Roma 1:30 - ALLAH ANE WENW KET MEKE WAROGO WOKNINAKHIKHE WENE

³⁰ thelekma igik, Allah ebe ina'it motok welageik, inayuk dek negen welageik, inekaerek nen hogorakhigik, inakeke 'bakhigik, weak meke aperek hagasuogoluk inekaerek inakla kagalhik, inagosa inopase inane holhidek hagakhik, hagakharek iti.

Roma 1:30 ပူးပေါင်းရင်းမြစ်များ

Matius 15:4

At Allah nen ekhe dogolik, Hinagosa hinopase inalon halinakhe dogono o, iluk isikhesik, ageikhe men isikhe, Tha nen agosa opase abok weak palhe halok he, at iti ebe motok wasusak o,

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Lukas 21:16

Nen, hinagosa hinopase lak nen, hinougi hinagarumi nen, hinagarlak lak nen, hit wokhisik, o ukum inoba 'bigik, kokhik, 'begarekma 'binagei lageik, hinebe aperek motok hinakhik, hagasugun o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

La'isasikhe 5:36

Alebat, ap ageikhe etaga Teudas melageikhesik nen, Kok anat o, iluk isikhemo, ap inebe doalegat 400 hakene at apma ukiluk oporlik nekhe lagoukha. Itithogon ukisukha meke re, at ebe wakhukhama, agarumi at apma ukiluk oporlik nekhe lagoukha meke iti thirlik-pirlikhogon lo lagoukhama, at nen, Itithogon hagasuok, iluk ekhe lageikhe wene iti degat ageikhe.

Roma 2:17

Itithogon mekeat he, hit nen, “Nit ninebe Yahudi ebe Yahudi meke,” iluk ekhe dogolik, hinetaiken wene Allah nen ninasuk wakhikhe wene etnogo baga hakotdiluk dogolik, “Allah iti nit ninopase o,” iluk hogorakhekhe lagap yoma re!

Roma 2:23

“Wene Allah nen ninasuk wakhikhe wene at Musa nen yoknisasikhe wene etnogo an nilu o,” iluk ekhe dogoligat wene iti here'isalok weak hagakhunem, it aperek nen Allah etaga ekhe dogolik abok weak iliogei iti hit nen Allah etaga weagatdekhe lagap yoma re!

Roma 3:27

Itithogon hagatninakherek halok he, ninekaerek nen hogorakhekhe dogosak a? Hogorakhausak motok dek aga o. Nikithogon nen hogorakhausak dek aga? nit ninekaerek nen wene Allah nen ninasuk wakhikhe wene mothogon hagarekhe lago nen ninapuke hunogo 'binanhikhe a? Dek o. Ninetaiken at oba hakotdisinem, at nenat hunogo 'binanherek iti nen, hogorakhausak erlok dek.

2 Korintus 10:15

Allah nen itithogon ninayabu hurli palogo woknisasikhe meke thebelogo 'biluk akhane pok lalok, it aperek hagakha meke, an hagakhi thalek hogorakhekhe lago dek o. Hit hinetaiken Allah oba hakotdekhe lagap meke iti aperek inom obarluk hagatlagunem, o hit werekmake Allah nen hurli palogo nit woknisasikhe baga, yabu kokhogon hagakhe dogogun apekhe lago.

2 Korintus 12:20

An yabokane hinoba wisigin iti witluk nen, an nen, “It inobabut hano werekma ligin,” iluk apekhe lagei hak, dek. Weak werekma 'bithisa ageik, nen, hit nen, “At Paulus obabut hano,” iluk egethep hak, dek. Weak dogolik 'bithisa ageik, hagasunogo iluk, nelabut hiriogo. Hit-hit hinom wene yakhik, ua palhik, hinakla aga dageigik, hinekaerek hasik anek hagakhik, inabok weak thelekma palhik, limago palhik, hinekaerek nen hogorakhigik, yugunat-yaganat hagakhik, hagakhunem an wisusak iti, nayuk.

2 Tesalonika 2:4

At iti ebe thelekma atluk nen, Allah ai halekma melasi ukiluk, ekaerek nen hogorakeke dogolik, “Akhuni nen, yi meke ti meke oba hakotdiluk dogolik hogorakharek meke inom, Ninopase ebe yi, iluk egarek meke iti tha'bokhogonat inom, erlok dek anek mekeat he, kok Allah nebe anat o,” iluk ekhe dogogin iti o.

2 Timotius 3:2

Akhuni inetaiken hunik inekaerek inebe hasik inom, uang hasik inom, kogotdigik, inekaerek nen hogorakhigik, siatdakhigik, inane puk weak wenageisigik, inagosa inopase lak inane holhidek here'isigik, heagei warinakhidek inobabut weak hagakhik, Allah hasik hagakhidek ina'it motok welageik,

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.

Yakobus 3:5

Iti hakene, nina'bi ebe 'bugurlagat mekeat he, akhuni inekaerek nen hogorakhegarek hak, nina'bi iti nen wene husupi anek kogotdakhekherek iti. Nen, hetu eken herlekha'bugat meke thelokhogon usa'isinem okama o koktek meke inom nilik lagarek iti hutdiniat o.

Yakobus 4:16

hinekaerek nen hogorakhigik, siatdakhigik, hagarik nekhe lagap iti re! Itithogon hogorakhekhe lagap iti korloat o.

2 Petrus 2:18

Akhuni aperek inagarlak lak inerugi korloat hagakho korlek nen, here'isalok dukhisuogoluk hagakhunem, inetaiken nen nukunem yabokane weak hagasuagaluk, it ap iti inekaerek hogorakhekhe dogolik we yugunat inekalat inakla kagalhe dogogun.

Yudas 1:16

It iti akhuni inabok weak palhik, wenageisigik, isi motogat welageikharek meke. Yi meke ti meke inetaiken nen nukunem, “Warlok o,” inakla apekhe dogolik, iti mekeat hagakhik, inekaerek nen hogorakhekhe dogolik, yi meke ti meke thaburogo horlauwogoluk, it akhuni aperek inane agugurogo hogorinakhik, egarek meke.