Roma 10:12 - ALLAH ANE WENW KET MEKE WAROGO WOKNINAKHIKHE WENE

¹² It akhuni Yahudi meke ninat, nen, akhuni itikmanke meke ninat, usak dek. Nit tha'bokhogonat ninopase Etagapogot, Allah opakiat o. Nen, at nen wogeisoagaluk ayoko 'begarek meke inebe tha'bokhogonat kokhogonat wogeisekherek o.

Roma 10:12 ပူးပေါင်းရင်းမြစ်များ

La'isasikhe 7:59

'Biluk nen, ebe helekit oba wakhe korlek, at Stefanus etnogo Yesus etaga palhe dogolik, “Yesus noe. Nagoreke hat nen woknabi me o,” iluk isikhe.

La'isasikhe 9:14

yogotak o yoma wiluk nen, akhuni hat hetaga palogo hayoko 'biliogei meke tha'bokhogonat, iniki herle wasuagaluk, it ap Allah iteerek inougi koktek emenogo nen yogokhama wagasik werek iti,” iluk yogokhikhe.

Roma 14:9

Watlagoukha meke dek, niniluk meke dek, dapukhogon hasik, at Kristus ninoe Etagapogot dogeigiluk, watlageikhesik iluk ageikhe iti.

Roma 15:12

Nen ageikhe, at Yesaya nen men iluk holal waganogo 'bisikheat, “O mukharethekma nen erlo baga asi'bat dukhekherek hak, at Isai nen itago meke ageikhe winam asigin. Winam agunem nen, it akhuni itikmanke meke at apma dogolik, at nen hanotninabigin, iluk at oba eberek dogogun o,” iluk holal waganogo 'bisikhe.

Roma 2:4

“At Allah obabut hano motok, enago,” iluk, hinakla meanetdekhe lagap a? Hit hinakla nen, “Allah obabut hano nen nit weak hagakhe lago meke here'isalok ninobabut hebelasuagaluk, ninakla kagalherek,” iluk hinokodek a? Hiniluat o.

1 Korintus 15:47

Allah nen ebekeram ap Adam iti ebe agat abubuleke meke baga winametdisikhesikmo, obabut agat mekeat o. Meke re, ap Adam yabokane meke iti pogot oba nenat wageikhe.

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

Galatia 3:28

Waganiluk, yabokane hit tha'bokhogonat, Kristus Yesus hinom hunik dogolik hinebe opakiat meke welagap iti nen, hit ebetlake Yahudi meke, ebetlake akhuni itikmanke igik, ebetlake inatuan meke, ebetlake inasokne meke igik, ebetlake humi, ebetlake ap igik, ekhe dogosak dek.

Efesus 1:7

Itithogon woknisasikhemo, ebe amep ulabogo wakhukha iti baga, ninoko palogo tilninakhik, nit weak hagakhe lagagu meke degetdisigik, hagakhikhe iti o. At Allah akla kagalek dogolik ninebe hutdinanhikhesik, obabut motok hano etnogo nen, ninebe kokhogon akmutninakhikhe iti o.

Efesus 2:4

Itithogon weagatninabigiluk welageikhe mekeat he, yabokane at obabut hano motok nen, kokhogonat akmutninakhikhe.

Efesus 2:7

At Allah itithogon hagakhikhe iti, o yabokane dogogun iti baga dogolik akhuni nen, “Allah obabut hano motok nen akmutninakhikhe,” iluk ekagat hutdekhe dogoagaluk tilninakhikhe iti, ebe Kristus Yesus oba nenat tilninakhikhe.

Efesus 3:16

At Allah yi meke ti meke ilmo motok horleak iluk u hak, hogorakho welageikharek etnogo nen, Agoreke oba hinobatnerogon hinetaiken horlethinabuagaluk ayoko 'bekhe lageiat o.

Efesus 3:6

Hano wene iti baga, it akhuni itikmanke meke inom, Yahudi meke inom, inom tak-tagat iteerek hagatlageik, Kristus ebe opakiat meke ninom tak-tagat hunogo 'binanhik, hagakhemo welago. Wene haganeat Allah nen, “Itithogon hagathinabigin,” iluk abok yoknisasikhe etnogo baga, “Akhuni itikmanke meke Kristus Yesus inom hunik werekma hano wene iti baga ninom tak-tagat hagatninabigin,” iluk, ninilu aga iti o.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Filipi 4:19

Nen, hit yi meke ti meke hinerlageik werekma, an nopase Allah hogorakherek meke Kristus Yesus ipisak hunik dogolik inilmo horleak nen hogorakharek meke etnogo nen, wokhisugunem hinilmo horleak asugunat o.

Kolose 1:27

At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.

1 Timotius 2:5

Allah ebe opakiat anek o. Nen Allah ninom nit akhuni ninom turlem heisogo dogolik dapulninabiogo meke ap ebe Yesus Kristus iti opakiat anek o.

A'bikaka 17:14

Itithogon iteerek 'biluk, Domba Eak etnogo wim inom yabuogoluk hagasugun mekeat he, at Domba Eak ebe akhuni koktek meke inom, motok inetagapogot meke inom, tha'bokhogonat inoe etagapogot siakthek aratma re, a'buri wenageinabiluk inayoko 'bisekhemo inobabut at hasik hupukhogon hagakharek meke emenogo, at werekmake atluk, inom nen, at helo yeke hakene etnogo agarumi inom inobatne degetdisagun o,” iluk yoknekhe.

A'bikaka 19:16

Nen, at etaga thalek ageikhe yigithogon, “Ap koktek inetagapogot tha'bokhogonat inom, inougi koktek tha'bokhogonat inom, inoe kok Netagapogot he, anat o,” iluk asu uanat at oba inom, arlisu oba inom, holal waganek werekma higi o.