Roma 10:14 - ALLAH ANE WENW KET MEKE WAROGO WOKNINAKHIKHE WENE

^14-15 Allah nen wene ageikhe men isikhe, “Akhuni hano wene wolok yogeisa lageikharek meke iti, hano motok o,” iluk isikhemo holal waganogo 'bisukhama werek mekeat he, hano wene iti wolok loagaluk inayoko 'biluk la'isigidek halok, nikithogon nen yogeisa lausak. Nen, it aperek nen wene ebe yogeisa lageidek werek korlek, at abok nikithogon nen inasuk holusak. Nen, at abok holhidek dogolik, nikithogon nen inetaiken at oba hakotdusak. Akhuni inetaiken at oba hakotdigidek dogolik, etga nikithogon palusak.

Roma 10:14 ပူးပေါင်းရင်းမြစ်များ

Matius 20:7

it ap emenogo nen, Yabu ageikhe waganuagaluk ninayoko 'bigidek iti nen welago o, iluk yogokhukha. Itithogon yogokhukhama, at ap ayabu iteerek etnogo nen, Halok he, hit hinomat an nayabumo anggur yabumo etoma wagani lani o, iluk inayoko 'bisikhe.

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 9:36

at nen, men yogeisasikhe, “Ap iti ebe tha o, noe. An nen ap iti ebe hutdiluk nen netaiken at oba hakotdik nen, yakulnom o,” iluk yogokhikhemo,

La'isasikhe 19:2

Inoba ukisikhesik men yogeisasikhe, “Hit hinetaiken Yesus oba hakotdisigip iti, Allah Agoreke waganhigisip welagap a? Dek a,” iluk yogeisasikhe. Yogeisasikhemo, it nen, “Allah Agoreke werek iluk isinem, ninasuk holhidek nen waganhidek welago,” iluk yogokhukha.

La'isasikhe 8:31

at nen he, “Wene iti ebe tha nen hutukhogon yoknisumo nen hutdusak,” iluk yogokhikhesik, “Hat nipisak usauwok nen, ya hureklasi dagei me o,” iluk ayoko 'bisikhe.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

Efesus 2:17

At Yesus nen itithogon woknisik wageikhemo, ebelake meke, ebelake meke ninom, at Allah Agoreke opakiat iti baga ninopase Allah oba ukusak erlogat hagatlageikhe, iluk, Yesus ebe alebageik wageikhesik, “Hinom dapukhogon 'binagagi o,” iluk, wene hano wene hit itikmanke meke walegat werekma yokhisigik, nit akhuni Yahudi meke horogat werekma yoknisigik, i wageikhe iti o.

Efesus 4:21

Hit at abok holhigisip hinom hunik dogolik, ebe wene Yesus hagakhikhe wene iti, yakulhisasukhama waganhigip apigi.

2 Timotius 4:17

Itithogonat meke re, an nen ebe wene hutukhogon yogeisugunem, it itikmanke meke inebe tha'bokhogonat inasuk holuagaluk, ninoe Etagapogot an nalilu dogolik, nobatnetnakhesik, singa helo yeke hakene anini weak meke etnogo apema werekma tilnabu hak, nasusak meke tilnakhe iti o.

Titus 1:3

Yogotak wene iti winam asusak tak-tagat winam asuagaluk, at Allah tilninakherek meke etnogo nen, “Hat nen wene iti akhuni yogeisekhe dogono,” iluk nayoko 'biluk, noba 'bisikhe iti baga ebe winam ariogo iti o.

Ibrani 11:6

Akhuni inetaiken Allah oba hakotdigidek halok he, at akla hanorogo hagasusak motok erlok dek o. Nen, at oba wisuogoluk halok, it nen, “Allah eberogonat werek,” iluk apigik, “At ebe inilu asuogoluk hagasugun halok, at nen oko ebe meke wogeisekheregat,” iluk apigik, hagasusak iti.

Yakobus 5:15

It nen inetaiken Allah oba hakotdiluk, sembayan ugun iti baga, ninoe Etagapogot nen hinoba u meke iti dek asuagaluk hano hagathinakhik, hit aperek weak hagakhep meke werek halok, thagalogo degetdisigik, hagasigin o.