Matius 9:2 - ALLAH ANE WENW KET MEKE WAROGO WOKNINAKHIKHE WENE

² ap ageikhe iki isok aborlok dek welageikhe meke thabuleka dit talogo noge ekherekma witik werek korlek yerogo wolok oba wagoukhama, at Yesus nen he, “It iti inetaiken an noba hakotdegasik nen wolok wageikha higi,” iluk, ileken ekagat hisalok nen, ap iki isok aborlok dek meke etnogo men yogokhikhe, “Na'but o. Hakla arleken akhan. Hat weak hagakhe lagan meke re, an nen thagalogo degetdigi o,” iluk yogokhikhe.

Matius 9:2 ပူးပေါင်းရင်းမြစ်များ

Matius 14:27

Itithogon isukhama, at Yesus nen he, “Hinagot akma. Nagarumi. An nebeat waga lagei. Halok he, hinayuk agup o,” iluk yogeisasikhemo,

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 6:12

Akhuni nen nit weagatninakha meke, nit nen thagalogo degetdisogo iti hak, nit weak hagakho meke hat nen thagalogo degetdisano o.

Matius 8:10

at Yesus asuk holhikhesik nen, akhuni at oporlik lagoukha meke emenogo men yogeisasikhe, “Eiye! Ap yi etaiken noba eberogonat hakotdekhe iti hakene, it akhuni Israel meke ageikhe inetaiken itithogon hakotdisinem hisegerek dek meke nayuk e, iluk eberogonat yokhisigi o.

Matius 8:16

Itithogon hagakhe korlek, o arat hiam ageikhemo, akhuni mokat inobabut weak meke inakla ukiluk welagoukha meke wogosik Yesus oba wagoukhama, at ane opaki hasigat mokat inobabut weak meke inakla mukhogo ula'isigik, u weak meke tha'bokhogonat hano hagarinakhik, hagakhikhe.

Matius 9:22

Iki hakhasikhemo, at Yesus nen ileken dagakhogon 'bikhasikhesik nen, men yogokhikhe, “Neru o! Hakla arleken akhan o. Hetaiken noba hakotdegen iti nen hano agan o,” iluk, isi korlek eranogoat, he etnogo arat hano ageikhe.

Matius 9:5

An nen ap yi wene yogosusak alhe hakene ki apegep. Hat weak hagakhe lagan meke iti arat thagalogo degetdigi, iluk yogokhi iti alhe hakene meke yogokhi apegep a? E a, at he, Hebe melatluk lan o, iluk yogosusak alhe hakene apegep a. Dek o. Hebe melatluk lan, iluk yogosumo akinat o.

Matius 9:6

Akin mekeat he, an abat itaklasi agagi iti, agat oba yoma dogolik, akhuni yi weak it weak hagakharek meke an nenat thagalogo degetdekhe dogoagaluk Allah nen iteerek danhikhe iti hutdanubageik nen, yogosik,” iluk nen, ap iki isok aborlok dek meke etnogo men yogokhikhe, “Hebe melatluk direka talek noge ekhe lagan meke ithi horlalok haila lan o,” iluk la'isikhe.

Markus 1:32

Itithogon yomageisekho werekma, hiamaganekeke mo kobokhogon lageikhesikmo nen, it akhuni nen he, it aperek u warek meke inom, mokat inobabut weak meke inakla ukisukhasik welagoukha meke inom, wogosik Yesus oba wagoukha.

Markus 10:49

at Yesus ebe huk ageikhesik akhuni emenogo men yogeisasikhe, “Wisuak nen watni o,” iluk yogeisasikhemo, it nen waekhe dogolik men isukha, “Yesus nen wahiriogo iti hakla arleken akhilik melasin o,” iluk yogokhukha.

Markus 5:34

Yogokhikhemo, at Yesus nen men yogokhikhe, “Neru. Hetaiken noba hakotdegen iti nen hano agan o. Halok he, hakla hanorogon lan o,” iluk la'isikhe.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

Yohanes 2:25

Akhuni inakla at ilu motok welagarek iti nen, akhuni aperek nen, “It aperek inobabut yigirlik,” iluk, at yogosusak motok erlok dek o.

Yohanes 21:5

Itithogon hutdigidek werekma, at Yesus nen men yogeisasikhe, “Warligi yi. Nagarumi. Ikan ageikhe waganhep a?” iluk yogeisasikhemo, it nen, “Motok dek o,” iluk yogokhukhama,

La'isasikhe 14:9

Hurek dogolik Paulus nen wene yogeisugunem asuk holek werekma, at Paulus nen ileken oba tek-tek 'birogo dogolik, akla nen, “Ap ithi etaiken nenat, Eberogonat hagatnabigin, iluk apekhesik werek higi,” iluk akla apasikhe.

La'isasikhe 19:12

Hagarinakhunem, su at Paulus dikak hokherek meke he a, asu ebe meke elokhoken weak asinogo iluk itikmanke ikhe lageikha meke he a, akhuni nen wolok, it u waganhe lagoukha meke inoba 'bi lagunem nen, u hano ageik, mokat inobabut weak meke inakla ukiluk welageikhe meke mukhogo dukhigik, hagakhe lageikhe.

La'isasikhe 23:11

Itithogon yogeisasikhemo wolok ukisukhama, o itinem hibako, ninoe Etagapogot Paulus alilu melasi ukiluk nen, men yogokhikhe, “Hat nen, wene an nobasik o Yerusalem yoma pakhogon yogeisegen iti hak, yabokane o Roma etoma itithogon pakhogon yogeisa liginat iti nen, hetaiken hapukhogon dogono o,” iluk yogokhikhe.

Roma 5:11

Meke re, iti anek 'buk. Ninoe Etagapogot Yesus Kristus hagakhikhe iti baga, Allah ninom yabokane ninapuke hunogo 'binanhikhemo ninom dapukhogon hano welago iti nen, ninakla arleken akhekhe lago.

Yakobus 2:18

It aperek nen itithogon isinem men usak, “Hat nen he, Netaiken Allah oba hakotdiluk welagei ekhe lagan iti. Nen, an nen niki baga nen yomageisekhe lagei iti. Halok he, hat hiki nen yomageisigidek dogolik, hetaiken anek Allah oba hakotdiluk welagei iluk ekhe lagan iti, ebe ki? Inugutnean ta. An anek he, Netaiken Allah oba hakotdigirik welagei, iluk, niki baga nen, yomageisekhe lagei meke ekagat werek iti, inugutheageinat o,” iluk yogeisausak o.