Roma 12:6 - ALLAH ANE WENW KET MEKE WAROGO WOKNINAKHIKHE WENE

⁶ At Allah obabut hano nen, nit tha'bokhogonat ninobabut tomok woknisasikhe iti nen, at nen woknisasikhe tak-tagat hagakhe dogosak o. It aperek nen Allah ane yogeisekhe dogoagaluk inobabut wogeisasikhe meke, inetaiken at oba hakotdiluk welageikharek tak-tagat yogeisekhe dogosak.

Roma 12:6 ပူးပေါင်းရင်းမြစ်များ

Matius 23:34

Halok he, hinasuk hanorogo holini. An nen ap Allah ane yogeisegarek meke inom, inakla kagalek meke inom, Allah ane holal waganek iteerek meke inom, la'isasigin meke iti, hit nen ebetlake o baga meldisalok inakhik, ebetlake o hit sembayan egethepma ukiluk tugi wiik-weakhogon inakhik, ebetlake sikhogo-mukhogo o kota ageikhe nen o kota ageikhe la'isigik, hagarinabugun o.

Matius 25:22

Itithogon yogokhikhesik werekma, yabokane at uang 2.000 waganhikhe meke etnogo oba wageikhesik nen, Noe. Hat nen 2.000 woknikhigin etnogo lakhan. An nen yabokane 2.000 ageikhe inomat lapelogo 'bigima yi o, iluk yogokhikhemo,

Lukas 11:49

Itithogon hagakhethep iti nen, at Allah akla kagalek motok etnogo nen ekhe dogolik, An nen it ap an nane yogeisegarek meke men, inayoko 'biluk la'isa agarek meke men, it akhuni aperek inoba la'isa agunem, it nen inebe ebetlake inakhik, ebetlake yi aik ti aik hagarinakhik, hagasugun o, iluk isikhe tak-tagat,

La'isasikhe 13:1

Allah a'buri o Antiokhia natogokhe lagoukha meke emenogo, it aperek nen Allah ane yogeisigik, it aperek nen yakulisigik, hagakhe lagoukha meke inebe ap ageikhe Barnabas iti, ageikhe Simeon etaga Ebe Mirli ekhe lagoukha meke iti, ageikhe Lukius o Kirene meke iti, ageikhe Menahem, Herodes kok gubernur agarlak ipisak kogorinakhukha meke iti, ageikhe Saulus iti, welagoukha.

La'isasikhe 15:32

Inakla arleken akhasukhama nen, at Yudas Silas ipisak Allah ane yogeisekhe lagoukha meke nogo nen, Allah a'buri emenogo inetaiken thebelhik, ago warinakhik, hagasuogoluk, wene kogat yogeisekhe lagoukha.

La'isasikhe 2:17

At nen, men isikhe, At Allah nen ekhe dogolik, O ilugun oba an Nagoreke iti, kokhogonat akhuni tha'bokhogonat inoba usa'isigin o. Usa'i agunem, hina'buri elege men, homagarlugi men, it nen an nane akhuni yogeisigik, hinagarumi elege thue negen nen ina'bikaka higik, hinopase lak yaman meke nen ina'bi higik, hagakhe dogogun o.

La'isasikhe 21:9

At Filipus a'buri homagarlugi inebe 4 meke inebe tharlisigat dogolik, Allah ane yogeisekhe lagoukha meke welagoukha.

Roma 1:11

Hit hinetaiken horle asuagaluk, Allah Agoreke nen wogeisekherek meke iti, hit ageikhe wokhisagaluk 'bithisa etle, apekhe lagei o.

Roma 12:3

At Allah obabut hano nen, yigithogon hagakhe dogoagaluk nayoko 'bisikhe iti nen, wene ageikhe yi hinebe tomok hinasuk wasik. Hit he, it aperek inapma dogosak werek korlek, hinakla nen, “An nebe kok,” iluk hinetaiken siatdakhausak dek. At he, Allah nen hinebe tomok hinetaiken at oba hakotdekhe dogoagaluk hinobabut tomok wokhisasikhe tak-tagat, hinetaiken thebekhogon dogolik hinobabut palekhe dogono.

1 Korintus 12:18

Meke re, at Allah nen akla apalok nenat niniki ninisok ninebe yi meke ti meke ninebe baga werek yoma obolukmo tomok hunogo 'binanhikhemo ninebe opakiat meke welago yi.

