Matius 9:27 - ALLAH ANE WENW KET MEKE WAROGO WOKNINAKHIKHE WENE

²⁷ At Yesus o etoma nen lagunem ap inebe pere inileken puk meke inane kokhogon ilik oporlik laga dogolik, men yogokhukha, “Ap Daud nen itago meke noe a! Hakmu nisan o,” iluk yogokhukha.

Matius 9:27 ပူးပေါင်းရင်းမြစ်များ

Matius 1:1

At Yesus Kristus Abraham nen, Daud nen, ina'but etnogo opa lak erlo baga nen itaklarik wagoukha meke inetaga yi o.

Matius 11:5

Inileken puk meke 'bekelogo hano ageik, inae la'belek meke holak lageik, inoba u henako hakene inayuk meke werekma hagarinakhunem hano ageik, inasuk dogou meke inasuk huakhogon holhik, akuni warek meke inilugurinakhik, it aperek inameke dek meke hano wene yakulisigik, hagakhunem hinileken neegep etnogo hutukhogon yogosi lano.

Matius 15:22

Dagei agunem, he ageikhe o Kanaan etoma aierek meke Yesus oba wageikhesik ane kokhogon men yogokhikhe, “Daud nen itago meke noe. An neak horlak meke mokat obabut weak meke akla ukekhesik weak werek. Halok he, hakmu nean o,” iluk yogokhikhe mekeat he,

Matius 17:15

“Noe. An na'but yi hakmurasin o. Ilhurluk 'bekhe dogolik, ebe watlageik, iluk ageik, hagakhe dogolik, hibiku-yogokuat hetumo ukigik, ima lageik, hagakhe dogolik weak motok welagarek iti nen,

Matius 20:29

Yesus inom itithogon hagarik lagoukhasik o Yeriko nen dukhisukha hak, akhuni motok doalegat inoporlik lagoukha.

Matius 21:15

Itithogon hagarinakhikhemo, it ap Allah iteerek meke inougi koktek emenogo men, Allah ane holal waganek iteerek meke emenogo men, Yesus nen hagasusak dek meke elalinat hagakhunem inileken higik, nen, yekerugi 'bugurlaktek meke nen, “Noe wa!” iluk u hak, “Hosana! Daud nen itago meke noe,” iluk Allah ai halekma inane kokhogon Yesus elokhe waganhunem inasuk holhik, hagakhukhasik inakla aga nen,

Matius 21:9

Itithogon 'bilik laga dogolik, at Yesus ebe turlumotdiluk, it aperek alebageik lageik, it aperek oporlik lageik, laga dogolik, inane kokhogon men ilik lagoukha, “Daud nen itago meke, noe wa! Wa! Wa!” iluk u hak, “Hosana! Ninopase Etagapogot Allah nen la'agei agama wagan yi, at nenat hanothabuak o. Allah kok pogot oba welagarek meke nopase wa!” u hak, “Hosana!” iluk amitmit luk-luk ilik ilik, o Yerusalem ukisukha.

Matius 9:28

Itithogon yogokhukhama, at Yesus ebe uma ukiluk werekma, it ap inebe pere inileken weak meke eranogo oba ukisukha. Ukisukhama, at Yesus nen, men yogeisasikhe, “Hit hinakla, At nen erlok hano hagatninabusak, iluk apekhe lagap a?” iluk yogeisasikhemo, it nen, “I o. Ninoe. Erlogat hano hagatninabusak apekhe lago,” iluk yogokhukha.

Markus 11:10

Haganeat ninopa Daud apma welagoukha hak, Allah nen ninoe yi apma 'binaniluk hanotninabuak o. Allah kok pogot oba welagarek meke, nopase wa!” u hak, “Hosana!” iluk amitmit luk-luk ilik ilik,

Markus 9:22

At mokat obabut weak meke iti nen, yekerek yi ebe wasigiluk hetumo kola'igik, ima usa'igik, hibiku-yogokuat walhekho motok welagarek o. Meke re, hat nen erlok hagasusak halok he, hakmu atluk u ithi hagatnisan o,” iluk yogokhikhe.

Lukas 17:13

“Yesus noe e! Hakmu nisan o,” iluk inane kokhogon isukha.

Lukas 20:41

Itithogon huk agoukha mekeat he, at Yesus nen it men yogeisasikhe, “Kristus Allah nen ayoko 'biluk la'isigin isikhe etnogo, ebe Daud nen itago meke o, iluk iliogei iti, nikithogon halok iliogei apegep?

Lukas 7:21

Itithogon yogosi agoukhasik werek korlek itinem, at Yesus nen akhuni u warek meke inom, hinet wakhe lagoukha meke inom, hano hagarinakhik, mokat inobabut weak meke inakla ukisikhesik werekma mukhogo ula'isigik, inileken puk meke hano asuagaluk 'bekelogo hano hagarinakhik, hagakhe lageikhesik

Yohanes 7:42

Akhuni tilninabigin meke Allah nen la'isigin isikhe meke iti, ap Daud nen itago meke, at Daud ekaerek aila erloma welageikhe baga, o Betlehem etoma itaklasigin, iluk Allah ane baga holal waganogo 'bisukha werek etnogo dek?”

Roma 1:3

Wene holal waganogo 'bisukha iti, ebe re, Allah a'but ninoe Etagapogot Yesus Kristus hasigat o. Akhuni itaklageikharek hak, ebe Daud nen itago meke nen itaklageikhe. Mekeat he, ebe watlageikhesikmo nen, Allah Agoreke obatne baga ilugutdisikhe iti baga, Allah a'burat o, iluk ekagat ageikhe iti.

Roma 9:5

Nit ninopa lak nen, it nen itago meke. At Kristus ebe nit akhuni itaklagorek hak itaklageikhe iti, it meke nen itakhukha meke re, ebe Allah mekeat o. Yi meke ti meke tha'bokhogonat nen, wema baga negen mekeat he, at anek, upu baga siakhogon welagarek iti nen, at anek hogorakhe dogogun iti, ebeat asuak, iluk u hak, “Amin,” ekhe dogouok.