Roma 13:8 - ALLAH ANE WENW KET MEKE WAROGO WOKNINAKHIKHE WENE

⁸ Hit he, akhuni hinoba palegeke dogosak dek. Hinoba palegeke dogou hak, hit-hit nakmu-hakmurogon hinetaiken hunik dogosak itiat o. Wene Allah nen ninasuk wakhikhe wene etnogo tha'bokhogonat tak-tagat hagasu hak, inebe nakmu-hakmurogo inetaiken hunik dogosak itiat o.

Roma 13:8 ပူးပေါင်းရင်းမြစ်များ

Matius 7:12

Hit hinakla nen, It aperek nen itithogon hano hagatninabilep e, iluk apegethep iti hagat, hit nen it iti itithogonat hagarinakhe dogono o. Wene Allah nen Musa ayoko 'biluk ninasuk wakhikhe wene iti men, it Allah nen inayoko 'bisinem ane yogeisekhe lagoukha wene iti men, dapukhogon kok he, itiat o,” iluk yogeisasikhe.

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

Roma 13:10

Akhuni inebe hinakmurogon dogolik, inebe weagarinakharek dek. Wene Allah nen ninasuk wakhikhe wene etnogo tha'bokhogon tak-tak hagasu hak, akhuni inom nakmu-hakmurogon inetaiken hunik dogosak itiat o.

Roma 13:7

Halok he, it wogeisausak mekeat wogeisekhe dogono o. Uang pemerintah nen yi hasik ti hasik kino isinem wogeisausak tak-tagat wogeisigik, it inebe hinayukhogon dogosak mothogonat hinayukhogon welageik, inalon halusak tak-tagat inalon halinakhik, hagakhe dogono o.

Kolose 3:14

Itithogon hagakhe dogolik, ebe kok hakene re, akhuni inebe hinakmurogon dogono. Inakmurogon welageikharek meke iti baga, hinebe opakiat motok dapukhogon dogou hagat dogogun iti.

1 Timotius 1:5

Inetaiken Allah nen horinakhunem inekaerek inakla nen he, “An wene noba dek, nakla thiok welagei,” iluk apekhe dogolik, inetaiken eberogonat Allah oba hakotdiluk welageikharek iti nen, akhuni inakmurogon welageikharek o. Halok he, it itithogonat dogoagaluk inasuk wakhe dogono, iluk yokhikhigi iti o.

Yakobus 2:8

Meke re, hit nen mothogon hagakhe dogosak meke yi. Allah nen ninasuk wakhe dogolik wene kok, men isikhe, “Hit hinekaerek hinebe hinakmurogon welagathep iti hak, it akhuni aperek hinom welagap meke iti hinakmurogon dogono,” iluk isikhemo, holal waganhukha meke werek iti tak-tagat hagakhe dogogun halok, mothogon hano hagakhe dogogun o.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.