Roma 14:1 - ALLAH ANE WENW KET MEKE WAROGO WOKNINAKHIKHE WENE

¹ Hinagarlak lak hinerugi inetaiken Allah oba hutukhogon hakotdigidek inetaiken aban werek meke iti, it inobabut he, “Yigithogon hagasusak, itithogon hagasusak,” iluk egarek meke iti hasik wenageisigidegat woginakhe dogono o.

Roma 14:1 ပူးပေါင်းရင်းမြစ်များ

Matius 12:20

O ilugun hurli baga at nen wene akhuni inoba 'bigik, kokhik, mothogonat hagakhe dogolik, at obatne asigin iti aban werek korlek, hite oak sigilik meke, at nen hukaligin dek o. Nen, isagal amulok dageigidek thode anek dageikhe halok he, at nen naguldisagein degat o.

Matius 14:31

Yesus nen iki hago meldekhe dogolik, “Hat hetaiken noba hakotdigidek, hetaiken pere welaganma iti nenaluk,” iluk yogokhikhesik,

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Markus 7:19

Nekarek meke iti, inetaikenma ukekherek dek. Piokthek inelabutla usalok inamiso piokthegat usi lageikharek o,” iluk isikhe iti, “Yi meke ti meke yugunat neke dogosak. Usa dek o,” iluk isikhe iti.

Lukas 17:2

At iti nen it inebe 'bugurlaktek meke yi opakiat ageikhe an kolelogo here'anuagaluk akla kagalumo, an kolelogo hera'anhe halok, at akla kagalhe werek iti helekit kok meke arlokopma herle kilogo nen, i laut yekelekma po la'iselepma hano o.

Yohanes 13:20

“At tha nen, akhuni an nen la'isagein meke woginakhe halok, anat woknabigin o. Nen, at tha nen an woknakhe halok he, at an la'ani ageikhe meke etnogoat waganigin o, iluk eberogonat yokhisigi o,” iluk yogeisasikhe.

La'isasikhe 28:2

Yoknisasukhasik, inakla arlekenhogo wokninakhukhasik o miso wageikhemo nen, ayike nen thogei isakhoagaluk hetu mokalogo 'binanhukha.

Roma 11:15

Allah nen, it akhuni Israel meke inebe here'isasikhe iti baga, yi akhuni ti akhuni tha'bokhogonat eloma Allah inom dapulinakhikhe iti. Yabokane it woginakhunem nen nikitlasigin. Akhuni warek meke inilugurinabu hak woginabigin iti.

Roma 14:2

It inetaiken Allah oba hakotdiluk dogolik, yi meke ti meke yugunat neke dogosak, iluk apalok nekarek. Mekeat he, it aperek inetaiken aban meke, hipiri hipirika anek nekarek.

Roma 14:21

Hat nen, wam palek nikik, oken apusu nikik, yi meke ti meke hagakhik, hagakhunem nen, hagarlak heru ageikhe weak asigin iti nen, nikidek here'isekhe dogoumo hano.

Roma 14:3

It yugunat nekarek meke iti inebe Allah nenat woginakhemo. Halok he, it nekarek dek meke iti inakla nen, “It weak o,” iluk wene inoba 'busak dek. Nen, it nekarek meke iti nen, it nekarek dek meke iti inakla erlok degetdisausak degat o.

Roma 15:1

Nit aperek, ninetaiken Allah oba horlerogon hakotdiluk welago meke nen, ninekaerek hasik anek ninakla hanorogon hagakhidek, it aperek inetaiken abanma aborlok werek meke iti, yomageisekhe dogosak o.

Roma 15:7

Akhuni nen at Allah hogorakhe dogoagaluk, at Kristus nen hit hinebe wokhinakhikhe hak, hit aperek nen it aperek woginakhik, it aperek nen hit aperek wokhinakhik, hit-hit wok-wok hagakhe dogono o.

Roma 4:19

Ap Abraham ekaerek nen, “An nebe 100 tahun hakene welagarikmo, nobatne dek agasik, na'buri itaginabusak motok erlok dek agei. Nen, nage Sara ebe re, motok abirliat,” iluk ilu welageikhe mekeat he, etaiken Allah oba hakotdisikhe meke iti, akla puk ageidek hakokthek motogat welageikhe.

1 Korintus 9:22

It akhuni inetaiken aban meke Kristus hasik woginabigiluk an nobabut netaiken aban meke thalek welagei. It akhuni tha'bokhogonat inobabut hagakharek tomok hagakhe lagei iti, it meke aperek tilinabigiluk itithogon hagakhe lagei o.

Filipi 2:29

At ebe wagunem, ninoe Etagapogot hinom hunik dogolik, hinakla arleken akhekhe dogolik at ebe waganino. Hit nen nikithogon yomakneau heat iti nen, hinobolukmo at nen yomakneagaluk, “Nebe watlagei halok hanoat o,” iluk, Kristus hasik hagakhe dogolik watlatlep meke iti o. It akhuni aperek inobabut at hagakherek hak hagariogei meke halok inalonhogon woginakhe dogono o.

1 Tesalonika 5:14

Nagarlak lak nerugi. Hit nen he, it aperek yabu waganu'buk iniki waganu weak meke iti inasuk wakhik, inayuk weak meke iti inakla kagalhik, inobatne dek meke iti yomageisigik, hagakhe dogolik, akhuni tha'bokhogonat inobasik erogat hagakhe dogono.

Ibrani 5:14

Meke re, it inarluetek anek he, inetaiken horle atlukmo nogo nen, wene yi weak, yi hano, iluk penasusak inilu nogo nen, hipiri a'bet meke it inapiri o.

2 Yohanes 1:10

Akhuni aperek nen wene Kristus nen yakulnisasikhe wene dek, ninat wene yakulhisa agunem, tha nen akhuni inobabut itigirlik meke heagei warogo aila waganhunem, at obabut weak hagakherek meke iti obabut horlekherek iti nen he, hit nen akhuni inobabut itigirlik meke heagei warogo hinaila woginabusak motok dek o.