Roma 11:1 - ALLAH ANE WENW KET MEKE WAROGO WOKNINAKHIKHE WENE

¹ An nen wene ageikhe hinok waganik. An nebe re, Israel meke Abraham nen itago meke nukuloak etaga Benyamin meke welagei iti nen, at Allah nen a'buri Israel meke iti motok here'isasikhe apegep? Motok dek o.

Roma 11:1 ပူးပေါင်းရင်းမြစ်များ

Lukas 20:16

At ebe ayabu witluk nen, it inebe motogat warogo podisalok inobolukmo anggur ai yagoma etnogo therogo dogoagaluk, ap ninat meke wogeisageinat o,” iluk yogeisasikhemo, it emenogo nen, “Eiya! Itithogon hagasusak dek o!” iluk yogokhukhama,

La'isasikhe 22:3

“An he, ap Yahudi meke, nebe o propinsi Kilikia o kota Tarsus itaklagagi meke re, o Yerusalem yoma nen kogotnakhukhama narlue agagi. Narlue agagimo, ap kok Gamaliel nen wene Allah nen ninopa lak inasuk wakhikhe meke etnogo hutukhogon yakulnekhe lageikhe. Yakulnukhunem, an nen hit yogotak Allah hasik hinbatnerogon hagakhe lagap iti hagat, hagakhe lagagi.

La'isasikhe 26:4

An nebe elege baga nen akhuni ninukuloak opakiat meke ninom o kota Yerusalem dogolik nobabut erlo baga nen hagakhe lagagi meke iti, it akhuni Yahudi meke tha'bokhogonat inilu o.

Roma 11:11

An nen hinok ageikhe wokhinabik. Akhuni holal lagunem inisok a'bit dikhogon waregarek hak, it akhuni Israel meke weak agoukha iti, motok-motogat alomatlagoukha nogo? Motok dek o. It weak hagakhukha iti nen, Allah nen it akhuni itikmanke meke tilinakhikhe iti. Itithogon tilinakhunem nen, it Israel meke nen, “Nit tilninabuem,” iluk inoba ua palogo inobabut hebelasuagaluk hagakhikhe iti.

Roma 3:4

Motok dek o. Akhuni inebe dopok inane inekalat isi halok he, Allah ane eberogonat anek ekherek, iluk wene holal waganogo 'bekhe dogolik, men isukha, “Hat Allah hane eberogonat anek isinem eberogonat anek agarek. Akhuni nen erlok degetdagouogoluk hagakhunem, hat erlok dek agatek dek o. Hobatne anek agatek,” iluk holal waganogo 'bisukha iti.

2 Korintus 11:22

It iti inebe Ibrani meke hak, an meneke, nebe Ibrani mekeat o. It inebe Israel meke hak, an meneke, nebe Israel mekeat o. It inebe inopase Abraham nen itago meke hak, an meneke, nebe nopase Abraham nen itago mekeat o.

Filipi 3:5

An nebe itaklagagimo iniki 7 hari welagoukhasik nen, iniki ageikhe baga noado aperlagap meke palnakhukha iti o. Nebe Israel meke, nukuloak etaga Benyamin mekeat, nagosa nopase Israel meke nogo nen, nebe Ibrani ebe Ibrani mekeat itaklagagi iti o. Wene Allah nen ninasuk wakhikhe meke etnogo hasik, ap Farisi meke nen herogo welageikharek hak, nobatnerogonat herogo welagagi meke.