Roma 11:7 - ALLAH ANE WENW KET MEKE WAROGO WOKNINAKHIKHE WENE

⁷ Halok he, nit nen wene nikithogon ugun? It akhuni Israel meke hano meke iteerek asuogoluk inobatnerogon hagakhe lagoukha mekeat he, ebe ite ageidek. It aperek inebe pererlagat Allah nen wenageinakhikhe meke hano meke iteerek aga korlegat, inebe kokmake inetaiken a'beretdisikhe.

Roma 11:7 ပူးပေါင်းရင်းမြစ်များ

Markus 6:52

Itithogon hogorakhukha iti, alebat roti titurogon wogeisasikhe etnogo hutdigidek inakla pugat dogolik, yabokane hisakne dek ageikhemo hogorakhukha iti.

Lukas 13:24

“It akhuni doalegat, holagape herlekha'bugat ukuogoluk walhagun mekeat he, erlok dek asigin iti nen, hit holagape herlekha'bugat iti baga ukubageik nen, hinobatnerogo hagakhe dogono, iluk yokhisekhe lagei.

Yohanes 12:40

“At Allah nen, it inileken nen hutukhogon halok, inakla ebetdiluk inobabut hebelatluk, an napma wagunem, an nen it hano hagarinabinogo iluk, an nenat it inileken pugutdisigik, inakla pugutdisigik, hagatdisigi o,” iluk isikhemo, Yesaya nen holal waganogo 'bisikhemo werek iti.

Roma 10:3

It he, Allah nen wene inoba meke korogo wokhalok yabokane inapuke inom hunobo 'bisoagaluk, at apma ukiluk dogolik hagasusak meke inokodek nen hagakhidek welagoukha. Inekaerek inakla nen apalok inobatnerogon hagakhe lagoukha iti.

Roma 11:25

Nagarlak lak nerugi. Wene Allah akla wene yi hinokodek dogosak iti, an na'it. Hit hinekaerek nen, “Nit wene ninilu o,” iluk hogorakhaunogo iluk, wene yi yokhisak. It akhuni Israel meke inetaiken a'bet iti, we elanma hasigat werek o. Nen, yabokane it akhuni itikmanke meke ukisugun meke hurli erlok uki ageikha halok he,

Roma 11:5

Iti hak, Allah obabut hano nen, wenageinakhikhe meke o yogotak ya inebe ato pererlagat weregat o.

Roma 3:9

Halok he, nit Yahudi meke anek, hano aga korlek, it itikmanke meke nuk asugun usak nogo? Motok dek o. Akhuni Yahudi meke dek, itikmanke meke dek, tha'bokhogonat dapukhogon weak meke apma dogolik weak hagakharek anek iluk alebat yokhisigi iti.

Roma 6:15

Halok he, wene iti ilugun oba, nikithogon usak? Nit ninebe wene Allah nen ninasuk wakhikhe wene etnogo baga hakokthek welago dek. At he, Allah obabut hano nen akmutninakherek iti baga hakokthek welago iti nen, weak hagakhe dogosak nogo? Motok dek o.

Roma 9:18

At Allah nen, “At yi nakmu,” iluk akla apekherek meke halogat, akmurakhik, nen, “At iti etaiken a'beretdisigin,” iluk akla apekherek meke halogat etaiken a'beretdisigik, hagakherek iti.

Roma 9:23

It iti hasik itithogon obakhanini hapugutdiluk dogolik, nit ninobasik men apiliogo, “It nakmu meke hanorinabigiluk ebekeram walinakhigi iti, hano motok hagarinabigin meke inilu asuak o,” iluk apekherek.

1 Korintus 10:19

Halok he, nena igin. Kaneke iti ebeat meke igin a? At ako warekharek meke karlelek iti ebeat meke igin a? Dek o.

2 Korintus 3:14

Meke re, it iti inetaiken abiretdisikhemo welagoukha. Yogotak meneke Allah nen, “Itithogon hagathinabigin,” iluk wene inom wakhukha meke holal waganek meke iti, it nen etaga thalhunem, inetaiken kagalasusak dek abisake ageikhesik sapumeke laberek werek. Itithogon laberek meke iti, at Kristus inom hunekhunem anek he, inetaiken sapumeke laberek meke iti erlok 'bukalagarek iti.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

Efesus 1:4

At Allah nenat ninebe at ekaerek hasik 'bakhalok, at il oba karelek motok dogoagaluk, pogot agat aban walhigidek dogolik, wenakninakhikhe iti ebe at Kristus oba nenat wenakninakhikhe o.

Efesus 4:18

inakla mumat werek. Inetaiken helekit hakene abisake nen, hano wene inokodegat dogolik, Allah akhuni inilugurinakherek meke etnogo inom hunik dek nekalogat meke welageikharek iti o.

Filipi 1:18

Meke re, it aperek nen inetaiken pere dogolik yogeisigik, it aperek nen inetaiken opakiat dogolik yogeisigik, hagariogei mekeat he, wene Kristus hasigat yogeisiliogei halok, yugunat. Nakla arleken akhekhe lagei. Yigithogon hagatnakho werekma, hit nen sembayan an hasik ekhe dogoumo, Yesus Kristus Agoreke nen an yomakneekhe korlek, Allah nen tilnabigin iluk an nilu dogoligat, nakla arleken akhekhe dogoginat o.

Ibrani 12:17

At Esau hagakhikhe iti, hit hinilu o. At akla nen, “Nopase nen yoknekhe dogolik, Allah nen hanothakhe dogoak o, iluk yoknesuak,” iluk yabokane yogosuagaluk de aga dogolik kino yogokhikhe mekeat he, agot arat yogokhikhesikmo nogo nen, yabokane apuke waganusak erlok dek ageikhe iti.