Matius 9:24 - ALLAH ANE WENW KET MEKE WAROGO WOKNINAKHIKHE WENE

²⁴ men yogeisasikhe, “Horlak yi watlageidek, noge iliogo. Halok he, kikil warani o,” iluk yogeisasikhe meke re, it akhuni doalegat emenogo nen, obato kogat agoukha.

Matius 9:24 ပူးပေါင်းရင်းမြစ်များ

Markus 5:40

Itithogon yogeisasikhemo, it akhuni emenogo nen obato kogat agoukha. Obato kogat agoukhama, at nen inebe tha'bokhogonat thikmanke ula'isasikhe. Ula'isalok nen, it horlak etnogo agosa opase men, Yesus agarumi inom lagoukha meke emenogo men, it anek wogosik o kakok palek horlak etnogo welageikhemo ukisukha.

Lukas 8:53

it nen, Horlak iti arat watlaga, iluk inilumo nen Yesus obato kogat agoukha.

Yohanes 11:4

at Yesus yogosi lagoukha. Yogosi lagoukhama, asuk holhikhesik nen, men yogeisasikhe, “U warek iti nen, at ebe motok watlasigin 'buk. An nen hagakhunem, akhuni nen Allah ebe hogorakhik, a'but an hogotnakhik, hagasuagaluk, u warogo 'bekhemo werek iti o,” iluk yogeisasikhe.

La'isasikhe 20:10

Waganhukhama, Paulus ebe usa'ageikhesik nen, warek oba dekakhogon wilageikhesik nen iki obakha hurlukhogon hakhasikhesik nen, “Watlagama iluk, hinakla wene munini ebekhup. Ebe iluk werek o,” iluk yogesasikhe.

La'isasikhe 9:40

Inuguthasukhama, at Petrus nen inebe tha'bokhogonat ula'isalok, itibagal yukukhogon sembayan iluk nen, elokhe hebenokhogon warek etnogo wogokhikhesik nen, “Tabita. Melasin o,” iluk yogokhikhe. Yogokhunem, eranogoat ileken 'bekelageikhesik nen, Petrus ebe ileken halok melageikhesik aloke tagakhogon hurek lageikhe.