Roma 13:14 - ALLAH ANE WENW KET MEKE WAROGO WOKNINAKHIKHE WENE

¹⁴ Hit hinobabut he, akhuni inobabut inikhogat dogolik, Yi waganile, ti waganile, iluk egarek iti hak hinakla kagalhidek nen, sikhe thege waganharek hak, ninoe Etagapogot Yesus Kristus obabut itiat waganino o.

Roma 13:14 ပူးပေါင်းရင်းမြစ်များ

Galatia 3:27

Nen, Kristus hinom hunesuogoluk ima usasigip meke hinebe tha'bokhogonat, su ikhegarek hak Kristus obabut waganhigip iti.

Galatia 5:24

Ninebe Kristus Yesus agarumi meke, ninobabut ninikhogat dogolik, yi warlok ti warlok apekhe lagagu meke iti, Kristus Yesus ebe o baga meldiluk wakhukha iti baga warogo 'bisugu.

Efesus 4:24

Hinebe eberogonat, at Allah nen ekaerek hasik 'bakhalok, at nen, hinobabut mothogon hagakhe dogoagaluk, at obabut hakene ket meke hagathinakhe meke iti, su ket ikhegarek hagat ikhekhe dogono o.

Kolose 2:23

It iti ineram nenat akhuni yogeisekhe dogolik, “Malaikat inapma dogolik hogorinakhik, hinakla nen, Nebe kepu, iluk igik, inetaiken hano asuagaluk, iniki inasuk inilhaoak palegarek hak, inoado baga wiik-weakhogon hagakhik, hagakhe dogosak o,” iluk wene inakla kagalek hano thalek yogeisiliogei iti. Meke re, inoba agaken dageisinem, wene iti baga nen inetaiken thebelusak erlok dek o.

1 Petrus 2:11

Nagarlak lak nerugi. Hinebe nakmu lak e. Hit hinebe ap huso akhuni inaila la'inagoumo lalok, etoma dogolik, yi meke ti meke hinakla nen kagalogo dageitluk, hinetaiken nen nukunem warlok apegethep meke iti re, thili meke nen inakharek iti hak hinebe weagathinabigiluk, hinakla nen kagalogo dagei agarek meke iti here'isekhe dogobageik iluk yokhisekhe lagei iti o.