Itithogon hagakhe iti nen, an nen hat ageikhe yokhesik o. At he yi nen weak doalegat hagakhe laga mekeat he, at akla nen, Yesus nen thagalogo degetdekhemo, iluk kokhogon akmutnakhe iti baga ekagat hagatlaga o. It akhuni weak herlekha'bugat hagariogei meke, Allah nen thagalogo degetdisinem, herlekha'bugat negen inakmurinakharek o,” iluk yogokhikhesik
Roma 12:1 - ALLAH ANE WENW KET MEKE WAROGO WOKNINAKHIKHE WENE1 Nagarlak lak nerugi. At Allah ninebe akmu iluk wene ageikhe hinakla kagalik. Allah ako warekhe lagoukha hak, hinebe hiniluk mekeat, at ekaerek hasik 'bisalok, at akla hanorogo wogokhe dogono o. At apma dogolik, at hasik hagasusak meke itithogonat hagakhe dogono o. အခန်းကိုကြည့်ပါ။ |
Roma 12:1
49 ပူးပေါင်းရင်းမြစ်များ
Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.
Hiniki hinisok hinebe baga welagarek meke aperek inom tha'bokhogonat, weak meke asikhe arege negen atluk nen, weak hagakhe dogoagaluk, at wogokhe dogogup. Hinebe warek hakene werekma Allah nen hiniluguthinakhemo hiniluk dogolik hagasusak mothogonat, hinebe a'birat Allah wogotni o. Hiniki hinisok hinebe baga welagarek meke inom aperek tha'bokhogonat nen, at asikhe arege negen atluk nen, mothogon hagakhe dogoagaluk Allah wogotni o.
Hit nen, ap ageikhe atuaneke atluk nen, ane holek dogouogoluk, apma ukiluk dogolik, at ane holhe lagap halok he, at atuaneke mekeat welago iluk hinokodek nogo? Weak hagakharek meke iti apma ukiluk nen, ilugun oba watlageikharek iti. Mekeat he, at Allah ane holek dogolik, at apma ukilukmo, ilugun oba at nen wene ninoba meke korogo wokhalok at ninom yabokane ninapuke hunogo 'binanherek iti.
Hit hinobabut wene yokhisigi iti hutdusak erlok dek hakene nen, hutdubageik nen iluk, akhuni inatuaneke dogolik hagakharek meke inoba lisogo yokhisekhe lagei iti. Hit alebageik, hiniki hinisok hinebe baga welagarek meke aperek inom tha'bokhogonat nen, weak meke atuaneke thalek wogokhik, yugunat hagakhik, hinasuk warek dek yi weak ti weak hagakhik, hagakhe lagagip iti. Iti hagat, yogotak hit hiniki hinisok hinebe baga welagarek meke aperek inom tha'bokhogonat nen, Allah ekaerek hasik 'bisalok mothogon hagakhe dogouogoluk, at wogokhe dogono o.
An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.
At Allah nen, men isikhemo holal waganogo 'bisukhama werek, “An nen he, hit hinane nasuk holusak apigi bagaat holhi o. Hinebe tilhinabusak tak-tak obaat yomakhisa agei o,” iluk isikhe iti, Allah nen ninane asuk holusak he, o yogotak yaat o. Nen, ninebe tilninabusak he, o yogotak yaat o, iluk hinakla ebetni o. Halok he, nit Allah ninom at hasik hagakhe dogolik, at obabut hano nen akmuthinakhikhemo, at ebe waganhigip etnogo, we yugunat alomakhup o, iluk hinasuk wakhe lago iti o.
An nakla nen, wene Kristus hasik u nekarli ageidek yogeisekhe dogosak warlok motok. Halok he, nekarli ageidek yogeisekhe dogogin o, iluk, hutdiluk nakla hano welagei. Hibiku-yogokuat pakhogon yogeisegerek hak, yogotak itithogonat yogeisagalugat welagei. Nebe niluk dogoumo hanoat. Nen, watlasumo hanoat. An itithogon hagatnakho korlek, nebe abirat Kristus hasik hagakhe lagei iti baga, akhuni nen Kristus hogorasuagalugat welagei.
Yogotakne, hit nen yomakneegepma, horligirik, an tha'bokhogonat warlok apekhe lagei meke erlok agasik ato titu agaat. Ap Epafroditus oba 'begepma woknisi agama nen, nameke werek aga o. Hit nen an yomakneegep iti, domba Allah hasik warogo hetu hunekhe dogolik obasi hano meke liakhunem, at akla hano agarek hak, itithogon yomakneegepma, at Allah akla hano aga o.
Nagarlak lak nerugi. Wene ilugun oba ageikhe yi yokhisak. Nit ninoe Etagapogot Yesus nen, “Hinobabut Allah akla hanorogon, yigithogon hagakhe dogono, tigithogon hagakhe dogono,” iluk, isikhemo yakulhisa agagu etnogo hinilu. Itithogon yakulhisasugumo, hit nen itithogon hagakhe lagap mekeat he, yabokane ageikhe inom kokhogon hagakhe dogobageik iluk, ninoe Etagapogot Yesus ninom hunik dogolik hinasuk warogo yokhisigi iti o.
Itithogon mekeat he, it thoge meke iti ineagei, inagonai itago meke aperek werek halok, it iti nenat, “Nit ninebe erlo opakiat nen itago meke,” iluk, it nen hagasusak meke yakuluak o. Iti at Allah akla nen he, “An napma dogolik, inopase lak nen kogorinakhe lagoukha hak, oko it tak hanorogon yomageisekhe dogosak o,” iluk akla warlok apekherek iti nen, itithogonat yomageisekhe dogoak o.
Mekeat he, hti nen weak hagasugun oba, oko tugi hinakho korlek, hinetaiken thebekhogon hinobakhanini hapugutdiluk dogogun halok, hogothinabusak nogo? Dek o. Hinobabut obaat usak o. Mekeat he, hano hagakhunem, yi aik ti aik hagathinakhe korlegat, hinetaiken thebekhogon hinobakhanini hapugutdiluk dogogun halok he, Allah obabut hano nen hanothinabiginat o.
ကြော်ငြာတွေ