Roma 1:13 - ALLAH ANE WENW KET MEKE WAROGO WOKNINAKHIKHE WENE

¹³ Nagarlak lak nerugi. An nen, akhuni itikmanke meke aperek o yi ai ti ai eloma wene yogeisekhe lagagimo waganhukha hak, hit meneke, itithogonat waganubageik iluk niki doalegat oba hinoba wisigiluk apekhe lagei mekeat he, nagolak palek nen huk aga lagei iti hinilu asubageik nen iluk yokhisigi o.

Roma 1:13 ပူးပေါင်းရင်းမြစ်များ

Yohanes 12:24

Nen, akhuni nen, gandum eken ai agatma yakhidekma, akhuni watlageikharek iti hak, oado alep meke hirli atluk ket meke hurlelhidek halok he, eken opakiat ai yasugun meke itiat dogogin o. Mekeat, eken iti agatma yatlukmo, akhuni watlageikharek hak, oado alep meke iti hirli atluk anek, yabokane ket meke hurleldiluk eken doalegat ikherek o,” iluk yogeisasikhe.

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 4:36

Ebe arat palho halok he, ap ageikhe ai yakherek meke inom, nen, ageikhe eken palherek meke inom, ipisak inakla arleken akhoagaluk, yogotak at ageikhe eken paliogo meke iti oko horliliogoat o. Oko horliliogo iti ebe re, eken palogo natogorlogo 'begarek iti hak, akhuni iniluk motok dogoagaluk natogorlogo 'bisiliogo itiat o.

La'isasikhe 1:15

Itinem, Allah a'buri aperek inom inebe 120 hakene natogorlek dogolik, at Petrus inakla melageikhesik nen, wene men yogeisasikhe,

La'isasikhe 14:27

O Antiokhia lalok, Allah a'buri natogorinakhikhesik nen, men yogeisasukha, “Nit Allah ninom nen yigithogon hagakho, tigithogon hagakho,” iluk wene pilinogo yogeisekhe dogolik men yogeisasukha, “It akhuni itikmanke meke wene iti eberogonat iluk waganuagaluk, Allah nen thu hualdekhemo erlok waganusak werek o,” iluk yogeisasukha.

La'isasikhe 15:12

Itithogon yogeisasikhemo, it akhuni doalegat emenogo inane igidegat huk agoukha. Itithogon huk agoukhama, Barnabas Paulus ipisak nen wene yogeisekhe dogolik, “It akhuni itikmanke meke wene yogeisugunem, hutduagaluk, nit nen elalinat hagarinabik nekhe lagosik wago iti, ebe re, Allah nenat hagarinakhe laga o,” iluk wene pilinogo yogeisekhe korlek, inasuk holek welagoukha.

La'isasikhe 19:21

Itithogon hagakhukhama, at Paulus akla nen apekhe dogolik, “O propinsi Makedonia lalok nen, o propinsi Akhaya witluk nen piokhogon, o Yerusalem ligin,” iluk akla apasikhesik, “Lalok, yabokane napuke witluk, o kota Roma nileken 'bikha liginat o,” iluk isikhe.

La'isasikhe 21:19

Ukisugusik heagei warinakhugusik, at Paulus nen, “Akhuni itikmanke meke hasik yigithogon hagarinakhe lagei, itithogon hagarinakhe lagarik wagei, iti ebe re, Allah nenat hagarinakhe laga,” iluk wene pilinerogo yogeisasikhe.

La'isasikhe 28:14

O Putioli etoma Allah a'buri meke aperek werekma ninom abuk agagusik, it nen he, “Ninom dogouok o,” iluk ninayoko 'bisukhama, niniki 7 hari nen ninom welagagu iti. Welagagusik o etoma nen o kota Roma wisuogoluk wagagu.

Roma 1:12

An wokhisa etle apekhe lagei iti, hit men, an men, ninetaiken Yesus Kristus oba hakotdisugu meke iti baga, ninetaiken ago wat-wat hagasuogoluk wisigiluk apekhe lagei o.

Roma 11:25

Nagarlak lak nerugi. Wene Allah akla wene yi hinokodek dogosak iti, an na'it. Hit hinekaerek nen, “Nit wene ninilu o,” iluk hogorakhaunogo iluk, wene yi yokhisak. It akhuni Israel meke inetaiken a'bet iti, we elanma hasigat werek o. Nen, yabokane it akhuni itikmanke meke ukisugun meke hurli erlok uki ageikha halok he,

Roma 7:1

Nagarlak lak nerugi. Allah nen, “Yigithogon hagatno, tigithogon hagatno,” iluk ninasuk wakhikhe iti, akhuni inebe iniluk dogolik wene iti hago dogolik mothogon hagakhidek halok wene inoba agarek. Meke re, inebe watlago halok, wene inoba agarek dek iluk hinokodek nogo? Dek o. Hinilu meke anek yokhisekhe lagei o.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

1 Korintus 10:1

Nagarlak lak nerugi. Wene yi hinokodek dogosak iti na'it. Ninopa lak tha'bokhogonat, at Musa nen wogosik oisa iti akla ukiluk, i Laut Merah yekelek iti obakha thekekhogon hano itali agoukha.

