Roma 10:16 - ALLAH ANE WENW KET MEKE WAROGO WOKNINAKHIKHE WENE

¹⁶ Meke re, akhuni inebe tha'bokhogonat hano wene itiat waganusak meke re, it aperek waganhidek werek o. At Yesaya nen, Allah men yogokhikhe, “Ninopase. Nit wene yogeisugunem nen, tha nen wene iti hutdekhe. Hutdigidek anek werek o,” iluk yogokhikhe.

Roma 10:16 ပူးပေါင်းရင်းမြစ်များ

Matius 13:14

It akhuni inobabut itigirlik meke iti inobasik he, at Yesaya nen men isikhe, Inasuk holek dogogun meke re, hutukhogon hutdekhe dogogun degat o. Nen, inileken 'birogo dogogun mekeat he, hutukhogon hekhe dogogun degat o.

Yohanes 10:26

hit hinebe domba an meke 'buk, ninat iti nen, nebe hutdanhe lagap dek iti o.

La'isasikhe 28:24

Itithogon yogeisugunem nen, it ebetlake wene iti eberogonat iluk waganhukha. Mekeat, it ebetlake nen waganhidek.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

Roma 11:17

O zaitun erlo hano meke werekma, ikilo'bak aperek palogo la'isalok nen, obolukmo o zaitun okama meke ikilo'bak palogo hunisisumo, erlo hunik dogolik apusu werek dogou hakene, hit iti, hinebe itikmanke meke Allah nen it Yahudi meke emenogo inoba hunogo 'binageikhemo hano welagap o.

Roma 16:26

Iti re, it ap at ane yogeisekhe lagoukha meke emenogo nen holal waganogo, thelekmatdisukhama werekma an nen yokhisasigi iti. Yi ap ti ap inukuloak etaga dopok tha'bokhogonat wene iti inasuk holiluk inetaiken Yesus oba hakotdiluk ane hologo hagakhe dogoagaluk, at Allah ikhok motok welagarek meke etnogo nenat, “Wene yi akhuni inilu asuak o,” iluk isikhe.

Roma 2:8

Itithogon mekeat, it akhuni aperek nen inekaerek hasik anek hagakhe dogolik, ebe wene isinem inasuk hologo hagakhidek here'isalok, weak wene anek inasuk hologo hagakharek meke iti, Allah akla aga hetpet dageilik wene kokhogon inoba 'bigin o.

Roma 3:3

Meke re, it akhuni Yahudi meke aperek wene iti hologo dogolik inobabut hupukhogon hagakharek dek iti nen nikithogon hagatlasigin apegep. It inobabut Allah ane hologo dogolik hupukhogon dogou'buk iti nen, Allah obabut hupukhogon hagakherek meke iti dek atluk obakhanini hagasigin apegep?

Roma 6:17

Hit alebageik nen, weak hagakharek iti apma ukiluk werekma, yabokane, wene yakulhisugunem, wene iti hinetaikenma waganhigip iti nen, Allah heagei wasuok o.

Galatia 3:1

Hit akhuni o Galatia meke hinetaiken dek hagakhe lagap etoma re! Yesus Kristus ebe o baga meldiluk wakhukha wene etnogo hinil obaat thekekhogon yakulhisasugu mekeat he, wene yabokane tha nen hinakla kagalhemo itithogon hagakhe lagap.

Galatia 5:7

Akhuni tha ae 'busuk werek tha ae 'busuk werek pirlirli lageikharek hak, hit haganeat nen, ebe wene iti hasik hinobabut akilukhogo hagakhe lagagip mekeat he, yabokane tha nen hinakla kagalhe lagama ebe wene iti hologo mothogon hagakhidek, hinakla puk welagap nogo.

Ibrani 11:8

Ap Abraham meneke, Allah nen ayoko 'biluk, “Hat o ageikhe ite dogonogoluk wokhisik nen, lano,” iluk abok yogokhikhemo, at nen he, “Wene iti eberogonat,” iluk etaiken Allah oba hakotdiluk o koma ligin heat okodek dogoligat wageikhe.

Ibrani 4:2

Wene hano wene iti it alep yogeisasikhe iti hagat, nit itithogonat yoknisasikheat. Meke re, wene yogeisasikhe meke iti, it inasuk holhukhasik nenat, inetaiken oba hakotdigidek hagakhe lagoukha iti baga, wene iti it inobasik erlok dek ageikhe iti.

Ibrani 5:9

Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.

1 Petrus 1:22

Ebe wene iti hinasuk holhe dogolik, hinakla nen weak meke horogo la'isalok, hinagarlak lak hinerugi Allah a'buri meke aperek eberogonat hinakmurogon hagakhe lagap iti, hinom hunik motok dogolik nakmu-hakmurogon hagakhe dogono.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.

1 Petrus 3:1

Iti hak, hit humi hinaguni Allah ane waganhidek meke hinane yogeisagun oba 'buk. Hinobabut hinilaga isonhogo hinaguni inane hologo hagakhunem, it nen inileken hisalok Allah werekmake witluk ane waganuagaluk, hinekaerek hinaguni dopok inapma ukiluk inane hologo hagakhe dogono o.