Matius 9:18 - ALLAH ANE WENW KET MEKE WAROGO WOKNINAKHIKHE WENE

¹⁸ Itithogon yogeisugunem, ap ageikhe o akhuni Yahudi meke sembayan egarekma ite dogolik kok welageikhe meke iti Yesus oba wageikhesik, itibagal yukukhogo hurek dogolik, men yogokhikhe. “An na'but horlak ket yogotak yaat watlagama meke re, hat nen hiki hakha laumo re, iluk atluk oba the asigin o, iluk hayoko wagei,” iluk yogokhikhe.

Matius 9:18 ပူးပေါင်းရင်းမြစ်များ

Matius 14:33

Dek ageikhemo, it ku akla welagoukha meke emenogo nen Yesus hogorakhe dogolik, “Hat eberogonat Allah a'but heogo o,” iluk yogokhukha.

Matius 15:25

Itithogon yogeisasikhemo werek korlek, at he etnogo Yesus oba wageikhesik nen, itibagal yukukhogon heagei wakhe dogolik, men yogokhikhe, “Eiye! Noe. Hano hagatnetnok o,” iluk ane a'buarek ane yogokhikhemo,

Matius 17:14

Itithogon hutdiluk nen, akhuni doalegat emenogo inoba usa'agoukhama, ap ageikhe Yesus oba wageikhesik, at apma itibagal yukukhogon heagei wakhe dogolik, men yogokhikhe,

Matius 20:20

At Yesus nen itithogon yogeisasikhesik werekma, at Zebedeus age nen eagei wogosik Yesus oba wageikhesik itibagal yukukhogon heagei wakhe dogolik, “Nit ageikhe kino yokhisuogoluk hoba wago,” iluk yogokhukhama

Matius 28:17

Dageisukhasik werekma at Yesus ebe inileken hasukhasik nen, heagei warogo initibagal yukukhogon hogorakhe korlek mekeat he, it aperek emenogo anek he, “At ebeat a? Men a,” iluk apasukha.

Matius 8:2

Lagunem, ap ageikhe u henako hakene inayuk meke oba welageikhe meke oba wageikhesik, itibagal yukukhogon usasikhesik nen, men yogokhikhe, “Yesus noe o. Hat nen hano hagatnabigin apegen halok he, erlok hano hagatnabusagat o,” iluk yogokhikhe.

Matius 8:25

Noge isinem, agarumi alilu wagoukhasik iluguthekhe dogolik, men yogokhukha, “Yesus. Nit i lugun yoma, tilninabumo re,” iluk yogokhukha.

Matius 9:17

Iti hakene, akhuni nen anggur eken apusu herelogo apusu ket meke isoak domba oado meke haganeat hagarek meke akla ukhakharek dek. Itithogon ukhasugun halok he, isoak domba oado meke hagarek etnogo sup ekhe dogolik, anggur eken apusu iti tialogo hagatlageik, isoak iti suphogon alomatlageik, hagasinogo. Itithogon hagasinogo iluk anggur eken apusu ket meke halok he, isoak ket hano hagarek meke halogat akla henasusak o. Itithogonat hagasumo nen, pereat hano dogosak,” iluk yogeisasikhe.

Matius 9:19

Itithogon yogokhikhemo, at Yesus ebe inom ap etnogo inom, it ap Yesus ane waganhe lagoukha meke emenogo inom, inom tha'bokhogonat lagoukha.

Matius 9:24

men yogeisasikhe, “Horlak yi watlageidek, noge iliogo. Halok he, kikil warani o,” iluk yogeisasikhe meke re, it akhuni doalegat emenogo nen, obato kogat agoukha.

Lukas 13:14

Itithogon hagakhikhemo, ap ageikhe o sembayan egarekma etoma inoe kok welageikhe meke iti nen, men isikhe, “Yesus iti niniki 7 baga Allah hasik werlegat werek korlek, he iti u hano hagakhe iti nenaluk hagakhe,” iluk akla aga nen akhuni doalegat emenogo men yogeisasikhe, “Yi hagakhik, ti hagakhik, hagakhe dogosak iti, iniki 6 oba iti bagaat hagakhe dogosak o Halok he, hiniki iti bagaat u hinoba meke hagathinabuagaluk waga dogono. Meke re, Allah hasik werlegat dogolik wisusak dek o,” iluk itithogon yogeisasikhemo,

Lukas 18:18

Itithogon yogeisekhe lageikhemo, it akhuni Yahudi meke inoe kok ageikhe nen Yesus men yogokhikhe, “Noe. Wene yakulnisekhe lagan iti, hat hano o. An naburlal-haburlal ite asik nen, an nobabut nikithogon hagakhe dogosak,” iluk yogokhikhemo,

Lukas 7:2

At uki ageikhemo, etoma ap tentara meke inoe kok ageikhe atuaneke etaiken hunik meke oba u motok weak nen, watlasusak negen welageikhe.

Yohanes 11:25

at Yesus nen, men yogokhikhe, “Akhuni iniluk motok dogoagaluk, an nenat inilugurinakherek o. At tha nen etaiken an noba hakotdilukmo nen watlasigin halok, at ebe watlasigin mekeat he, yabokane iluk atluk iluk motok dogogin o.

Yohanes 11:32

Waga korlek, he Maria etnogo ileken Yesus ebe lakhasikhesik nen, oba lageikhesik itibagal yukukhogon at apma thoma isikhesik nen, men yogokhikhe, “Noe. Hat yoma witluk dogolenma re, an neru watlaga iti, watlatlep dek apigi o,” iluk yogokhikhesik de agunem,

La'isasikhe 13:15

Hurek lagoukhasik werekma, it akhuni etoma meke nen, wene Allah nen ninasuk wakhikhe wene etnogo etaga thalhik, wene it ap Allah ane yogeisekhe lagoukha meke nen holal waganhukha meke etaga thalhik, isukhasik nen, inougi koktek nen Paulus lak yogeisekhe dogolik, “Nagarlak lak. Akhuni yoma inetaiken horle asuak nen, hit nen wene ageikhe werek halok he, yoknisobageik iluk hinayoko 'bogo o,” iluk isukhama,

La'isasikhe 28:8

O at werekma etoma, at opase oba agaken ageikhesik, al pirlak mep inom laga dogolik, witik motok welageikhe. Witigat werekma, at Paulus oba ukisikhesik iki ha'iluk, Allah ayoko 'bisikhemo, oba hano ageikhe.