Roma 12:9 - ALLAH ANE WENW KET MEKE WAROGO WOKNINAKHIKHE WENE

⁹ Hit hinetaiken oba nenat akhuni hinakmurogo dogono o. Weak meke hina'it motok dogolik, hano meke hiniki a'bethogon hago dogono o.

Roma 12:9 ပူးပေါင်းရင်းမြစ်များ

Matius 26:49

at tak Yesus oba wageikhesik nen, “Noe o,” iluk, ape tharluk heagei wakhunem,

Yohanes 12:6

Itithogon wene palhikhe iti, akhuni inameke dek meke iti akmu nen isikhe 'buk. At agarlak lak inom tha'bokhogonat inauang ai heisogon meke hago dogolik, at ekaerek hasik limago horlekhe lageikhe iti nen wene itithogon isikhe.

La'isasikhe 11:23

At Barnabas iti, obabut hano dogolik, etaiken Yesus oba hakotdiluk motok werekma, Allah Agoreke akla kerlekhogon welageikhe iti nen, la'i agoukhama, wageikhesik ileken hisalok, akla nen, “Allah obabut hano nen hano hagarinakhemo werek higi,” iluk akla arleken akhasikhe. Akla arleken akhasikhesik, “Hit tha'bokhogonat hinetaiken ninoe Etagapogot oba hakotdiluk, at hinom hunigat motok dogono o,” iluk inasuk wakhikhe. Inasuk wakhe lageikhemo, akhuni doalegat, ninoe Etagapogot werekma dapuldiluk inebe wiak-wayakhogon hagatlagoukha.

2 Korintus 6:6

Itithogon hekhe dogoligat, ninobabut weak hagakhidek karelek dogolik, hano wene ninilu welageik, ninobakhanini hapugutdiluk welageik, ninobabut enago welageik, hagakhe lago. At Allah Agoreke ninakla dogolik akhuni inebe eberogonat ninakmurogon welago.

2 Korintus 8:8

An nen, “Hit itithogon hagatno,” iluk, nane obatnerogon yokhisigi dek o. It Allah a'buri o Makedonia yoma meke nen inakla nen kagalogo it meke natogorlogo Allah a'buri iti akilukhogon yomageisiliogei iti hak, hit meneke, iti hinakmurogon yomageisugunem, “Eberogonat it inakmu werek,” iluk ekagat asuagaluk yokhisigi iti o.

1 Tesalonika 2:3

Wene yokhisekhe dogolik hinasuk wakhe lagagu iti, hit nuk asuagaluk korlo wene yokhisigik, ninetaiken pere dogolik yokhisigik, ninane 'bitokhogon yokhisigik, ekhe lagagu dek o.

1 Tesalonika 5:15

Akhuni nen hit aperek weagathinakhunem, oko-oko weagarinakhidek dogolik, hit-hit hinobasik inom, akhuni tha'bokhogonat inobasik inom, inobabut hanorogo hagakharek iti mekeat kogotdekhe dogono.

1 Tesalonika 5:21

Yi meke ti meke waganuogoluk, “Yi hano, yi weak,” iluk hinakla nen walhalok, hano meke halogat, hiniki a'bethogon herogo dogolik,

1 Timotius 1:5

Inetaiken Allah nen horinakhunem inekaerek inakla nen he, “An wene noba dek, nakla thiok welagei,” iluk apekhe dogolik, inetaiken eberogonat Allah oba hakotdiluk welageikharek iti nen, akhuni inakmurogon welageikharek o. Halok he, it itithogonat dogoagaluk inasuk wakhe dogono, iluk yokhikhigi iti o.

Ibrani 1:9

Nen, hat hobabut, mothogon anek hagakhetek iti meke hagakhe dogolik, korlo hagakhe dogosak ha'it motok iti nen, hagarlak lak hinom welagathep meke inapma negen werek korlek, hat anek, hukuloak oba apusu tialogo an hopase nen meldagasigi iti nen, hakla arleken motok akhekhe dogono o,” iluk yogokhikhesik

Ibrani 12:14

Hit hinebe karelogo Allah meke 'bisigidek dogogun halok he, at ebe hinileken hugun motok dek iti nen,akhuni tha'bokhogonat hinom hano dapulik dogolik, hinebe at hasik 'bisalok weak hagakhidek hano karelek motok dogouogoluk hinobatnerogon hagakhe dogono o.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Petrus 4:8

Wene kok hakene yi. Hit-hit nakmu-hakmurogon hagakhe dogolik, ageikhe nen ageikhe weagatdugun meke thagalogo motok degetdugun iti nen, hit-hit hinagarlak lak hinerugi hinom nakmu-hakmurogo motok hagakhe dogono.