Roma 10:4 - ALLAH ANE WENW KET MEKE WAROGO WOKNINAKHIKHE WENE

⁴ At Kristus ebe agat oba usageikhe iti baga, wene Allah nen ninasuk wakhikhe wene etnogo tha'bokhogonat mothogon anek hagakhikhe. Akhuni inetaiken at Kristus oba hakotdegarek meke inebe dopok, wene inoba meke korogo wokhalok, yabokane inapuke Allah inom hunogo 'bisekherek.

Roma 10:4 ပူးပေါင်းရင်းမြစ်များ

Matius 3:15

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk

Yohanes 1:17

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

Galatia 3:24

Nit ninetaiken Yesus oba hakotdisinem, wene ninoba meke korogo wokhalok, Allah ninom yabokane ninapuke hunogo 'binagaluk, Kristus aban itaklageidek werek korlek, wene ninasuk wakhikhe wene etnogo nen haknisik dogoagaluk isikhe iti.

Galatia 4:5

Itithogon la'i ageikhe iti, nit Allah a'buri hagatlasuagaluk, wene ninasuk wakhikhe wene etnogo nen apma haknisik werekma, herle hisalninabi wisuagaluk la'i ageikhe iti.

Kolose 2:10

Malaikat pogot oba meke inom, mokat obabut weak meke inom, inapma hagasik werekma inane holharek meke, at Kristus kok arligat ane holusak iti nen, hit meneke, at hinom hunik dogolik, hinetaiken 'bogokhogon horle agasip welagap iti.

Kolose 2:17

Akhuni inebe aban waga korlek inamukhak tak inelokhoma wagarek hak, Kristus ebe aban wageidek werek korlek, wisigin iluk wene tha'bokhogonat iti meke tak hagakhe lagoukha. Meke re, ebe re, Kristus at o.

Ibrani 10:14

At Kristus opaki hasigat watlaga dogolik, ebe Allah wogokhikhe iti baga, nit akhuni ninebe Allah hasik 'binanherek meke 'bogokhogon motok hotninakhikhe.