikheat apigi. Meke re, ap hit meke ageikhe nen wene iti mothogon hagakhidek dogolik an nasuogoluk abok palhe lagap iti nenaluk,” iluk yogeisasikhemo,

Yohanes 8:33

it nen he, men yogokhukha, “Nit he, ap Abraham nen itago meke yoma, ninebe akhuni aperek nen thebelogo 'binaniluk inatuaneke ageidek meke anek welago mekeat he, hat nen ekhe dogolik, Hinebe herle hisalogo hinasokne 'binagagin o, iluk egen iti hakla nikithogon apegetik nen egen?” iluk yogokhukhama,

Yohanes 8:41

Hit he, hinopase etnogo hagakherek meke hagakhe lagap o,” iluk yogeisekhe lageikhemo, it nen he, men yogokhukha, “A! Nit param yugunisake hagakhe dogolik itakninakha meke dek o. Nit ninopase Allah arligat o,” iluk yogokhukhama,

Roma 2:23

“Wene Allah nen ninasuk wakhikhe wene at Musa nen yoknisasikhe wene etnogo an nilu o,” iluk ekhe dogoligat wene iti here'isalok weak hagakhunem, it aperek nen Allah etaga ekhe dogolik abok weak iliogei iti hit nen Allah etaga weagatdekhe lagap yoma re!

Roma 3:27

Itithogon hagatninakherek halok he, ninekaerek nen hogorakhekhe dogosak a? Hogorakhausak motok dek aga o. Nikithogon nen hogorakhausak dek aga? nit ninekaerek nen wene Allah nen ninasuk wakhikhe wene mothogon hagarekhe lago nen ninapuke hunogo 'binanhikhe a? Dek o. Ninetaiken at oba hakotdisinem, at nenat hunogo 'binanherek iti nen, hogorakhausak erlok dek.

Roma 9:32

Nenaluk nen itithogon erlok dek ageikhe. Iti inetaiken Yesus oba hakotdigidek, inekaerek inakla apalok hagakhe lagoukha iti nenat o. Akhuni holagarlem laga dogolik helekit oba inisok a'bit dikhogon waregarek hak, nuk agoukha iti.

2 Korintus 11:22

It iti inebe Ibrani meke hak, an meneke, nebe Ibrani mekeat o. It inebe Israel meke hak, an meneke, nebe Israel mekeat o. It inebe inopase Abraham nen itago meke hak, an meneke, nebe nopase Abraham nen itago mekeat o.

Galatia 2:15

Nit ninebe Yahudi mekeat itaklagagu. It itikmanke weak hagakharek meke iti hakene itaklagagu 'buk.

Efesus 2:11

Hit alebageik he, hinebe itimanke meke welagagip iti, hinakla ebetni. It ap Yahudi meke akhuni ineram nen inoado aperlagap etnogo palinakhukha meke iti nen, hit hinobasik, “Inoado aperlagap etnogo palek dek meke,” iluk ekhe lagoukha.

A'bikaka 2:9

Hit ebe meke hasik hinebe kok hinikierek mekeat he, it akhuni Iblis a'buri mekeat he, inekalat, Nit ninebe Yahudi meke, iluk ekhe dogolik, hit hinetaga weak hagarogo weak hagathinakhunem, hinebe hinerlageik weak welagap iti, an niluat o.

A'bikaka 3:1

Itithogon yoknekhesik yabokane yoknekhe dogolik, “Allah Agoreke ebe opakiat meke re, 7 thalek etnogo ite welageik, husagal ebe 7 nenat etnogo nikimo herogo welageik, hagakherek meke etnogo nen wene yi yokhisik, At malaikat Allah a'buri o Sardis natogokharek meke therisik welagarek meke etnogo, wene an nen yogosigin meke yi, hat holal waganogo oba la'in o, Hit o Sardis meke akhuni nen hinabok ekhe dogolik, It iniluk werek, iluk iliogei meke re, hinebe warek hakene dogolik hinobabut hagakhe lagap meke iti an nilu o.

A'bikaka 3:9

Lakhani! It akhuni Iblis a'buri natogokharek meke inebe Yahudi meke dek mekeat he, inekalat, Nit ninebe Yahudi meke, iluk egarek meke iti, hit hinapma ukitluk nen, an hit netaiken hunik welagei iti inilu asuagaluk, it inebe hit hinoba 'bisasigin o, iluk eberogonat yokhisigi o.