Roma 1:32 - ALLAH ANE WENW KET MEKE WAROGO WOKNINAKHIKHE WENE

³² Itithogon hagakharek iti nen, at Allah nen, “Akhuni inobabut itithogon hagakharek meke halok he, an nen ukum inoba 'biluk inebe motok inasusak mothogonat inasigin o,” iluk isikhe meke inilu dogoligat, it inekaerek nen itithogon hagakhoat welageikharek iti. It itithogon hagakhe dogolik, it akhuni aperek nen itithogonat hagakhunem nen, “Erlok hagakhe lagap,” iluk yogeisegaregat.

Roma 1:32 ပူးပေါင်းရင်းမြစ်များ

Lukas 11:48

Hinopa lak nen ap Allah ane yogeisekhe lagoukha meke inakhukha etnogo, hit nen inoak thalinakhukhama o halogo 'bisehe lagap iti, Ninopa lak hagakhukha iti morat hagakhukha, iluk u hagat hagakhe lagap iti.

La'isasikhe 22:20

At Stefanus, wene hat hasik pakhogon akhuni yogeisekhe lageikhe meke etnogo ebe wakhunem, an nebe etoma metek dogolik, Hein! Hano wakha, iluk, it ap wakhukha meke inasu nokorlek therogo welagagi iti, it iniluat o, iluk yogokhigi.

La'isasikhe 8:1

At Stefanus ebe motogat wakhukha iti, at Saulus akla nen hano apasikhe. At Stefanus ebe wakhukha itinemat, it Allah a'buri o Yerusalem natogokhe lagoukha meke inebe yi aik ti aik weakhogon hagarinakhe korlek, it ap Yesus nen inebe inayoko 'biluk la'isasikhe meke emenogo anek, o Yerusalem werek korlek, Allah a'buri aperek inebe doalegat meke emenogo tha'bokhogonat lo o propinsi Yudea Samaria ya ta etoma thirlik-pirlikhogon ula'isasukha.

Roma 1:18

Akhuni nen, Allah ebe inobakhanini here'isalok, inobabut korloat hagakhe dogolik, ebe wene akhuni inilu asinogo iluk thebeliogei iti nen, Allah akla aga dageiluk pogot oba nen thelekmatdisikhe.

Roma 1:21

Allah ebe itithogon inilu dogoligat, it nen, “Allah ebe walhasikhe mekeat o,” iluk, ebe hogorakhidek, heagei wakhidek, welagoukha. Itithogon dogolik, ninat meke ebeat meke dek mekeat he, wene munini we yugunat inakla ebekhe lagoukha iti nen, inetaiken abit ageikhe.

Roma 6:21

Meke re, itithogon hagakhe lagagip iti hasik, nena meke thaburasigip nogo? Alebat hagakhe lagagip meke iti hasik, yogotak hinekarli ariogo iti. Itithogon hagakhe dogoluk nen, ilugun oba inebe motok watlageikharek itiat o.

Roma 6:23

Weak hagakharek iti oko re, watlageikharek iti. Nen, ninoe Etagapogot Yesus Kristus ninom hunik werekma, Allah obabut hano nen oko degat niniluk motok dogoagaluk hagatninakherek iti.