Roma 16:6 - ALLAH ANE WENW KET MEKE WAROGO WOKNINAKHIKHE WENE

⁶ He Maria hit hinobasik thet weak hagakhe lageikhe etnogo, “At nen heagei wathakhe,” iluk yogotnoat o.

Roma 16:6 ပူးပေါင်းရင်းမြစ်များ

Matius 27:55

Itithogon hagakhe korlek, it humi Yesus yomakhekhe lagoukha meke o Galilea nen usasukhasik Yesus ebe o baga meldisukhama inileken walegat nen lageik welagoukha.

Matius 5:47

Nen, hinerugi hinagarlak lak halok anek heagei warinakhe lagap halok he, hinobabut itithogon hit anek hagakhe lagap 'buk. It ap itikmanke meke inobabut itithogonat hagakharek dek a? Itithogon hagakharek o.

Roma 16:12

Nen, ageikhe re, humi Trifena Trifosa ipisak ninoe Etagapogot hasik yabu inobatnerogon hagariogei meke, “At nen heagei wathinakhe,” iluk yogeisigik, he Persis haganeat nen ninoe Etagapogot hasik ayabu motok kogat hagariogo meke iti nakmu o. “At nen heagei wathakhe,” iluk yogokhik, inoat o.

Roma 16:5

Allah a'buri it Priskila Akwila ipisak inaila natogorliogei meke inomat, “Paulus lak nen heagei wathinakha,” iluk yogeisanoat o. Nen, ageikhe re, ap Epenetus nakmu meke iti, “At nen heagei wathakhe,” iluk yogotnoat o. O Asia eloma, at iti tak etaiken Kristus oba hakotdisikhemo nen, it aperek yabokane hakotdisukha.

Roma 16:7

At Andronikus, Yunias ipisak, “At nen heagei wathinakhe,” iluk yogeisanoat o. It he, an ninom ninukuloak opakiat meke niniki herle ninom warek welagagusik. Akhuni doalegat negen Kristus nen inayoko 'biluk la'isa ageikhe mekeat he, inetagawerek irat o. It tak inetaiken Kristus oba hakotdisukhasikmo nen, an yabokane hakotdisigi iti.

1 Tesalonika 5:12

Nagarlak lak nerugi. Hinougi hakhisik werek iti, ninoe Etagapogot nen meldisasikhemo dogolik, hit hinobasik inobatnerogo hagakhik, hinasuk wakhik, hagariogei iti nen, irat inapma dogolik, hinane inalon halogo yogeisekhe dogono o.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.