Roma 13:9 - ALLAH ANE WENW KET MEKE WAROGO WOKNINAKHIKHE WENE

⁹ Wene iti ninasuk wakhe dogolik, men isikhe, “Param hagasusak dek o. Akhuni inebe inasusak dek o. Hiniki abusak waganusak dek o. It aperek inameke hinakla nen, Warlok o, iluk apausak dek o,” iluk wene ninasuk wakhikhe iti inom, aperek ninasuk wakhikhe meke inomat, opakiat dapukhogon wene kok hakene, men isikhe, “Hit nen, akhuni hinom welagap meke iti, hinekaerek hinebe hakene hinakmurogon dogono o,” iluk isikhe iti.

Roma 13:9 ပူးပေါင်းရင်းမြစ်များ

Matius 22:39

Nen, wene iti ipisak tak-tak he, ageikhe yi, Hit hinekaerek hinebe hinetaiken hunik welagathep iti hakene, it akhuni aperek hinom welagathep meke iti hinetaiken hunik dogono o, iluk isikhe meke kok ageikhe iti.

Markus 10:19

Wene at nen, Yigithogon hagatno, itithogon hagatno, iluk ninasuk wakhe dogolik, men isikhemo werek, Akhuni inebe inasusak dek o. Param ha'isausak dek o. Hiniki abusak waganusak dek o. Hinekalat inabok palusak dek o. Nukherinabusak dek o. Hinagosa hinopase inalon halinakhe dogosak o, iluk ninasuk wakhikhe wene etnogo hat hiluat o,” iluk yogokhikhemo,

Markus 12:31

Nen, wene iti wema baga negen, men isikhe apigi, Hinekaerek hinebe hinetaiken hunik welagathep iti hak, it akhuni aperek hinom welagathep meke iti hinetaiken hunik dogono o, iluk wene pere isikhe etaat kok o. Wene ninasuk wakhikhe meke aperek weregat mekeat he, abelma negen anek o,” iluk yogokhikhe.

Lukas 10:27

ap etnogo nen he, men yogokhikhe, “At Musa nen, Hinetaiken men, hinobabut men, hinobatne men, hinakla men, opakiat atluk, ninopase Allah Etagapogot ebe itiat hinetaiken hunik dogono o. Nen, ageikhe, Hit hinekaerek hinebe hinetaiken hunik welagathep iti hagat, it akhuni aperek hinom welagathep meke iti hinetaiken hunik dogono o, iluk isikhemo holal waganek werek,” iluk yogokhikhe.

Lukas 18:20

Wene Allah nen, Yigithogon hagatno, tigithogon hagatno, iluk ninasuk wakhe dogolik, men isikhemo werek, Param hagasusak dek o. Akhuni inasusak dek o. Hiniki abusak waganusak dek o. Hinekalat inabok palusak dek o. Hinagosa hinopase inalon halinakhe dogosak o, iluk ninasuk wakhikhe etnogo hat hiluat o,” iluk yogokhikhemo,

Galatia 5:13

Nagarlak lak nerugi. Hit hinasokneat dogoagaluk Allah nen hinayoko 'bisikhemo welagap. Itithogon mekeat, hinakla nen, “An nasokneat welagei,” iluk, akhuni inobabut inikhogat dogolik hagakharek meke inobabut waganogo yugunat hagakhe dogogup. At he, wene Allah nen ninasuk wakhikhe wene etnogo tha'bokhogonat dapukhogon wene opakiat yi anek kok hakene isikhe iti, “Hit hinekaerek hinebe hinetaiken hunik welagathep iti hak, it akhuni aperek hinom welagathep meke hinetaiken hunik dogono o,” iluk isikhemo holal waganogo 'bisukha iti nen, akhuni aperek inebe hinakmurogo dogolik hit-hit yomak-yomak hagakhe dogono o.