Roma 1:1 - ALLAH ANE WENW KET MEKE WAROGO WOKNINAKHIKHE WENE

¹ Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

Roma 1:1 ပူးပေါင်းရင်းမြစ်များ

Markus 1:14

Yabokane Yohanes etnogo iki herle wakhukhasikmo, at Yesus o Galilea eloke dagei ageikhesik nen, Allah ane hano wene etnogo yogeisilik nekhe lageikhe.

Yohanes 12:26

Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.

Yohanes 15:15

It akhuni inatuaneke meke iti, inougi hagakharek meke inokodek iti nen, an nen hurli yogotak yi baga nen, Hit an natuaneke, iluk yokhisagein dek o. Yi wene ti wene nopase nen yoknikhikhe meke tha'bokhogonat yokhisekhe lagei iti nen, Nagarlak lak, iluk yokhisekhe lagei iti o.

Yohanes 15:20

Nen, ap kok ageikhe inapma negen werek korlek, at atuaneke meke kok negen welagarek dek o, iluk yokhisasigi etnogo hinakla ebetni o. It nen an weagatnakha halok he, hit itithogonat weagathinabugunat o. Nen, it nen an nane hologo hagakha halok, hit hinane hologo hagasugunat o.

La'isasikhe 13:9

Itithogon thagaligiluk hagakhunem, at Saulus, etaga ageikhe Paulus etnogo nen, Allah Agoreke akla kerlekhogon dogolik ileken Baryesus oba tek-tek hekhe dogolik,

La'isasikhe 20:24

Itithogon mekeat he, an nebe niluk dogosak itiat kok iluk iti meke kogotdekhe lagei dek. Ninoe Etagapogot Yesus nen nayoko 'bekhe dogolik, at nen, Allah obabut hano nen hagarinakherek wene hano wene itiat yogeisilik lano o, iluk nayoko 'bisikhe itiat ilugun oba kobokhogon hagasigiluk kogotdekhe lagei o.

La'isasikhe 21:40

Itithogon yogokhikhemo, at nen, “I o. Ageikhe yogeisan,” iluk isikhemo at Paulus ebe holak lel perlago baga metek dogolik, “Hinane,” iluk iki lia'isikhemo nen, inane dek agoukhama, it akhuni Yahudi meke inane baga wene yogeisasikhe.

La'isasikhe 22:21

Itithogon yogokhunem, ninoe Etagapogot nen, It akhuni itikmanke meke walegat etoma inoba la'agagin iti nen, lan o, iluk yoknikhikhe,” iluk yogeisasikhe.

La'isasikhe 22:7

Lia motok yasi usa'agunem, an nebe agat oba tunhogo wara usasigi. Wara usasigimo, at ageikhe nen ane yoknekhe dogolik, Saulus. Saulus. Anat yi aik ti aik hagatnabigiluk muknarik nekhe lagan iti nenaluk, iluk yoknikhikhe.

La'isasikhe 26:1

At Agripa nen, Paulus men yogokhikhe, “Wene hat hekaerek hasik yoknetnogoluk yokhikhi,” iluk yogokhikhemo, at Paulus iki baga heagei wakhikhesik men yogokhikhe,

La'isasikhe 26:14

Itithogon yasi usa'agunem, nit tha'bokhogonat agat oba ninelokhe thogoumhogo usasugumo, at ageikhe nen ane yoknekhe dogolik, akhuni Ibrani meke ninane baga men isinem nasuk holhigi, Saulus. Saulus. Anat yi aik ti aik hagatnabigiluk muknarek nekhe lagan iti nenaluk. Sapi thegerluk ekat ka'belek meke baga ebe thakhugunem, Na'it, iluk ekaerek nen karlukhogon warekherek iti hak, hat hekaerek nen hebe itithogonat weagarakhekhe lagan o, iluk yoknikhikhe.

La'isasikhe 9:15

Itithogon yogokhikhe mekeat he, ninoe Etagapogot nen, “Lan o. At nen akhuni itikmanke meke men, inougi inetagapogot meke men, akhuni Israel meke men, an netaga yogeisilik nekhe dogoagaluk, an nen ap iti ebe wenago ayoko 'bigima o.

Roma 1:16

Hano wene iti Allah obatneatma, ebekeram akhuni Yahudi meke, nen yabokane, akhuni itikmanke meke, inetaiken Yesus Kristus oba hakotdegarek meke tha'bokhogonat tilinakherek iti nen, an nekarli degat hano wene iti yogeisilik nekherek iti.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

Roma 1:9

Itithogon heagei wakhe dogolik, hit hinobasik kamotdigidek sembayan isi motok welagei meke, at Allah ilu o. An Allah apma dogolik, hano wene at a'but hagakhe lageikhe wene iti akhuni yogeisilik nekherek iti, netaiken oba nen, at Allah hasik hagatdisekhe lagei o.

