Roma 1:14 - ALLAH ANE WENW KET MEKE WAROGO WOKNINAKHIKHE WENE

¹⁴ Akhuni wene hutdega meke men, hutdigidek meke men, sekolah yakulha meke men, yakulhidek meke men, tha'bokhogonat hano wene yogeisausak iluk an noba palegeke hakene welagei o.

Roma 1:14 ပူးပေါင်းရင်းမြစ်များ

Matius 11:25

Itithogon yogeisasikhesik, o itinem, at Yesus nen Allah ebe yogokhe dogolik, “Allah nopase! Pogot agat iteerek harat o! Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti hakla warlok apegetik nenat yogeisegen iti nen heagei wathakhe lagei, nopase,” iluk yogokhikhe.

Lukas 10:21

Itithogon yogeisasikhesik itinemat, Allah Agoreke Yesus akla werekma nogo nen, akla arleken akhekhe dogolik, opase Allah men yogokhikhe, “Allah nopase. Pogot agat iteerek harat o. Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti, hat hakla warlok apegen mekeat yogeisegen iti nen heagei wathakhe lagei, nopase!” iluk yogokhikhe.

La'isasikhe 22:21

Itithogon yogokhunem, ninoe Etagapogot nen, It akhuni itikmanke meke walegat etoma inoba la'agagin iti nen, lan o, iluk yoknikhikhe,” iluk yogeisasikhe.

La'isasikhe 28:2

Yoknisasukhasik, inakla arlekenhogo wokninakhukhasik o miso wageikhemo nen, ayike nen thogei isakhoagaluk hetu mokalogo 'binanhukha.

La'isasikhe 28:4

Iki baga hunik werekma, akhuni inaierek meke emenogo inileken halok, it-it ekhe dogolik, “Ap yi akhuni inakherek meke o. Ima nen tilogo dukhi aga mekeat he, su inamokareke etaga Ukum, akhuni inebe inakherek meke etnogo nen, At ebe iluk dogosak dek, iluk, wakhe yi,” iluk isukha.

La'isasikhe 9:15

Itithogon yogokhikhe mekeat he, ninoe Etagapogot nen, “Lan o. At nen akhuni itikmanke meke men, inougi inetagapogot meke men, akhuni Israel meke men, an netaga yogeisilik nekhe dogoagaluk, an nen ap iti ebe wenago ayoko 'bigima o.

Roma 1:22

It inetaiken itithogon motok abit hagatlatluk dogoligat, “Nit ninetaiken motok kagalek o,” iluk egarek iti.

Roma 11:25

Nagarlak lak nerugi. Wene Allah akla wene yi hinokodek dogosak iti, an na'it. Hit hinekaerek nen, “Nit wene ninilu o,” iluk hogorakhaunogo iluk, wene yi yokhisak. It akhuni Israel meke inetaiken a'bet iti, we elanma hasigat werek o. Nen, yabokane it akhuni itikmanke meke ukisugun meke hurli erlok uki ageikha halok he,

Roma 12:16

Akhuni aperek hinelokhoma 'bisigik, aperek hinoporlike 'bisigik, hagakhidek nen, hinakmurogo ipisak tak-tagat anek hagarinakhe dogono o. Ap koktek inobabut hagakharek meke iti, hagakhidek he, inapma dogolik hagakharek meke itiat hagakhe dogono o. Hinakla nen, “An wene motok nilu o,” iluk hinekaerek nen hogorakhugup o.

Roma 13:8

Hit he, akhuni hinoba palegeke dogosak dek. Hinoba palegeke dogou hak, hit-hit nakmu-hakmurogon hinetaiken hunik dogosak itiat o. Wene Allah nen ninasuk wakhikhe wene etnogo tha'bokhogonat tak-tagat hagasu hak, inebe nakmu-hakmurogo inetaiken hunik dogosak itiat o.

Roma 16:19

Meke re, hit Allah ane hologo hagakhe lagap meke iti, it akhuni tha'bokhogonat nen hinobabut ekagat paliogei iti nen, an nakla arleken akhekhe lagei o. Hit hano wene hasik hinakla kagalek welageik, weak meke hasik hinokodek welageik, hagasumo hano. An nakla warlok.

Roma 8:12

Nagarlak lak nerugi. Nit nen hagakhe dogosak meke werek o. Iti re, ninobabut akhuni inobabut inikhogat dogolik hagakharek hak hagakhe dogosak iluk igi 'buk. Dek o.

1 Korintus 14:11

Itithogon mekeat he, it inane kut palekma an nokodek halok he, at ageikhe nen isinem, an nen nasuk nikithogon holusak. Nen, an nane isinem, nane kut palekma, at nen nane nikithogon asuk holusak. Erlok dek o.

1 Korintus 14:16

Iti hagat, hat ageikhe nen Allah Agoreke nen yokhekhe korlek inane hokodek meke elalinat ekhe dogolik, “Allah nopase,” iluk heagei wasigin halok he, at ageikhe okodek meke nen hutdigidek dogolik, “Wene ekhe iti ebeat asuak,” iluk u hak, “Amin,” iluk usak nogo? Wene hat igin iti, at okodek nen, itithogon usak erlok dek iti o.

1 Korintus 2:13

At Agoreke horlasugusik Allah obabut hano nen woknisekherek wene iti, akhuni Allah Agoreke inakla werek meke yogeisauwogoluk, akhuni agat oba meke inakla kagalek meke nen yakulnisugunem yogeisekhe lago 'buk. Allah Agoreke nen yakulnisugunem yogeisogorek o.

1 Korintus 3:18

Hinekaerek nen hinebe dalugup o. Hat ageikhe nen, “An akhuni yoma inawene meke nakla kagalek o,” iluk apekhe lagan halok he, hakla ebe wene iti kagalasuak nen, akhuni inawene iti hakla abit asuak o.

2 Korintus 10:12

Nit nen he, it aperek inekaerek nen, “An hano,” iluk inetaiken nen hogorakhiliogei meke iti, ninom wenakninabusak he, nayuk. An nekaerek nobabut palogo nen nebe it ninom tak-tak u nayugat o. Iti, it nen he, “Inobabut hano waganusak he, nirat,” iluk igik, akhuni isi it meke motok it-it inobabut paligik, hagariogei iti, inebe kepu nen hagariogei o.

2 Korintus 11:19

Hit hinakla kagalek meke hakene yoma re! It aperek kepu meke inane isinem, hit hinakla arlekenhogon holhethep iti.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.