Matius 9:38 - ALLAH ANE WENW KET MEKE WAROGO WOKNINAKHIKHE WENE

³⁸ Iti nen he, ap ayabu Iteerek meke etnaga nen akhuni eken palusak meke aperek la'isoak nen, at ayoko 'bekhe dogono,” iluk yogeisasikhe.

Matius 9:38 ပူးပေါင်းရင်းမြစ်များ

Matius 9:37

Akmurinakhikhesik, at agarumi ane waganhe lagoukha meke emenogo men yogeisasikhe, “Eken ugu doalegat werek mekeat he, akhuni eken ebe palusak meke inebe pererlagat o.

Yohanes 20:21

Itithogon inakla arleken akhasukhama, at Yesus nen wene ageikhe inom yabokane men yogeisasikhe, “Nagarumi. Hinagorakma. An nopase nen la'ani ageikhe iti hak, an nen hit itithogonat la'inagagin o,” iluk yogeisasikhe.

Yohanes 4:35

Nen, hit nen ekhe dogolik, Thut henagan dogoluk nen ageikhe baga halok eken ugu arat palugun o, iluk egethep mekeat he, an nen wene ageikhe yokhisak.Ai yago meke hinileken lakhani o! Eken ugu horle agasik palusak tak-tagat werek o.

La'isasikhe 13:2

Dogolik he, iniki ageikhe baga Allah a'buri inom ninoe Etagapogot apma ukiluk, sembayan uogoluk hipiri nikidek, at hogorakho werekma, Allah Agoreke nen yogeisekhe dogolik, “Hit nen, Barnabas Saulus ipisak nen an nobasik hagakhe dogoagaluk, inayoko 'bigima iti nen he, it inebe wenago an nobasik 'banino o,” iluk yogeisasikhe.

La'isasikhe 8:4

Itithogon hagarinakhe korlek, it thirlik-pirlikhogon lo lagoukha meke emenogo o yi ai ti ai laga dogolik, hano wene etnogo yogeisilik lagoukha.

1 Korintus 12:28

At Allah nenat, a'buri ninobolukmo tomok 'binanhe dogolik, alebageik nit at ane yogeisilik nekhe dogoagaluk ninayoko 'bigik, ninoporlik at ane yogeisekhe dogoagaluk it aperek inayoko 'bigik, it inoporlik wene yakulisekhe dogoagaluk it aperek inayoko 'bigik, it inoporlik elalin meke hagakhe dogoagaluk it aperek inayoko 'bigik, it inoporlik akhuni aperek u warek meke hano hagarinakhe dogoagaluk it aperek inayoko 'bigik, nen, yi meke ti meke yomageisekhe dogoagaluk it aperek inayoko 'bigik, inougi koktek metek dogoagaluk it aperek inayoko 'bigik, akhuni o ya meke ta meke inane inokodek meke baga wene ekhe dogoagaluk it aperek inayoko 'bigik, ninebe tomok itithogon ninayoko 'bisikhe.

Efesus 4:11

Nen, supusogo usa'isa ageikhe iti ebe, nit Allah a'buri ninebe tha'bokhogonat Kristus ebe hakene werekma, o halharek hak halogo 'binanhunem, ninebe tha'bokhogonat Allah hasik hagakhe dogoagaluk, ninebe tomok ninayoko 'biluk meldinanik lageikhe iti o. It aperek Allah ane wolok loagaluk inayoko 'bigik, it aperek Allah ane yogeisekhe dogoagaluk inayoko 'bigik, it aperek hano wene akhuni itikmanke hasik yogeisilik loagaluk inayoko 'bigik, it aperek Allah a'buri therisik dogolik wene yakulisekhe dogoagaluk inayoko 'bigik, ninebe tomogat itithogon ninayoko 'bisikhe iti o.

2 Tesalonika 3:1

Nagarlak lak nerugi. Wene ilugun oba ageikhe yi yokhisak. Ninoe Etagapogot ane ibat wialatluk hit werekma etoma wageikhemo hano waganhigip hak, itithogonat wialarik lagunem it aperek nen hano waganuagaluk, nit ninobasik sembayan ekhe dogono.