Roma 11:13

Wene yi hit akhuni itikmanke meke yokhisak. Allah nen, an nayoko 'biluk hit itikmanke meke hinoba la'ani ageikhemo wagagisik hagakhe lagei iti nen, kok motok iluk hogorakhekhe lagei o.

Roma 15:16

An nebe at Kristus Yesus apma dogolik akhuni itikmanke meke woginabuagaluk nayoko 'bisikhemo, at Allah akla hanorogo Agoreke iti baga it inebe Allah hasik 'bisagaluk, at ane hano wene iti yogeisilik nekhe lagei o.

Roma 15:29

An arat 'bithisa agei halok he, at Kristus nen hit hinobasik woknikhikhe meke tha'bokhogonat wokhisa isigin apigi.

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

Roma 16:25

Allah hogorakhe dogouok o! An nen hano wene Yesus Kristus hagakhikhe wene yokhisasigi hak, at Allah obatneak etnogo nen hinetaiken horlethinakhe dogosak erlok o. Wene Allah akla wene iti, muk haganeat nen limago welageikhe meke re, yogotak Allah nen thelekmatdisikhemo werek o.

1 Korintus 1:1

Hit Allah a'buri o Korintus natogokhe lagap meke, nagarlak lak nerugi. An Paulus Allah akla apasikhe baga, Kristus Yesus nen nayoko 'biluk la'ani ageikhe meke etnogo, ninagarlak Sostenes nipisak nen, wene yi holal waganogo hinoba la'i aga iti o. Hit o Korintus meke Allah nen hinayoko 'bisikhemo ninoe Kristus Yesus hinom hunik werekma, Allah nen, “It yi an na'buri o,” iluk hinebe at ekaerek 'bakhasikhemo welagap o. Itithogon dogolik, akhuni o yi ai ti ai etoma nen, it inom, nit ninom, ninoe Etagapogot Yesus Kristus etaga paliogei meke hinom tha'bokhogonat wene yi holal waganogo hinoba la'i ago iti o.

1 Korintus 9:1

An nasokneat welagei dek nogo? At Allah nen nayoko 'biluk la'ani ageikhe dek nogo a? Ninoe Etagapogot Yesus ebe an nileken higidek nogo a? Ninoe Etagapogot nipisak hunik dogoligat ayabu hagakhi meke, hinebe welagap iti dek?

2 Korintus 1:1

Nagarlak lak nerugi. An Paulus Allah akla apasikhe baga, Yesus Kristus nen nayoko 'biluk la'ani ageikhe meke etnogo, ninagarlak Timotius etnogo nipisak nen hit Allah a'buri o Korintus natogokhethep meke inom, o propinsi Akhaya etoma ya ta welagathep meke tha'bokhogonat inom, wene yi holal waganogo hinoba la'i ago iti o.

2 Korintus 11:5

It aperek iti, Yesus nen inayoko 'biluk la'isa ageikhe meke negen hagatlatluk wagunem, hit nen, “It iti koktek negen,” iluk woginakhe korlegat he, an nakla nen he, “It koktek, nen, an erlok dek,” iluk apekhe lagei motok dek o.

2 Korintus 11:7

An nen Allah ane hano wene iti yokhisekhe dogolik, “Oko ageikhe woknitni,” iluk igidek. Hit kogothinabigiluk an nekaerek nebe kepu negen atluk, itithogon hagakhe lagei iti, hit korlo hagathinakhe lagei iluk usak a? Motok dek o.

2 Korintus 12:11

It ap Kristus nen inayoko 'biluk la'isa agarek meke negen hagatlatluk witluk, “At Paulus etaga dek,” iluk egarek iti, an eberogonat netaga dek. It koktek inetagapogot higi! Itithogon dek o. Hit nen hutdaniluk nalon halogo yoknisusak mekeat he, itithogon egethep dek iti nen he, eberogonat ap kepu nen egarek hak, yokhisigi iti o.

2 Korintus 2:12

An o Troas etoma wagagi hak, hano wene Kristus hagakhikhe etnogo wene, akhuni etoma meke hano asuak nen iluk wene yogeisoagaluk ninoe Etagapogot nen holak yaknikhikhemo yogeisekho welagagi.

2 Korintus 4:5

Wene yogeisilik nekhe lago iti, ninekaerek hagakhorek wene 'buk. Dek o. At Yesus Kristus hagakhikhe mekeat o. At Yesus ebe ninoe Etagapogot iluk, nit at hasik hit hinatuaneke welago, iluk yogeisogorek iti.

