Matius 9:6 - ALLAH ANE WENW KET MEKE WAROGO WOKNINAKHIKHE WENE

⁶ Akin mekeat he, an abat itaklasi agagi iti, agat oba yoma dogolik, akhuni yi weak it weak hagakharek meke an nenat thagalogo degetdekhe dogoagaluk Allah nen iteerek danhikhe iti hutdanubageik nen, yogosik,” iluk nen, ap iki isok aborlok dek meke etnogo men yogokhikhe, “Hebe melatluk direka talek noge ekhe lagan meke ithi horlalok haila lan o,” iluk la'isikhe.

Matius 9:6 ပူးပေါင်းရင်းမြစ်များ

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 8:20

Itithogon yogokhikhemo, at Yesus nen, “Helo yeke iti, ai halek akolakla welagarek. Nen, thue hitluk nekharek meke iti, ai halek welagaregat. Meke re, an abat itaklasi agagi iti anek, noge ekhe dogosakma nai halek motok dek o,” iluk yogokhikhe.

Matius 9:2

ap ageikhe iki isok aborlok dek welageikhe meke thabuleka dit talogo noge ekherekma witik werek korlek yerogo wolok oba wagoukhama, at Yesus nen he, “It iti inetaiken an noba hakotdegasik nen wolok wageikha higi,” iluk, ileken ekagat hisalok nen, ap iki isok aborlok dek meke etnogo men yogokhikhe, “Na'but o. Hakla arleken akhan. Hat weak hagakhe lagan meke re, an nen thagalogo degetdigi o,” iluk yogokhikhe.

Matius 9:5

An nen ap yi wene yogosusak alhe hakene ki apegep. Hat weak hagakhe lagan meke iti arat thagalogo degetdigi, iluk yogokhi iti alhe hakene meke yogokhi apegep a? E a, at he, Hebe melatluk lan o, iluk yogosusak alhe hakene apegep a. Dek o. Hebe melatluk lan, iluk yogosumo akinat o.

Matius 9:7

La'isikhemo, ap etnogo melatluk aila lageikhe.

Markus 2:10

Akin mekeat he, an abat itaklasi agagi etnogo agat oba yoma dogolik, akhuni yi weak ti weak hagakharek meke an nenat thagalogo degetdekhe dogoagaluk, Allah nen iteerek danhikhe meke iti hutdanubageik nen, yogosik,” iluk yogeisasikhesik, ap iki isok aborlok dek meke etnogo men yogokhikhe,

Markus 2:7

“Ap yi wene ekhe iti, nenaluk ekhe. Nit akhuni weak hagakhe lago meke iti, it akhuni aperek nen erlok thagalogo degetdisausak nogo? At Allah arligat nen erlok thagalogo degetdisekherek mekeat he, at yi nen Allah akla meanetdiluk etaga weagatdiliogo,” iluk inakla apasukha.

Lukas 5:21

Itithogon yogokhikhemo, it ap Allah ane holal waganek iteerek meke inom, it ap Farisi meke inom, inakla nen, “Nit akhuni weak hagakhe lago meke iti, it akhuni aperek nen thagalogo degetdisausak nogo? At Allah arligat nen erlok thagalogo degetdisekherek mekeat he, at yi nen Allah akla meanetdiluk etaga weagatdiliogo yi tha apegep,” iluk inakla apasukha.

Yohanes 10:28

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Yohanes 5:27

An nebe abat itaklasi agagi iti nen, akhuni oak denogo wene inoba 'bigik, kokhik, hagasuagaluk, nopase nen anat niki baga 'banhikhe o.

Yohanes 5:8

at Yesus nen, men yogokhikhe, “Nopase. Hebe melatluk nen, harlit thabuleka talek meke ithi horlalok lan o,”

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

La'isasikhe 9:34

Ileken halok nen, men yogokhikhe, “Eneas nagarlak. Yesus Kristus nen hano hagathakhe o. Halok he, melatluk nen, hebe talogo noge ekhe lagan meke ethoma dikilogo 'bin o,” iluk yogokhe korlek, eranogoat metokhogon melageikhe.

2 Korintus 2:10

At nen hit weagathinakhe meke iti, hit nen thagalogo here'isegep halok he, an nen thagalogo here'isageinat o. An nen thagalogo here'isausak meke werek halok he, at Iblis, obabut kauk hagakherek ninilu iti nen, erlok degetdinaninogo iluk, hit hinobasik at Kristus il obaat thagalogo here'isagein o.

2 Korintus 5:20

Nit he, Kristus nen at, ninayoko 'biluk la'inani ageikhemo wagagusik nen, Allah nen wene yokhisau hak, hinasuk wakhe lago iti o. Itithogon wakhe dogolik, “At Allah nen yabokane hinapuke dapukhogon 'binagouak nen he, at hinom dapulini o,” iluk Kristus etaga palogo ninane erogat yokhisekhe lago.

Efesus 4:32

Here'isalok nen, hit-hit hinobabut enago hinakmurogo hagarinakhe dogolik, hit weak hagakhe lagagip meke at Kristus nen thagalogo degetdisikhe meke, Allah nen degetdisasikhe iti hagat, hinagarlak lak hinerugi aperek nen weagathinakho halok he, wene iti degetdisekhe dogono o.

Kolose 3:13

Hit-hit aperek nen aperek weak hagathinakhunem, ua 'bigidek hinobakhanini hapugutdiluk hagakhe dogolik, thagalogo here'isekhe dogono. Hit weak hagakhe lagagip meke, ninoe Etagapogot nen thagalogo here'isasikhe hak, hit-hit itithogonat thagalogo here'isekhe dogono o.