Roma 10:9 - ALLAH ANE WENW KET MEKE WAROGO WOKNINAKHIKHE WENE

⁹ Hape baga nen, “Ninoe Etagapogot Yesus at o,” iluk pakhogon igik, nen, hakla nen, “Yesus ebe watlageikhesikmo, Allah nen ilugutdisikhemo werek o,” iluk eberogonat apigik, hagasumo, tilhabiginat o.

Roma 10:9 ပူးပေါင်းရင်းမြစ်များ

Lukas 12:8

Itithogon yogeisasikhesik, ageikhe men yogeisasikhe, “Tha nen akhuni inil oba, Yesus iti an noe o, iluk pakhogon isi halok he, an abat itaklasi agagi etnogo nen meneke, it malaikat Allah nen yoko la'isa agarek meke emenogo inil oba, At yi an nagot o, iluk, it inobasik nane pakhogonat yogeisagein o.

Yohanes 9:22

Itithogon yogeisasukha iti, it ap koktek Yahudi meke nen ekhe dogolik, “It akhuni inebe tomok nen, Ap yi re, Allah nen nit akhuni tilninabuagaluk la'isigin isikhe etnogo Kristus ebe yiat o, iluk pakhogon isi halok, o sembayan egarekma nen lisogo ula'uok o,” iluk wene palhukha meke werek iti nen he, ap iti agosa opase it ap koktek Yahudi meke inayuk nen,

La'isasikhe 16:31

it nen he, “Hetaiken ninoe Etagapogot Yesus oba hakotdigin halok he, hat hebe men, ha'buri men, hinebe tha'bokhogonat tilhinabigin o,” iluk yogokhukha.

La'isasikhe 2:24

Wakhepma, at ebe hinet wakhe dogolik watlaga mekeat, akhuni iniki herle warogo 'bisegarekma welageikharek iti hak, at itithogon warek motok dogosak dek iti nen, iniki herle hisalogo ula'isegarek iti hak, Allah nen ilugutdekhemo iti.

La'isasikhe 2:32

Itithogon isikhe tak-tagat, at Yesus Allah nenat ilugutdekhemo, nit ya tha'bokhogonat ninileken hogosik niniluat welago iti.

La'isasikhe 8:36

Yogorik motok holagarlem usekhe dogolik, i werekma usasukhasik, ap kok etnogo nen, “I werek yi 'bikhan. An ima usa'anusak apekhe lagei. E a? At he, ki meke aban welagei apegen,” iluk yogokhikhemo, [

Roma 10:10

Akhuni inetaiken Allah oba hakotdisinem nen, at nen wene inoba meke korogo wokhalok,, yabokane inapuke at inom hunogo 'bisekherek. Nen, inape baga nen, at abok pakhogon isinem nen, tilinakherek iti.

Roma 14:11

Allah nen men yogeisasikhe, “An hinopase Netagapogot niluk motok welagarek meke nen nane eberogonat yokhisak. Akhuni inebe dopok he, an napma ukitluk, it nen, Allah harat o, iluk inape baga dopok pakhogon yoknesugun o,” iluk yogeisasikhemo holal waganogo 'bisukha.

Roma 14:9

Watlagoukha meke dek, niniluk meke dek, dapukhogon hasik, at Kristus ninoe Etagapogot dogeigiluk, watlageikhesik iluk ageikhe iti.

Roma 4:24

Nit ninobasik inomat yoknisasikhe o. Halok he, nit meneke, ninetaiken ninopase Allah ninoe Etagapogot Yesus watlageikhesikmo nen ilugutdisikhe meke etnogo baga hakotdogorek iti nen, at nen, “Hinobabut mothogon hagakhe dogou hak, hinetaiken noba hakotdegepma, wene hinoba meke korogo wokhigirik hinapuke ninom hunogo 'binagagi itiat o,” iluk yoknisekheregat.

Roma 8:34

Nen, wene ninoba 'biluk nen, tha nen weagatninabusak nogo. At Kristus Yesus watlageikhesikmo Allah nen ilugutdisikhemo, pogot oba dageiluk, at alilu iki ebeke ebe kok dogolik, nit hasik Allah ayoko 'biliogo.

1 Korintus 12:3

Wene yi hinilurogo yokhisak. Akhuni Allah Agoreke inakla werekma, “At Yesus Allah nen weagatduak o,” iluk homan 'busak erlok dek o. Nen, Allah Agoreke inakla dek halok he, “Yesus an noe Etagapogot,” iluk usak erlok degat o.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

1 Petrus 1:21

Ebe watlageikhesikmo Allah nen ilugutdiluk hogorakhe dogoagaluk meldisikhemo, hinetaiken Allah oba hakotdiluk, “Yabokane at nen hanotninabigin,” iluk oba eberek welagap iti.

1 Yohanes 4:15

Tha nen, “Yesus iti Allah a'but,” iluk pakhogon yogeisekherek meke halok, at Allah nen at ipisak hunik motok, nen, at nen Allah ipisak hunik motok, welageikharek o.

2 Yohanes 1:7

Itithogon hagakhe dogosak iti, it akhuni inebe doalegat nen, “Yesus Kristus iti abat itaklasi ageidek,” iluk, nukhetdisegarek meke inebe thelekma ageikhasik agat oba yi ai ti ai tha'bokhogonat liliogei iti nen, nakmu-hakmurogon hagakhe dogosak igi iti o. It iti inebe re, Kristus inom motok weak dogolik akhuni nukhetdisegarek meke etnogoat o.