Galatia 1:1

Hit Allah a'buri o Galatia yi ai ti ai natogokhe lagap meke nagarlak lak nerugi. An Paulus nagarlak lak nerugi Allah a'buri aperek o yoma ninom welago meke inebe tha'bokhogonat ninom nen wene yi holal waganogo hinoba la'i ago iti. An nayoko 'biluk la'ani ageikhemo wagagi iti, erlo akhuni nen 'buk. Nen, ap ageikhe wene oba warogo 'biluk la'ani ageikhe 'bugat o. Meke re, at Yesus Kristus ebe watlageikhemo opase Allah nen ilugutdisikhe meke etnogo ipisak nenat nayoko 'biluk la'ani agoukhama wagagi iti.

Efesus 1:1

Hit Allah a'buri o Efesus natogokhe lagap meke hinetaiken Kristus Yesus oba hakotdiluk hinom hunik welagap meke, nagarlak lak nerugi. An Paulus, Allah akla apasikhe baga, at Kristus Yesus nen nayoko 'biluk la'ani ageikhe meke etnogo nen wene yi holal waganogo hinoba la'i agei iti o.

Efesus 1:13

Iti hakeneat, hit nen wene ebe wene, hanotninakherek wene etnogo hinasuk holhigisip, hinetaiken Kristus oba hakotdisigipmo, Allah nen, “Nagoreke wokhisagein,” iluk, abok yoknisasikhe tak-tagat, “It an nekaerek na'buri o,” iluk ilekerlogo Agoreke wokhisasikhe iti o.

Efesus 4:11

Nen, supusogo usa'isa ageikhe iti ebe, nit Allah a'buri ninebe tha'bokhogonat Kristus ebe hakene werekma, o halharek hak halogo 'binanhunem, ninebe tha'bokhogonat Allah hasik hagakhe dogoagaluk, ninebe tomok ninayoko 'biluk meldinanik lageikhe iti o. It aperek Allah ane wolok loagaluk inayoko 'bigik, it aperek Allah ane yogeisekhe dogoagaluk inayoko 'bigik, it aperek hano wene akhuni itikmanke hasik yogeisilik loagaluk inayoko 'bigik, it aperek Allah a'buri therisik dogolik wene yakulisekhe dogoagaluk inayoko 'bigik, ninebe tomogat itithogon ninayoko 'bisikhe iti o.

Filipi 1:1

Hit Allah a'buri Kristus Yesus hinom hunik dogolik, o Filipi welagathep meke, hinebe tha'bokhogonat inom, hinougi Allah a'buri hakhisik welageikharek meke inom, Allah a'buri yomageisegarek meke inom, nagarlak lak nerugi. An Paulus Timotius nipisak nen Kristus atuaneke dogolik wene holal waganogo hinoba la'i ago iti o.

Filipi 2:11

Itithogon ukiluk nen, inape baga tomok, ninopase Allah hogorakhe dogolik, “Ninoe Etagapogot Yesus Kristus itiat o,” iluk, pakhogon ugunat iti o.

Kolose 1:1

Hit Allah a'buri o Kolose natogokhethep meke Kristus hinom hunik dogolik, at hasik hinobabut hupukhogon hagakhe lagap meke, nagarlak lak nerugi. An Paulus Allah akla apasikhe baga, Kristus Yesus nen nayoko 'biluk la'ani ageikhemo wagagi eke etnogo, ninagot Timotius nipisak nen wene yi holal waganogo hinoba la'i ago iti o. Ninopase Allah obabut hano etnogo nen, hano meke wokhisigik, hinetaiken hapugutdinagagik, hagakhe dogoak o.

Kolose 1:25

An he, Allah nen, hit hinobasik, at a'buri meke tha'bokhogonat inatuaneke dogoagaluk nayoko 'bisikhemo, wene Allah nen isikhe wene iti tha'bokhogonat yogeisilik nekhe dogosak mekeat, yogeisilik nekhe lagei iti o.

1 Tesalonika 2:2

Hit hinoba aban wageidek o Filipi etoma werekma, akhuni etoma meke nen inakla erlok degetdinaniluk yi aik ti aik hagatninakhe lagoukha. Itithogon mekeat, ninopase Allah nen ane hano wene etnogo ninayuk dekhogon yokhisasuagaluk hagatninakhikhemo wagagusik yokhisasi werekma akhuni doalegat nen, “Wene iti nina'it o,” iluk, ekhe korlegat, ninobatnerogo yokhisekhe lagagu etnogo, hiniluat o.

1 Tesalonika 2:8

Nit nen hit hinebe ninakmurogo welago iti nen, Allah ane iti anek suputhisasugu 'buk. Dek o. Hinebe ninakmu motok nen, ninakla arleken akhekhe dogolik, ninebe inomat wokhisasuguat iti o.

1 Tesalonika 2:9

Nagarlak lak nerugi. Nit Allah ane hano wene iti yokhisugunem, yi meke ti meke hasik, hit aperek hinoba tiolhinabunogo iluk, nit ninekaerek nen dikene hibakone ninobatnerogon hagakhik, mep dageik-dagokhogon hagakhik, hagakhe lagagu etnogo, hiniluat o.

