Roma 11:6 - ALLAH ANE WENW KET MEKE WAROGO WOKNINAKHIKHE WENE

⁶ It akhuni nen hano hagakhukha baga, Allah nen inobabut palogo wenageinabilepma re, at obabut hano nen wenageinakhikhe iluk usak dek iti nen, it nen hano hagakhukha baga Allah nen inobabut palogo wenageinakhikhe 'buk. At obabut hano nen wenageinakhikhe iti.

Roma 11:6 ပူးပေါင်းရင်းမြစ်များ

Lukas 6:13

O wi ageikhemo nen, at agarumi ane waganhe lagoukha meke emenogo waisasikhemo wagoukhama nen, it meke inebe 12 wenago 'bisasikhesik nen, “Hinebe la'inagagin,” iluk meldisasikhe.

1 Korintus 15:10

Itithogon usak erlok dek mekeat, Allah obabut hano nen nayoko 'bisikhemo yigithogon agagisik welagei o. Nayoko 'bisikhe iti we yugunat 'bisikhe dek iti nen, it aperek tha'bokhogonat yabu herlekha'bugat hakene waganhe korlek, an anek he, doalegat hakene waganhe lagei o. Meke re, itithogon waganhe lagei iti, an nen waganhe lagei 'buk. Allah obabut hano nen, nipisagat dogolik waganiogo o.

Galatia 2:21

Allah obabut hano nen hanotninakherek wene iti an nen thagalogo here'isegerek dek. Wene Allah nen ninasuk wakhikhe wene etnogo baga, wene ninoba meke korogo wokhalok ninom ninapuke hunogo 'binanilepma re, Kristus watlageikhe iti yugunat alomarogo watlatlep o.

Galatia 5:4

Hit aperek nen, “Wene Allah nen ninasuk wakhikhe wene iti baga hakotdiluk, at nen, wene ninoba meke korogo wokhalok, ninom yabokane ninapuke hunogo 'binanuak,” iluk hagakhe lagap halok he, Kristus hinom hek egesip nen, at Allah obabut hano nen woknisekherek meke etnogo here'isalok dukhegep iti.

2 Timotius 1:9

At Allah nen ninebe tilninakhik, at ekaerek a'buri asuagaluk ninayoko 'bigik, hagakhikhe iti, nit nen ageikhe hagakhugu baga ninayoko 'bisikhe 'buk. At he, Allah obabut hano nen, ebekeram yi meke ti meke aban winametdigidek dogolik, yabokane Kristus Yesus hagasigin oba hanotninabigiluk, ekaerek akla apalok ninayoko 'bisikhe iti.

Titus 3:5

Itithogon thelekma ageikhesik, Allah Agoreke nen ninakla thobalogo ninebe ket meke itakninakhik, ninobabut ninat hagatninakhik, hagakhikhe iti, nit ninekaerek nen ninobabut mothogon hagakhe lagagu baga hagatninakhikhe 'buk. Ninebe at nenat akmutninakhikhesik tilninakhikhe iti o.