Roma 12:2 - ALLAH ANE WENW KET MEKE WAROGO WOKNINAKHIKHE WENE

² Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.

Roma 12:2 ပူးပေါင်းရင်းမြစ်များ

Matius 13:22

Nen, ai hilik ageikhe okama arlok weakma usa'isikhe meke iti ebe, it akhuni aperek Allah ane iti inasuk holharethek nenat he, inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat negen dogolep e, iluk inakla ebekhe dogolik, inekaerek nen nukhetdakhigik, hagakharek iti nen, wene iti erlo keken atluk nen, eken ikherek dek itiat o.

Markus 4:19

inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat dogolep e, iluk inakla ebekhe dogolik, inekaerek nen nukhetdakhigik, inakla nen yi meke ti meke aperek warlok apigik, hagakharek iti nen, wene iti inakla keken atluk nen, eken ikherek dek itiat o.

Yohanes 14:30

Akhuni agat oba meke inoe kok etnogo ebe wiriogo iti nen he, an wene doalegat yokhisagein dek o. At iti wisigin mekeat he, an at iki baga welageidek o.

Yohanes 15:19

Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 17:14

Hat hane etnogo it arat yogeisigi o. Nen, an nebe akhuni agat oba meke yoma inagot dek iti hak, it itithogonat inebe akhuni agat oba meke inagarumi dek iti nen, it akhuni agat oba meke nen ina'it motok hagarinabiogei o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

Roma 12:1

Nagarlak lak nerugi. At Allah ninebe akmu iluk wene ageikhe hinakla kagalik. Allah ako warekhe lagoukha hak, hinebe hiniluk mekeat, at ekaerek hasik 'bisalok, at akla hanorogo wogokhe dogono o. At apma dogolik, at hasik hagasusak meke itithogonat hagakhe dogono o.

Roma 13:14

Hit hinobabut he, akhuni inobabut inikhogat dogolik, Yi waganile, ti waganile, iluk egarek iti hak hinakla kagalhidek nen, sikhe thege waganharek hak, ninoe Etagapogot Yesus Kristus obabut itiat waganino o.

Roma 7:12

Wene Allah nen ninasuk wakhikhe wene iti, Allah aneat o. “Yigithogon hagasusak dek, tigithogon hagasusak dek,” iluk ninasuk wakhikhe wene iti ebe tomok at aneat o. Wene iti mot hano motok isikhe o.

Roma 7:14

Wene Allah nen ninasuk wakhikhe wene iti, at Agoreke nen yoknisasikhemo nogo nen, hano motok, iluk ninilu. Meke re, an nobabut akhuni inobabut inikhok mekeat welagei. Weak hagakharek iti meke nen apma 'banigiluk oko palogo negen woknahikhemo welagei.

Roma 7:22

An nakla nen, “Wene Allah nen ninasuk wakhikhe wene iti hano,” iluk apegerek mekeat he,

1 Korintus 3:19

Akhuni agat oba meke nen, “Nit akhuni ninawene ninakla motok kagalek,” iluk apiliogei halok he, Allah nen, “Inakla abit werek o,” iluk apekherek. It ap Allah ane holal waganogo 'bekhe lagoukha meke nen, “'Bagei herle 'bilukmo ukisinem kerokhogon wakherek hak, it akhuni agat oba meke yoma inakla kagalek thalek dogolik nukhetdisiliogei iti baga, kerelagunem, Allah nen weagarinabigin werek o,” iluk holal waganogo 'bisukha.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

2 Korintus 5:17

Akhuni inebe Kristus inom hunik werek halok he, inobabut ket meke hagarinakhemo werek o. Alep meke dek aga. Yabokane ket meke hagatlaga.

Galatia 1:4

Nit weak hagakhorek iti nen ninopase Allah akla nen, “Itithogon hagasuak,” iluk akla apasikhe baga, at Yesus Kristus nen nit akhuni agat oba meke yoma tilninabigiluk, etaiken nenat nit ninobabut weak motok hagakhorek meke iti ukum at ekaerek nen oba 'bakhalok watlageikhe iti.

Efesus 1:18

At nenat hinakla liathinakhunem, hit nen he, “Ninayoko 'bisikhe meke etnogo nen yabokane hanotninabigin,” iluk, hinakla arlekenhogon oba eberek welagap meke etnogo hinilu ageik, yi meke ti meke hano meke hogorakho motok dogogun meke at a'buri woknisagaluk kokhogon hulogo 'binanhikhe meke iti, hinilu ageik,

Efesus 2:2

Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

Efesus 5:17

Hinetaiken abit dogosak dek o. At ninoe Etagapogot akla warlok apekherek meke itiat erlo hera'iluk mothogon hagakhe dogono.

