Roma 11:2 - ALLAH ANE WENW KET MEKE WAROGO WOKNINAKHIKHE WENE

² Allah nen a'buri haganeat nen wenageinakhikhe meke iti here'isasikhe dek o. Wene at Elia nen hagakhikhe wene holal waganek werek etnogo hinokodek nogo? At nen Allah nen it wene inoba 'bekhe dogoagaluk, men ekhe lageikhe,

Roma 11:2 ပူးပေါင်းရင်းမြစ်များ

Markus 12:26

Akhuni watlatlukmo Allah nen inilugurinabigin, iluk wene Musa nen holal waganhikhe meke etnogo etaga thalhidek welagap nogo? At Musa o 'beroat erloma lageikhesikmo, Allah nen men yogokhikhe, Abraham inom, Ishak inom, Yakub inom, inopase Allah anat o, iluk yogokhikhemo holal waganhikhe meke etnogo etaga thalhidek welagap nogo? Etaga thalhethebat o.

Lukas 4:1

At Yesus i Yordan ima usasinem, Allah Agoreke akla kerlekhogon ukisikhemo dukhi ageikhesik lagunem, at Allah Agoreke nen ebe wolok, o limo akhuni dekma etoma lageikhe.

Yohanes 4:11

Itithogon yogosigin apasikhe, at he etnogo nen, men yogokhikhe, “La'uk. Hat hageisoak dek. Nen, i hulelek yi wema elomaat meke re, hat nen i inilugurinakherek meke iti, koma meke henago woknisigiluk nen egen.

La'isasikhe 13:48

Itithogon yogeisugunem, it akhuni itikmanke meke inasuk holhukhasik nen, “Ninoe Etagapogot nen wene iti hano motok isikhemo higi,” iluk hogorakhukhasik inakla arleken akhasukha. Inakla arleken akhalok nen, Allah nen it naburlal-haburlal hagarinabigiluk wenageinakhikhe meke nen, “Wene iti eberogonat,” illuk hutdisukhasik waganhukha.

La'isasikhe 15:18

itithogon ninilu asuagaluk haganeat yoknisasikhemo, holal waganogo 'bisukha iti.

La'isasikhe 3:17

Meke re, nagarlak lak nerugi. Hit hinougi ap koktek hinom Yesus hasik hagakhep iti, hinokodek dogolik hagakhepma iti, an nilu o.

La'isasikhe 7:40

Inetaiken o Mesir la'iluk dogolik, at Harun ayoko 'biluk men yogokhukha, At Musa o Mesir nen woknisik dukhi aga etnogo, nikithogon hagatlagama he. Nit ninokodek, iti nen, nit ninapuke woknisik o Mesir loak nen, Allah ebe hakene obolukmo kaneke ageikhe woknisano, iluk yogokhukha.

Roma 6:16

Hit nen, ap ageikhe atuaneke atluk nen, ane holek dogouogoluk, apma ukiluk dogolik, at ane holhe lagap halok he, at atuaneke mekeat welago iluk hinokodek nogo? Weak hagakharek meke iti apma ukiluk nen, ilugun oba watlageikharek iti. Mekeat he, at Allah ane holek dogolik, at apma ukilukmo, ilugun oba at nen wene ninoba meke korogo wokhalok at ninom yabokane ninapuke hunogo 'binanherek iti.

Roma 9:23

It iti hasik itithogon obakhanini hapugutdiluk dogolik, nit ninobasik men apiliogo, “It nakmu meke hanorinabigiluk ebekeram walinakhigi iti, hano motok hagarinabigin meke inilu asuak o,” iluk apekherek.

Roma 9:6

Allah nen it abok yogeisasikhe iti, “Ebe dek aga,” iluk igi 'buk. It Israel nen itago meke iti tha'bokhogonat he, inebe Israel Allah nen wenageinakhikhe meke 'buk.

1 Korintus 6:2

Yabokane Allah a'buri nen akhuni agat oba meke yoma wene inoba 'bigik kokhik hagasugun iti hinokodek nogo a? Itithogon hagasugun halok, wene herlekha'bugat meke iti, hit nen pilinetdiluk nen wene inoba 'bigik kokhik hagasusak dek nogo?

1 Korintus 8:3

Itithogon mekeat he, at ageikhe nen, Allah ebe etaiken hunik halok he, Allah nen ap iti ebe ilu o.

Filipi 1:22

Nebe agat oba yoma niluk dogolik Allah ayabu yabokane kokhogon hagasusak werek iti nen, niluk dogosak a? Watlasusak a. Ki meke ite asik he, nokodek ariogo.

Ibrani 1:1

O muk haganeat, at Allah nen it ap at ane yogeisekhe lagoukha meke emenogo iki hibiku-yogoku, wene at ageikhe yogokhik, at ageikhe yogokhik, nekalok-nekalogat yogosugunem, it nen nit ninopa lak yakulisekhe lagoukha.