Matius 9:1 - ALLAH ANE WENW KET MEKE WAROGO WOKNINAKHIKHE WENE

¹ Itithogon yogokhukhama, at Yesus ku akla ukiluk, ku warogo i aik ilibaganke italhikhesik o ukul at aila lageikhe hak,

Matius 9:1 ပူးပေါင်းရင်းမြစ်များ

Matius 4:13

Dagei ageikhesik, o ukul Nazaret etnogo thogotdiluk nen, o ukul Kapernaum i Galilea yekelek aik obake etoma, it ap inukuloak etaga Zebulon meke inom, Naftali meke inom, inaila etoma dogeigiluk dagei ageikhe.

Matius 7:6

Itithogon yogeisasikhesik ageikhe men yogeisasikhe, “Allah hasik 'bisegarek meke etnogo yeke wogokhunem, yabokane dagakhogon aik nen li'bilhinabinogo iluk, wogokhup o. Nen, hinobake ile hano meke mutiara iti, wam wogokhunem isok nen wulel warogo la'inogo iluk, yogokhubat o,” iluk yogeisasikhe.

Matius 8:18

Akhuni doalegat Yesus il oba wagoukhama ileken 'birisalok nen, at agarumi ane waganhe lagoukha meke emenogo men yogeisasikhe, “Nit ku warogo i aik ilibaganke ita luok o,” iluk yogeisasikhe.

Matius 8:23

Itithogon iluk nen, at Yesus ebe ku akla ukisikhemo, at agarumi ane waganhe lagoukha meke emenogo inomat ukisukha.

Markus 5:21

Itithogon hagakhukhasik, Yesus i yekelek etnogo aik yi bagake ku warogo itali ageikhe. Itali agunem, akhuni inebe doalegat at oba i aik oba natogosi agoukha.

Lukas 8:37

Itithogon yogeisasukhama, it akhuni o ukul Gerasa meke men, o aliluke meke men, inebe tha'bokhogonat inayuk weak agoukhasik nen, Yesus men yogokhukha, “Yesus. Hat hebe ninom yoma dogosak dek. Lan o,” iluk yogokhukha. Itithogon yogokhukhama, at Yesus ku akla ukiluk ku warogo apuke wageikhe.

Lukas 8:40

At Yesus ebe apuke i aik ilibaganke nen itali ageikhemo it akhuni inebe doalegat nen, at ebe therogo werekma heagei warogo waganhukha.

A'bikaka 22:11

Yogeisugunem, tha nen, obabut weak anek hagarekhe dogogin apekhe halok he, weak anek hagarekhe dogoak o. Nen, tha nen weak inalilo meke anek hagarekhe dogogin apekhe halok he, iti mekeat hagarekhe dogoak o. Nen, tha nen Allah akla apekherek meke anek hagakhe dogogin apekhe halok he, itiat hagakhe dogoak o. Nen, tha nen ebe Allah hasik 'bisalok dogogin apekhe halok he, ebe Allah hasigat 'bisalok dogoak o,” iluk yoknekhe.