Kolose 1:9

Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

Kolose 4:12

At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

1 Tesalonika 4:3

Allah akla nen he, men apekherek iti, “Hit hinebe an nobasik 'baniluk karelek motok dogolik, param ha'isegarek iti meke ha'isigidek motogat dogono.

Titus 3:5

Itithogon thelekma ageikhesik, Allah Agoreke nen ninakla thobalogo ninebe ket meke itakninakhik, ninobabut ninat hagatninakhik, hagakhikhe iti, nit ninekaerek nen ninobabut mothogon hagakhe lagagu baga hagatninakhikhe 'buk. Ninebe at nenat akmutninakhikhesik tilninakhikhe iti o.

Yakobus 1:27

Ninopase Allah nen, “Akhuni nen an nakla hanorogo mot hano motok hagakhe dogosak he, yigithogon. Yekerugi irlagakot meke inom, humi thoge meke inom, nuk atluk werekma yomageisigik, akhuni agat oba weak hagariogei meke iti inobabut waganhidek inekaerek nen kareligik, hagakhe dogosak o,” iluk akla apekherek iti o.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.

1 Petrus 1:14

Hit alebat wene iti hinokodek dogolik, yi meke ti meke warlok nen hinetaiken oba nen nukunem hagakhe lagagip iti, yabokane hinobabut iti meke waganhup o. Yekerugi nen inopase lak inane holek dogolik mothogon hagakharek iti hak, hit Allah ane hinasuk hologo mothogon hagakhe dogono.

1 Petrus 1:18

Alebageigat hinopa lak hagakhe lagoukha iti hak, it inobabut waganogo dek asigin meke hasik yugunat alomarogo hagakhe lagagip iti nen, hiniki herle warek negen werekma, Allah nen hinebe hinoko palogo tilhinakhikhe iti hiniluat o. Oko iti dek asigin meke emas oba, perak oba hinoko palhinakhikhe 'buk.

1 Petrus 4:2

Iti nen, hit nen akhuni yi meke ti meke warlok nen inetaiken nen nekerek iti meke here'isalok, hurli yogotak hurli nen, agat oba yoma hiniluk dogolik Allah akla warlok apekherek meke iti anek hagakhe dogono o.

2 Petrus 1:4

It akhuni agat oba yoma yi meke ti meke warlok nen, inetaiken nen nukunem inobabut weak hagatlatluk weak apegarek meke iti here'isalok lo dukhitluk, Allah obabut waganuagaluk, hano meke woknisiliogo iti. At nen elalinat hagakhunem hogorakho motok welageikharek meke etnogo nen, “Yi meke ti meke oko baga waganusak erlok dek. Hano motok kok meke, wokhisagein werek o,” iluk abok yoknisasikhe iti, ebe woknisiliogo.

2 Petrus 2:20

Akhuni agat oba weak hagakharek meke yoma here'isalok, lo dukhitluk nen, ninoe Etagapogot Yesus Kristus tilninakhikhe meke ebe inilu atlugat, yabokane inapuke weak hagakharek meke iti oba ukugunem nen, mul erloma ukugunem inebe ha'isalok hagakherek hak, hageinabumo erlok degat asugun iti. Erlok degat atluk, alep weak welagoukha iti, hemurlugat hano negen. Meke re, yabokane weak asugun iti, motok kok negen weak atluk dogogun o.

1 Yohanes 3:13

Halok he, nagarlak lak nerugi o. Akhuni agat oba meke nen, hit ina'it motok hagathinakho halok he, “Nayuk o,” iluk hinelabut hikhup o.

1 Yohanes 5:19

It akhuni agat oba meke inobabut inikhok meke iti tha'bokhogonat he, at obabut weak meke etnogo iki baga welageikharek. Itithogon welageikharek mekeat he, nit anek he, Allah ebeat a'buri meke welago, iluk ninilu o.

A'bikaka 13:8

At Allah nen pogot agat aban walhigidek dogolik, “It eta iniluk motok dogoagaluk hagarinabigin,” iluk inetaga at ADomba Eak, it inobasik wakhukha meke etnogo aruesika baga holal waganogo 'bisikhe. It inetaga itithogon holal waganogo 'bisikhe meke, helo yeke hakene kok etnogo hogorakhidek werek korlek, akhuni agat oba welageikharek meke aperek tha'bokhogonat helo yeke hakene kok etnogo inetaiken oba hakotdiluk hogorakhe lageikha hisigi.