Matius 9:22 - ALLAH ANE WENW KET MEKE WAROGO WOKNINAKHIKHE WENE

²² Iki hakhasikhemo, at Yesus nen ileken dagakhogon 'bikhasikhesik nen, men yogokhikhe, “Neru o! Hakla arleken akhan o. Hetaiken noba hakotdegen iti nen hano agan o,” iluk, isi korlek eranogoat, he etnogo arat hano ageikhe.

Matius 9:22 ပူးပေါင်းရင်းမြစ်များ

Matius 15:28

Itithogon yogokhikhemo, at Yesus nen, “He yi neru o. Hat nen, At nen hagasigin, iluk hetaiken noba motok hakotdegen iti nen, hakla apegen iti tak-tagat hagathisigin o,” iluk isi korlek eranogoat, eak etnogo hano ageikhe.

Matius 17:18

yekerek etnogo wolok wagoukhama mokat obabut weak meke akla ukiluk werekma Yesus nen wenagakhikhemo, dukhi lageikhemo eranogoat hano ageikhe.

Matius 8:13

Itithogon yogeisasikhesik nen, at Yesus nen ap tentara meke inoe kok etnogo men yogokhikhe, “Hebe lan o. Hat hetaiken an noba hakotdiluk, hakla nen, Itithogon hano hagatnisusak iluk apegen iti hagat, hagatlasuak o,” iluk isi korlek eranogoat, atuaneke etnogo oba hano ageikhe.

Matius 9:2

ap ageikhe iki isok aborlok dek welageikhe meke thabuleka dit talogo noge ekherekma witik werek korlek yerogo wolok oba wagoukhama, at Yesus nen he, “It iti inetaiken an noba hakotdegasik nen wolok wageikha higi,” iluk, ileken ekagat hisalok nen, ap iki isok aborlok dek meke etnogo men yogokhikhe, “Na'but o. Hakla arleken akhan. Hat weak hagakhe lagan meke re, an nen thagalogo degetdigi o,” iluk yogokhikhe.

Matius 9:29

Itithogon yogokhukhama, at Yesus nen inileken etnogo iki hageisekhe dogolik, men yogeisasikhe, “Hagathinabigin o. Hinetaiken noba hakotdegep iti baga hano atni o,” iluk yogeisasikhe.

Markus 10:52

at Yesus nen men yogokhikhe, “Hetaiken noba hakotdegen iti bagaat hano agan o. Halok he, lan o,” iluk yogokhe korlek eranogoat ileken puk meke etnogo hano ageikhesik Yesus holagarlem lagunem oporlik inomat lagoukha.

Markus 5:34

Yogokhikhemo, at Yesus nen men yogokhikhe, “Neru. Hetaiken noba hakotdegen iti nen hano agan o. Halok he, hakla hanorogon lan o,” iluk la'isikhe.

Lukas 17:19

at ap wageikhe etnogo men yogokhikhe, “Eberogonat hagatnabigin, iluk hetaiken noba hakotdegen iti baga arat hano agan o. Halok he, hebe melatluk haila lan o,” iluk la'isikhe.

Lukas 18:42

at Yesus nen, men yogokhikhe, “Hileken puk ithi hano asin o. Hat hetaiken noba hakotdegen iti bagaat hano agan o,”

Lukas 7:50

at Yesus nen, he etnogo yogokhe dogolik, men yogokhikhe, “Hat hetaiken noba hakotdegen iti nen tilhakhi o. Halok he, hakla hanorogon haila lan o,” iluk la'isikhe.

Lukas 8:48

Itithogon yogokhikhemo, at Yesus nen, men yogokhikhe, “Neru e! Hetaiken noba hakotdegen iti nen hano agan o. Halok he, hakla hanorogonat lan o,” iluk la'isikhe.

Yohanes 4:53

at elege opase etnogo nen akla ebekhe dogolik, “Hiamagane dikene o mo eta tak-tagat, at Yesus nen, Ha'but u dek asigin o, iluk, yoknekhe tak-tagat u dek agama,” iluk, akla ebetdiluk lageikhesik nen, at ebe men, a'buri men, inebe tha'bokhogonat inetaiken Yesus oba hakotdisukha.

La'isasikhe 14:9

Hurek dogolik Paulus nen wene yogeisugunem asuk holek werekma, at Paulus nen ileken oba tek-tek 'birogo dogolik, akla nen, “Ap ithi etaiken nenat, Eberogonat hagatnabigin, iluk apekhesik werek higi,” iluk akla apasikhe.

La'isasikhe 16:18

At horlak iti yabokane hibiku-yogoku ane itithogonat ekhe lageikhe. Itithogon ekhe dogolik, ane Paulus oba tiok-tha'bokhogon hagakhe lageikhemo nen, at elokhe hebenokhogon 'bikhekhe dogolik mokat obabut weak meke iti men yogokhikhe, “Mokat hobabut weak meke yi. Horlak ithi akla welagan iti, mukhogo dukhi lanogoluk, Yesus Kristus etaga palogo yokhekhe lagei o,” iluk yogokhikhemo nen, eranogoat at akla nen dukhisikhe.

Ibrani 4:2

Wene hano wene iti it alep yogeisasikhe iti hagat, nit itithogonat yoknisasikheat. Meke re, wene yogeisasikhe meke iti, it inasuk holhukhasik nenat, inetaiken oba hakotdigidek hagakhe lagoukha iti baga, wene iti it inobasik erlok dek ageikhe iti.