Matius 9:8 - ALLAH ANE WENW KET MEKE WAROGO WOKNINAKHIKHE WENE

⁸ Itithogon hagakhikhemo, it akhuni emenogo inileken hasukhasik inayuk agoukhasik nen, “Allah nenat yigithogon hagakhe dogoagaluk akhuni meke meldekhemo iti nayuk o,” iluk, Allah hogorakhukha.

Matius 9:8 ပူးပေါင်းရင်းမြစ်များ

Matius 12:23

Itithogon hagakhikhemo, it akhuni alilu natogorlek welagoukha meke nen, “Eiye! Daud a'but wisigin iluk ekhe lagoukha etnogo ebe yi a?” isukha.

Matius 15:31

Itithogon hagarinakhikhemo, it akhuni emenogo inane dek meke inane huak igik, iniki inisok lapelek meke hano ageik, inisok ut warek meke hano atluk holak lageik, inileken puk meke hano atluk lageisigik, hagakhunem inileken hasukhasik nen, “Eiye! Nit akhuni Israel meke ninopase Allah nayuk e,” iluk hogorakhukha.

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Matius 5:16

Iti hak, hit hano hagakhunem, it aperek nen, It hano hagariogei, iluk hinopase pogot oba meke etnogo hogorasuak nen, hit akhuni iniloba iti hakeneat liarogo dogono o,” iluk yogeisasikhe.

Matius 9:7

La'isikhemo, ap etnogo melatluk aila lageikhe.

Markus 2:12

ap etnogo melatluk, eranogoat direka talek etnogo it ap emenogo tha'bokhogonat iniloba horlalok dukhisikhe. Itithogon dukhisi korlek, it akhuni emenogo tha'bokhogonat nen, men isukha, “Eiya! Nayuk o. Nit yoma alebat akhuni aperek nen yigithogon ageikhe hagakhunem hogorek dek meke hagakhe yi nayuk o,” iluk Allah hogorakhukha.

Markus 7:37

Itithogon yogeisugunem it nen kokhogon hogorakhe dogolik, men ekhe lagoukha, “At nen, yi meke ti meke hano anek hagakhe dogolik, akhuni hagarinakhunem inasuk dogou meke huak iluk inasuk holhik, inane dek meke inane hano igik, hagariogo iti nayuk o!” iluk motok hogorakhukha.

Lukas 13:13

iki thebelhe korlek eranogoat, he etnogo apot oak mot ageikhemo, melageikhesik, Allah hogorakhikhe.

Lukas 17:15

Itithogon dek ageikhemo nen, ap emenogo meke ageikhe opakiat anek ileken oado baga usakhasikhe hak, henako hakene etnogo arat dek ageikhemo nen, apuke sugulogo waga dogolik, ane kokhogonat, Allah hogorarik wageikhe.

Lukas 17:18

It ap inebe Yahudi meke inapuke wageidek huk aga korlegat, ap huso meke yi anek Allah hogorasigiluk apuke suguluk waga yoma re!” iluk yogeisasikhesik nen,

Lukas 18:43

iluk yogokhe korlek eranogoat, ileken puk meke etnogo hano ageikhesik, Yesus oporlik laga dogolik, Allah hogorarik lageikhe. Nen, it akhuni tha'bokhogonat emenogo Yesus nen hagakhikhe meke iti inileken hasukhasik nen, Allah hogorakhukhaat.

Lukas 2:20

Nen, it ap domba hagasik weelagoukha meke emenogo inileken halok yabokane inapuke waga dogolik, “Wene malaikat nen yoknisega etnogo tak-tagat hagatlagama ninileken higik, ninasuk holhik, hagakho o,” iluk, Allah hogorakhik, heagei wakhik, hagarik wagoukha.

Lukas 23:47

Itithogon hagakhikhemo ap tentara meke inoe kok etnogo ileken hasikhesik Allah hogorakhe dogolik, “Ap yi eberogonat mothogon anek hagakhe laga meke higi o,” iluk isikhe.

Lukas 7:16

Itithogon hagakhikhemo, akhuni doalegat emenogo inayuk agoukhasik nen, Allah hogorakhe dogolik, men isukha, “Ap kok Allah ane yoknisekhe dogogin meke ageikhe ninakla winam aga o!” iluk igik, nen, it aperek nen, “Allah nen a'buri tilninabigiluk waga yi,” iluk igik, isukha.

Yohanes 15:8

Hit hineken doalegat isu hak hano meke kokhogon hagasugun halok, akhuni nen an nopase hogorasugun o. Hit hinebe ebe nagarumi nane waganhe lagap meke dogolik, itithogonat hagakhe dogogun o,” iluk yogeisasikhe.

La'isasikhe 11:18

At Petrus nen itithogon yogeisasikhemo, it nen wenagakhe lagoukha etnogo, yabokane thogotdiluk men isukha, “Halok he, Allah obabut hano nen, nit hagatninakherek hagat, it akhuni itikmanke meke inobabut hebelagunem iniluk motok dogoagaluk erlok hagarinabusagat higi,” iluk Allah hogorakhukha.

La'isasikhe 21:20

Yogeisasikhesikmo, Allah hagakhikhe meke iti hogorakhukha. Hogorakhukhasik nen, Paulus yogokhe dogolik, “Paulus nagarlak. Akhuni Yahudi meke inebe 1.000 hakene anek 'buk. Inebe motok doalek-harluadegat inetaiken Yesus oba hakotdegasik werek o. Dogolik, wene Allah nen ninasuk wakhikhe meke etnogo it tha'bokhogonat nen hago dogouogoluk inobatnerogon hagariogei iti hat hilu apigi.

La'isasikhe 4:21

Itithogon yogeisasukhama, ap etnogo elalin hagakhukha iti hasik, akhuni tha'bokhogonat nen Allah hogorakhe lagoukha iti nen, ukum nikithogon inoba 'bu heat hagatlageikhemo, inasuk anek yabokane warogo werlegat ula'isasukha.

2 Korintus 9:13

Itithogon yomageisekhe dogogun iti baga, it Allah a'buri o Yudea meke nen, “It akhuni Korintus meke Kristus hagakhikhe wene hano wene etnogo waganhukhasik, Ninobabut mothogon hagakhe dogogun o, iluk isukha tak-tagat hagariogei. Itithogon hagakhe dogolik it meke aperek warlok ageidek nit yomaknisigik, it aperek tha'bokhogonat yomageisigik, hagakha o,” iluk hinobabut ekagat paldiluk Allah hogorasugunat o.

Galatia 1:24

Itithogon holhe dogolik, an nobasik Allah hogorakhe lagoukha.

1 Petrus 2:12

It akhuni itikmanke meke Allah inokodek meke hinom dogolik, it nen, hit weak hagakhe lagap meke thalek, “It weak hagariogei o,” iluk hinabok weak ekhe dogoligat, hit hinobabut hano hagakhunem inileken hisekhe dogoluk nen, akhuni nen at Allah ebe yabokane wagunem hogorasuagaluk hit hinobabut mothogon hagakhe dogono o.