1 Korintus 12:1

Nagarlak lak nerugi. Allah Agoreke nen woknisekherek wene iti hinokodek dogosak iti na'it.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

1 Korintus 14:26

Halok he, nagarlak lak nerugi. Nikithogon hagakhe dogosak. Yigithogon hagakhe dogosak o. Hit hinebe natogotdiluk, at ageikhe nen Allah aetai isa igik, at ageikhe nen wene thekekhogon yakulhisigik, at ageikhe nen Allah akla wene yokhisigik, at ageikhe nen wene inane hinokodek meke baga elalinat isinem, at ageikhe nen hit hinane baga mothogon yokhisigik, hagakhe dogolik, Allah a'buri inetaiken ago warogo yi wene ti wene tha'bokhogonat erlogat itithogon ekhe dogosak o.

1 Korintus 9:2

It akhuni aperek nen an hasik ekhe dogolik, “At Paulus Kristus nen ayoko 'bigidek o,” iluk isi halok he, hit nen, itithogon usak dek. An nayoko 'biluk la'ani ageikhemo wagagi iluk, hit hinebe ninoe Etagapogot hinom hunik welagap iti baga ekagat hutdanusak o.

2 Korintus 1:8

Nagarlak lak nerugi. Nit o propinsi Asia eloma nen yi aik ti aik hagatninakhe lagoukha iti hinokodek dogosak na'it nen yokhisak. Itithogon hagatninakhe dogolik, kin motok weak nit nen hagasusak erlok dek meke ninoba 'bisukhama, “Nit niniluk dogogun dek higi,” iluk ninetaiken weak ageikhe.

2 Korintus 2:14

Itithogon mekeat he, at Kristus obatne ageikhesik elokhe waganhe korlek nukhunem, nit at ninom hunik meke Allah nen Kristus oporlik woknisik nekherek, iluk hogorasuok o. Itithogon woknisik nekhe dogolik, obasi hano meke thak-pakhogon lagarek hak, at Kristus hagakhikhe wene etnogo nit nen wialogo o yi ai ti ai wolok loagaluk woknisik nekherek.

Galatia 3:15

Nagarlak lak nerugi. Nit akhuni hagakhorek meke ageikhe oba lisogon yokhisak. Akhuni inebe pere nen, “Itithogon hagasuok,” iluk hupuk palogo isi halok, it aperek nen munenhik, wene ninat meke ageikhe oba lapelhik, hagakharek motok dek o.

Galatia 6:18

Nagarlak lak nerugi. Ninoe Etagapogot Yesus Kristus obabut hano etnogo nen hinetaikenma dogolik eberogonat thethisik dogoak u hak, “Amin,” igi iti.

Filipi 1:22

Nebe agat oba yoma niluk dogolik Allah ayabu yabokane kokhogon hagasusak werek iti nen, niluk dogosak a? Watlasusak a. Ki meke ite asik he, nokodek ariogo.

Filipi 4:17

Meke re, itithogon yomakneekhe lagap mekeat he, laknisi agunem waganhe dogosak iti hasik kogotdekhe lagei 'buk. Hit oko horlau hak, Allah nen ebe hano meke wokhisugunem hit ite asubageik iluk kogotdekhe lagei o.

Kolose 1:10

Itithogon hinilu atluk nen, ninoe Etagapogot akla hanorogo, at warlok apekherek meke mothogon anek hagakhe dogosagat. Yi meke ti meke ai yakhunem erlo kok atluk nen eken hano ikherek hak, hit Allah obabut hinilu aga dogolik, yi meke ti meke hano meke hagakhe dogosak iti.

1 Tesalonika 2:18

Walhekhe dogolik, an Paulus nekaerek niki alep ageikhe wisigiluk walhigik, yabokane ageikhe wisigiluk walhigik, hagakhigi mekeat he, Iblis nen nagolak palhikhemo huk agagi iti o.

1 Tesalonika 4:13

Nagarlak lak nerugi. It akhuni aperek nen, “Hano hagatlasigin,” iluk inakla nen hutdigidek dogolik he, akhuni watlagunem inakla weak ariogo iti hak, hit itithogon hinakla weak aga dogunogo iluk, wene akhuni watlariogei meke iti hasik hinokodek dogosak iti na'it. Hinilu asubageik iluk hutukhogon yokhisak o.

2 Tesalonika 2:7

Meke re, akhuni aperek nen, “Allah nina'it o,” iluk, here'isalok dukhiluk inobabut weak hagasugun meke, yogotak limago hagariogeiat o. Meke re, at ageikhe nen ha'iluk werek meke iti Allah nen wokhaumo,

2 Timotius 4:17

Itithogonat meke re, an nen ebe wene hutukhogon yogeisugunem, it itikmanke meke inebe tha'bokhogonat inasuk holuagaluk, ninoe Etagapogot an nalilu dogolik, nobatnetnakhesik, singa helo yeke hakene anini weak meke etnogo apema werekma tilnabu hak, nasusak meke tilnakhe iti o.