1 Timotius 1:1

Timotius na'but o. Hetaiken Kristus oba hakotdisigin iti nen, an na'but eberogonat agaginmo, wene yi an Paulus nen holal waganogo hoba la'i agei iti o. At Allah tilninakherek meke inom, Kristus Yesus nen hanotninabigin iluk ninakla apekhe lago meke etnogo inom, ipisak nenat nayoko 'biluk, at Kristus Yesus hasik hagakhe dogoagaluk la'ani agoukhama wagagi iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

1 Timotius 2:7

Itithogon apekherek iti nen, at nen he, “Hat nen ebe wene iti akhuni itikmanke meke nen eberogonat iluk inakla apalok waganuagaluk, yakulisilik nekhe dogono,” iluk, an nayoko 'biluk la'ani ageikhemo, yogeisilik nekherek iti o. Itithogon igi iti eberogonat igi. Nekalat igi dek o.

2 Timotius 1:11

Itithogon hagakhikhesik nen,an hano wene itiat yogeisigik, yakulisigik, yogeisilik nekhe dogoagaluk nayoko 'biluk la'ani ageikhemo nekhe lagei iti o.

Titus 1:1

Titus na'but o. An Paulus nen, Allah atuaneke dogolik, akhuni at nen wenageinakhikhe meke inetaiken at oba hakotdiluk werekma ago watdisigik, nen, nit at apma dogolik ebe wene yakulisekhe lago wene etnogo hutukhogon inilu asuagaluk yakulisigik, hagasuagaluk Yesus Kristus nen nayoko 'biluk la'ani ageikhe meke etnogo nen, wene yi holal waganogo hoba la'i agei iti o.

Ibrani 5:4

It itithogon hagakhe dogouogoluk, “An nebe Allah iteerek kok dogogin,” iluk inekaerek nen meldakhegarek dek. At Allah nenat, ap Harun ayoko 'bisikhemo meldisukha iti hagat, Allah nen inayoko 'bisi halogat meldisegarek.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.

Yakobus 1:1

An Yakobus ninopase Allah ninoe Etagapogot Yesus Kristus ipisak inatuaneke etnogo nen, wene yi hit hinukuloak etaga 12 oba nen yi ai ti ai thirlik-pirlikhogon lalok welagathep meke tha'bokhogonat hinoba la'i agei. Nagarlak lak nerugi.

1 Petrus 4:17

Allah nen ninitema waganogo wene ninoba 'bigik, kokhik, hagasigin iti arat horogat asi aga. Itithogon hagakhe dogolik, nit Allah a'buri meke tak ninitema waganogo wene ninoba 'bigik, kokhik, hagasigin halok, yabokane it akhuni aperek Allah ane hano wene waganhidek meke nitithogon hagarinabigin apegep?

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

Yudas 1:1

An Yudas, Yakobus agot, Yesus Kristus atuaneke etnogo nen, hit wene yi holal waganogo hinoba la'i agei iti. Nagarlak lak nerugi. Allah nenat hinayoko 'bisikhesik hinebe akmu dogolik, Yesus Kristus hasik thethisik werek iti.

A'bikaka 1:1

Wene ebe yigithogon. Yi wene ti wene limago welageikhe meke yabokane ibat-ibat hagatlasigin meke iti, Allah atuaneke meke hutukhogon yogeisoagaluk Allah nen at Yesus Kristus pakhogon yogokhikhemo, at Kristus nen malaikat la'i ageikhemo, wene iti at Allah atuaneke meke an Yohanes yoknekhe.

A'bikaka 22:6

Itithogon hisigirik werekma at malaikat etnogo nen yabokane yoknekhe dogolik, “Yi wene ti wene hagatlagunem lakhalok wagan iti, wene iti eberogonat, iluk hetaiken hakotdusak meke o. Wene iti il opakiat dogoluk dek ibat-ibat hagatlasigin meke o. At ninopase Etagapogot Allah Agoreke it ap at ane yogeisegarek meke wogeisekherek meke etnogo nen, at atuaneke meke yogeisoagaluk an malaikat la'ani agama wagei o,” iluk yoknekhe.

A'bikaka 22:9

Itithogon mekeat he, at nen men yoknekhe, “A! An itithogon hogotnabusak dek o. An nebe, hat men, hagarlak lak aperek at Allah ane yogeisegarek meke men, it aperek inebe tha'bokhogonat wene holal waganek yi inasuk hologo mothogon hagakhe dogogun meke men, ninom tak-tak, ninebe at Allah atuaneke anekma, hetaiken at Allah oba hakotdiluk, at anek hogorasusak o,” iluk yoknekhe.