Matius 9:15 - ALLAH ANE WENW KET MEKE WAROGO WOKNINAKHIKHE WENE

¹⁵ Yogokhukhama, at Yesus nen men yogeisasikhe, “Ap ageikhe age waganhe dogolik, at agarlak lak erugi inomat dogolik, it inakla wiik-weakhogo dogosak nogo? Dek o. Itithogon mekeat he, agarlak lak erugi 'bisalok, ap iti wolok lugun oba weregat o. Itithogon wolok laumo anek, it iti iniki ageikhe hipiri nikidek sembayanat isi dogogunat o,” iluk yogeisasikhe.

Matius 9:15 ပူးပေါင်းရင်းမြစ်များ

Matius 9:14

Itithogon yogeisasikhesik oba nen, it Yohanes agarumi ane waganhe lagoukha meke Yesus oba wagoukhasik nen, men yogokhukha, “Nit men, it ap Farisi meke men, sembayan uogoluk, hipiri nikidek hibiku-yogoku welagorek mekeat he, it ap hat hane waganiogei meke yoma anek he, itithogon hagariogei dek iti nenaluk,” iluk yogokhukha.

Matius 9:16

Itithogon yogeisasikhesik, ageikhe men yogeisasikhe, “Akhuni nen, su alep iriogei meke li'bilaga halok, kain ket meke baga 'bugukasumo, yabokane kain ket meke iti dikilik dogolik, su iti kogat li'bilarik lausak o.

Markus 2:19

Itithogon yogokhukhama, at Yesus nen he, men yogeisasikhe, “Ap ageikhe age waganhe dogolik, at agarlak lak erugi inayoko 'bigin meke inom dogolik wam inom, hipiri inom, nikidek werlegat dogosak nogo? Dek o. Ap iti inom dogolik, itithogon nikidek werlegat dogosak dek.

Markus 2:20

Mekeat he, ap iti agarlak lak erugi 'bisalok ebe wolok lugun oba weregat o. Itithogon wolok laumo itinem anek he, it iti iniki ageikhe hipiri nikidek werlegat dogogunat o,” iluk yogeisasikhe.

Lukas 17:22

Itithogon yogeisasikhesik nen, at agarumi ane waganhe lagoukha meke emenogo men yogeisasikhe, “An abat itaklasi agagi etnogo hibiku-yogoku yabokane ninom motok dogogun meke re, aban werek korlek, hit hinakla nen, Niniki opaki hasik ninileken helo e, iluk itithogon apagun mekeat he, hinileken niigidek dogogun oba weregat o.

Lukas 5:34

Itithogon yogokhukhama at Yesus nen he, men yogeisasikhe, “Ap ageikhe age waganhe dogolik, agarlak lak erugi doalegat inayoko 'bigin meke inom dogolik, Hit hipiri nikidek dogoni o, iluk yogeisausak apegep a? Erlok dek o.

Lukas 5:35

Itithogon mekeat he, ap iti agarlak lak erugi 'bisalok ebe wolok lugun oba weregat o. Itithogon wolok laumo etaat anek he, it iti iniki aperek hipiri nikidek dogogunat o,” iluk yogeisasikhe.

Yohanes 16:6

An nen wene yokhisigi iti nen, hit hinakla motok weak aga mekeat he,

Yohanes 3:29

Nen, ap ageikhe age ikhekhe halok, he iti ebe agun, ap itiat o. Nen, ap age ikhagein meke iti agarlak ageikhe alilu metek dogolik, at ane isinem asuk holek dogolik akla nen arleken akhekherek iti hak, an yogotak itithogonat nakla arleken kogat akhekhe lagei o.

La'isasikhe 14:23

Itithogon yogeisilik dukhi aga dogolik, o yi ai ti ai, Allah a'buri natogokhe lagoukha dopok, inougi therisik dogoagaluk meldisilik iniki ageikhe sembayan uogoluk hipiri nikidek werlegat dogolik sembayan men ekhe lagoukha, “Yesus ninoe. Ha'buri inetaiken hoba hakotdiluk werek meke yi, hagasik dogonok nen iluk hat hikimo 'bogo o,” iluk sembayan ilik dukhi agoukha.

1 Korintus 7:5

Halok he, humi ap hinom noge ekhe dogosak iti, pauwakhogon dogogup o. Sembayan ekhe dogouogoluk halok he, men usak, “Elanma hasik werlegat dogouok,” iluk wenekak hinom iluk nen, sembayan ekhe dogoluk nen, yabokane hinom dapukhogon dogono. Hinetaiken thebelusak erlok dek iti nen, Iblis nen hinakla kagalunogo iluk, hinom dapukhogon dogosak iti o.

2 Korintus 11:27

Yi yabu ti yabu hasik thet wiik-weakhogon hagakhik, hibiku-yogoku noge niluk noge igik, hipiri inom, i inom, dek nen abuat welageik, hibiku-yogokuat hipiri nikidek hapugutdigik, nasu dek nen thogei nakhik, o koma noge u heat ageik, hagakhe lagagisigat.

A'bikaka 19:9

Itithogon isinem holhirikmo nen, at malaikat etnogo nen men yoknekhe, “It akhuni Domba Eak age negen ikhekhe dogolik, pesta isago nasuagaluk inayoko 'bega meke inakla arleken hakhoak o, iluk holal waganin o,” iluk yoknekhesik, yabokane yoknekhe dogolik, “Wene yi re, eberogonat Allah nen ekhe meke o,” iluk yoknekhe.

A'bikaka 21:2

Itithogon hagarogo 'bekhesik, at Allah ekaerek ai o kota Yerusalem ket meke, humi inaguni horlauwogoluk inobake dik-duk waganharek iti hak, at werekma pogot oba nen usa'i agunem higi.