Roma 15:8 - ALLAH ANE WENW KET MEKE WAROGO WOKNINAKHIKHE WENE

⁸ Wene iti hasik ageikhe yokhisak. At Kristus wageikhesik nen, it Yahudi meke emenogo inapma ukisikhe iti. Itithogon ukisikhe iti, Allah nen, “An nen itithogon hagarinabigin o,” iluk ninopa lak abok yogeisekhe lageikhe etnogo eberogonat ebeat ageik,

Roma 15:8 ပူးပေါင်းရင်းမြစ်များ

Matius 15:24

Itithogon yogokhukhama, at Yesus nen, men yogeisasikhe, “Allah nen, It ap Israel meke inebe re, domba nalageikharek iti hak werek iti nen, it anek 'birisa lan, iluk la'ani agama o,” iluk yogeisasikhe.

Yohanes 1:11

At ekaerek ailaat wageikhe meke re, at oe agot nen ebe waganhidek thogotdisukha.

Yohanes 10:16

Nen, an nako domba ebe lanma yoma anek werek 'buk. O werlekmake aperek weregat o. Nadomba etoma meke nane inasuk holuagaluk wogosik wisigilugat welagei o. 'Bisasumo, it an nako domba yoko palek opakimoke nekhe dogogun. Itithogon nekhe korlek, an narligat nen therisik dogogin o.

La'isasikhe 13:46

Itithogon hagakhukha mekeat he, it Paulus Barnabas ipisagat inayuk dekhogonat dogolik, men isukha, “Allah ane iti hit tak yokhisausak obaat yokhisa ago mekeat, hit hina'it nen here'isegesip, hinekaerek nen, Nit naburlal-haburlal hagatninabusak erlok dek o, iluk u hagat, ekhe lagap iti nen, nit ninoe Etagapogot nen ninayoko 'bekhe dogolik yoknisasikhe hagat, hagasugun. At nen, An nen akhuni itikmanke meke liarinakhik, o ilugun oba werek meke tilinakhik, hagasigiluk, isagal yibarlek hakene, hit hinebe 'binagagi o, iluk yoknisasikhe tak-tagat, it akhuni itikmanke meke yogeisa lugun o,” iluk yogeisasukha.

Roma 11:22

Allah obabut he, obabut enago inom, anini weak inom, welagarek iti 'bikhani! It alomatlagoukha meke hasik, obabut anini weak iti. Nen, hit at oba enago meke hinom hunik dogogun halok he, oba enago iti. Meke re, itithogon hunik dogogun dek halok he, hit itithogonat palogo la'inagagin o.

Roma 11:30

Hit alep Allah ane hologo hagakhidek welagagip. Mekeat he, yogotak it Israel meke Allah ane hologo hagakhidek oba, hit hinebe akmuthinakhikhe iti o.

Roma 15:16

An nebe at Kristus Yesus apma dogolik akhuni itikmanke meke woginabuagaluk nayoko 'bisikhemo, at Allah akla hanorogo Agoreke iti baga it inebe Allah hasik 'bisagaluk, at ane hano wene iti yogeisilik nekhe lagei o.

Roma 3:3

Meke re, it akhuni Yahudi meke aperek wene iti hologo dogolik inobabut hupukhogon hagakharek dek iti nen nikithogon hagatlasigin apegep. It inobabut Allah ane hologo dogolik hupukhogon dogou'buk iti nen, Allah obabut hupukhogon hagakherek meke iti dek atluk obakhanini hagasigin apegep?

Roma 4:16

Halok he, Allah obabut hano nen werlegat woknisekherek, iluk uagaluk nen, ninetaiken at oba hakotdisinem abok isikhe meke iti, woknisekherek iti. Nit at nen itago meke wene Allah nen ninasuk wakhikhe wene iti hologo mothogon hagakhe dogolik, ninetaiken Allah oba hakotdogorek meke anek woknisekherek 'buk. Abraham it aperek ninom tha'bokhogonat ninopasema re, it iti at Abraham etaiken Allah oba hakotdisikhe iti hak, inetaiken Allah oba hakotdegarek meke wogeisegaregat o.

1 Korintus 1:12

Wene ebe, men ekhe lagap iti hasik igi. Hat ageikhe nen, “An Paulus meke,” isinem, hat ageikhe nen, “An Apolos meke,” igik, hat ageikhe nen, “An Kepas meke,” igik, hat ageikhe nen, “An Kristus meke,” igik, hinane asokhotek tomok ekhe lagap iti nen igi o.

1 Korintus 10:19

Halok he, nena igin. Kaneke iti ebeat meke igin a? At ako warekharek meke karlelek iti ebeat meke igin a? Dek o.

1 Korintus 10:29

Itithogon igi iti, hit hinekaerek hinetaiken akin asusak meke hasik igi 'buk. At ageikhe yokhisagein meke iti etaiken akin asusak meke hasik igi o. Meke re, hit aperek nen, “An yugunat nausak werek korlegat, at iti etaiken akin asunogo iluk an nikidek kamotdusak iti nenaluk.

1 Korintus 15:50

Nagarlak lak nerugi. Wene yi yokhisak. Ninebe ninaburlal watlagorek meke yi inom, Allah apma 'binaniginmo etoma iteerek asugun motok dek o. Nen, ninebe hirli agorek meke yi inom yabokane ninebe ikhok motok dogogun meke iteerek asugun motok degat o.

2 Korintus 1:20

At Allah nen yi meke ti meke abok yoknisasikhe iti tha'bokhogonat, “I o, wokhisagein,” iluk u hak, Yesus ebe woknisasikhemo werek iti nen, nit at ninom hunik dogolik Allah hogorakhe dogolik, “Ebeat asuak,” iluk u hak, “Amin,” iluk ekhe lago iti.

Efesus 2:12

Etanem, Kristus ebe hinom hunik degat walegat dogolik, hinebe Allah nen wenakhinakhikhe meke dek. Ninat mekeat welagagip. Itithogon werekma, at Allah nen, wene it inom wakhe dogolik, “Itithogon hagathinabigin,” iluk abok yogeisasikhe meke etnogo, hit hinokodegat dogolik, “Hano asigin,” iluk hinakla apigidegat, Allah apma ukigidek, agat oba yoma dogolik, Allah ebe hinokodegat welagagip.