Roma 12:16 - ALLAH ANE WENW KET MEKE WAROGO WOKNINAKHIKHE WENE

¹⁶ Akhuni aperek hinelokhoma 'bisigik, aperek hinoporlike 'bisigik, hagakhidek nen, hinakmurogo ipisak tak-tagat anek hagarinakhe dogono o. Ap koktek inobabut hagakharek meke iti, hagakhidek he, inapma dogolik hagakharek meke itiat hagakhe dogono o. Hinakla nen, “An wene motok nilu o,” iluk hinekaerek nen hogorakhugup o.

Roma 12:16 ပူးပေါင်းရင်းမြစ်များ

1 Petrus 3:8

Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.

Ibrani 13:5

Allah nen ninebe tomok hasigat ekhe dogolik, “An nen hat niki hetokhogon here'agagik, hebe hasokneat 'bageigik, hagasigin dek o,” iluk isikhe iti nen, hit uang hinetaiken hundiluk dogogup o. Herlekha'bugat werek iti, hit hinakla nen, “Yi erlok werek,” iluk apausak o.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

Roma 12:3

At Allah obabut hano nen, yigithogon hagakhe dogoagaluk nayoko 'bisikhe iti nen, wene ageikhe yi hinebe tomok hinasuk wasik. Hit he, it aperek inapma dogosak werek korlek, hinakla nen, “An nebe kok,” iluk hinetaiken siatdakhausak dek. At he, Allah nen hinebe tomok hinetaiken at oba hakotdekhe dogoagaluk hinobabut tomok wokhisasikhe tak-tagat, hinetaiken thebekhogon dogolik hinobabut palekhe dogono.

1 Korintus 3:18

Hinekaerek nen hinebe dalugup o. Hat ageikhe nen, “An akhuni yoma inawene meke nakla kagalek o,” iluk apekhe lagan halok he, hakla ebe wene iti kagalasuak nen, akhuni inawene iti hakla abit asuak o.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Roma 11:25

Nagarlak lak nerugi. Wene Allah akla wene yi hinokodek dogosak iti, an na'it. Hit hinekaerek nen, “Nit wene ninilu o,” iluk hogorakhaunogo iluk, wene yi yokhisak. It akhuni Israel meke inetaiken a'bet iti, we elanma hasigat werek o. Nen, yabokane it akhuni itikmanke meke ukisugun meke hurli erlok uki ageikha halok he,

Lukas 14:13

Meke re, hat itithogon isakhe dogolik halok he, it inameke dek inerlageik meke iti inom, inuak thagalek meke inom, initibagal weak meke inom, inileken puk meke inom, it itigirlik meke inayoko 'bekhe dogono.

1 Korintus 8:2

At ageikhe nen apekhe dogolik, “An wene arat nilu,” iluk apiliogo mekeat, at hutukhogon ilu asusak mekeat he, aban okodek dogolik iliogo o.

1 Korintus 6:5

Hinekarli wakhe lagei o. Hit hinagarlak lak hinom, hat ageikhe nen at ageikhe wene oba 'begen halok, ap Allah a'but akla motok kagalek dogolik wene pilinerogo degetdusak meke opakiat ageikhe dek nogo? Werek apekhe lagei.

Filipi 4:2

Euodia, Sintike, nerugi o. Hipisagat ninoe Etagapogot hinom hunik dogolik, hinetaiken opakiat meke ebekhe dogobageik iluk nane nobatnerogon yokhisigi iti o.

1 Korintus 4:10

Nit Kristus hasik ninebe kepu werek korlek, hit anek he, Kristus hinom hunik dogolik hinakla kagalek welagap higi. Nit erlok dek werek korlek, hit anek he, hinobatne werek welagap higi. Nit inakla erlok degetdinanhe korlek, hit anek, hogothinabiogei higi.

Lukas 6:20

Itithogon hagakhunem, at Yesus nen agarumi ane waganhe lagoukha meke emenogo ileken inoba 'biluk nen, men yogeisasikhe, “Hit hinerlageik meke, Allah apma 'binagagin iti nen he, hinakla arleken akhekhe dogono o.

Matius 26:11

It akhuni inameke dek meke iti hit hinom motok dogogun mekeat he, an anek he, hit ninom motok dogogun dek o.

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

1 Petrus 5:3

Allah a'buri therisik dogoagaluk supusogo wokhisasikhe iti therisik dogolik, hinebe kok negen dogolik, hinane hithani-hathani negen hagarinakhe dogogup. Hit hano hagakhunem inileken hisalok hinobabut waganogo hagakhe dogoagaluk, hano hagakhe dogono.

Filipi 3:16

Mekeat he, yogotak ninobabut wene iti hutdiluk hagarik waga lago hagat, itithogonat hagarik laga dogouok o.

Filipi 1:27

Wene hano wene Kristus nen hagakhikhe wene etnogo baga, “Yigithogon hagakhe dogono, tigithogon hagakhe dogono,” iluk yokhisegarek mekeat hagakhe dogono. Itithogon hagakhe dogolik, hinebe opakiat dapukhogon hagakhe dogoumo, it akhuni aperek nen hinabok ekhe dogolik, “It inobabut hano wene yogeisugunem holiogei tak-tagat inetaiken Allah oba hakotdiluk obatnerogon metek werek o,” iluk, an nebe walegat werekma yoknisugun a? Hinoba witluk nileken hisagein a. Wene hano wene yokhisogorek hak, hinetaiken opakiat hinom dapukhogon dogolik, wim yakhe dogolik obatnerogon yakharek hak, wene iti hasik hinobatnerogon hagakhe dogono.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

La'isasikhe 4:32

It wene eberogonat iluk waganhukha meke iti, inebe doalegat meke re, inetaiken opakiat welagoukha. Dogolik, inameke yi meke ti meke tha'bokhogonat, “Yi an meke,” iluk igidegat he, “Ninebe tha'bokhogonat ninameke,” iluk ekhe lagoukha.

3 Yohanes 1:9

An nen hit Allah a'buri inobasik holal 'berorlagat waganogo hinoba la'i agagi mekeat he, at Diotrefes akla nen he, “An Allah a'buri inoe kok hagatlasu warlok,” iluk apiliogo meke iti anek he, an nane hologo hagariogo dek iti o.

Roma 6:2

Motok erlok dek o. Nit weak hagakhe lagagu iti hasik he, arat watlagagusigat nen, yabokane weak hagakhe dogosak nogo? Erlok dek o.

Roma 11:20

Itithogon mothogon apekhe lagap mekeat he, hinakla ebetni. It inetaiken Allah oba hakotdigidek nen palogo la'isasikhe. Meke re, hit anek he, hinetaiken Allah oba hakotdisigip iti nen wokhinakhikhemo welagap iti. Halok he, hinekaerek nen hogorakhigidek, hinayukhogon dogono