1 Korintus 13:2

Nen, Allah ane hano motok yogeisigik, wene akhuni inakla limago welagarek meke iti tha'bokhogonat nilu ageik, yi wene ti wene tha'bokhogonat niluat welageik, netaiken Allah oba motok hakotdiluk tom ageikhe obolukmo nen higikhogon werlekmake loagaluk yogosusak erlogat welageik, hagakhe dogolik mekeat he, akhuni aperek inebe nakmurogon dogogin dek halok he, we yugunat hagakhe dogosak o.

1 Korintus 14:1

Hinobabut akhuni inebe inakmu welageikharek iti meke hinobatnerogon yakulhe dogono. Yakulhe dogolik, Allah Agoreke nen inobabut tomok wogeisekherek wene iti iteerek asubageik nen, hinobatnerogon hagakhe dogono. Hagakhe dogolik, Allah ane pakhogon yogeisegarek meke iti meke wokhisoagaluk, kogotdino o.

1 Korintus 14:24

Itithogon mekeat he, hit hinebe tha'bokhogonat nen, Allah ane pakhogon isinem, at ageikhe etaiken Allah oba hakotdigidek meke inom, wene okodek meke inom, hinoba ukitluk, at nen men usak, “Eiye. An weak hagakhima wene noba werek higi o,” iluk akla apasinem,

1 Korintus 14:29

Nen, Allah ane yogeisegarek meke iti inebe pere nen a? Henagan nen a, yokhisausak. Itithogon yokhisekhe korlek, hit aperek nen, wene mot iliogo igik, korlo iliogo igik, obabut palhe dogosak o.

1 Korintus 3:5

At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.

1 Korintus 7:7

Akhuni tha'bokhogonat, an he dek werlegat welagarek hak dogoumo, hano, iluk apegerek mekeat he, at Allah nen ninobabut tomok, at ageikhe obabut ninat, at ageikhe obabut ninat, woknisasikhe iti nenat he, itithogon erlok dek o.

2 Korintus 8:12

Hit meke dek meke 'buk. At he, werek meke hinetaiken oba nenat, it iti 'bisagun halok he, at Allah nen, “Hano 'bega,” iluk apagein o.

Efesus 3:5

Haganeat nen he, wene iti akhuni aperek pakhogon yogeisigidekma, inokodegat welagoukhama, yogotak Allah Agoreke nen, it ap Allah a'buri Yesus nen inayoko 'biluk la'isasikhe meke emenogo inom, Allah ane yogeisiliogei meke emenogo inom, pakhogon yakulisasikhemo inilu agoukha iti, wene ebe yigithogon.

Efesus 4:11

Nen, supusogo usa'isa ageikhe iti ebe, nit Allah a'buri ninebe tha'bokhogonat Kristus ebe hakene werekma, o halharek hak halogo 'binanhunem, ninebe tha'bokhogonat Allah hasik hagakhe dogoagaluk, ninebe tomok ninayoko 'biluk meldinanik lageikhe iti o. It aperek Allah ane wolok loagaluk inayoko 'bigik, it aperek Allah ane yogeisekhe dogoagaluk inayoko 'bigik, it aperek hano wene akhuni itikmanke hasik yogeisilik loagaluk inayoko 'bigik, it aperek Allah a'buri therisik dogolik wene yakulisekhe dogoagaluk inayoko 'bigik, ninebe tomogat itithogon ninayoko 'bisikhe iti o.

Filipi 3:15

Halok he, nit ninetaiken arat horle aga meke yi, wene iti hasik hutdekhe dogouok. Itithogonat meke re, hit hinetaiken wene werlek meke oba ebekhe lagap halok he, hutduagaluk at Allah nen hutukhogon yokhisageinat o.

1 Tesalonika 5:20

Allah ane at Agoreke nen inakla kagalogo yogeisekherek meke iti, hinakla meanetdigik, hagakhe dogogup o.

2 Petrus 1:20

Wene Allah ane iti, it akhuni inakla kagalogo ageikhe isukha dek o. Inebe akhuni mekeat he, Allah Agoreke nen inakla kagalogo yakulisekhe korlek, Allah nen isikhe wene iti yogeisekhe lagoukha iti nen, wene Allah ane holal waganogo 'bisukha meke werek iti, Allah Agoreke nen ninakla kagalhidekma, ninekaerek ninarligat nen thekekhogon hutdusak erlok dek o.