Matius 8:6 - ALLAH ANE WENW KET MEKE WAROGO WOKNINAKHIKHE WENE

⁶ “Noe! An natuaneke ageikhe iki isok aborlok dek motok uma witik dogolik, hinet weak wariogo,” iluk yogokhikhemo

Matius 8:6 ပူးပေါင်းရင်းမြစ်များ

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 8:7

at Yesus nen, “An nen hano hagasisigin o,” iluk yogokhikhemo nen, it ap tentara meke inoe kok etnogo nen,

Matius 9:2

ap ageikhe iki isok aborlok dek welageikhe meke thabuleka dit talogo noge ekherekma witik werek korlek yerogo wolok oba wagoukhama, at Yesus nen he, “It iti inetaiken an noba hakotdegasik nen wolok wageikha higi,” iluk, ileken ekagat hisalok nen, ap iki isok aborlok dek meke etnogo men yogokhikhe, “Na'but o. Hakla arleken akhan. Hat weak hagakhe lagan meke re, an nen thagalogo degetdigi o,” iluk yogokhikhe.

La'isasikhe 10:7

Arat yogotluk nen, malaikat Allah nen yoko usa'isa agarek meke etnogo dukhisikhesik dageisikhemo, at Kornelius nen, atuaneke uma welageikharek meke inebe pere men, ap ageikhe ebe tentara, ekeragun meke Allah ebe hogorakhe dogolik Kornelius wolok nekhe lageikhe meke iti men, waisasikhe.

La'isasikhe 9:33

Usasikhesik nen, ap ageikhe etaga Eneas. O haganeat nen isok aborlok dek motok dogolik, mo dageigik usigik hagakhe korlek 8 tahun witik motogat welageikhe meke, itithogonat werekma, ileken hasikhe.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.

Kolose 4:1

Nen, hit it iti inougi koktek meke, hinakla nen he, “Ninoe Etagapogot pogot oba werek o,” iluk hutdiluk hinagarumi hinatuaneke meke iti, yi meke ti meke wogeisausak tak-tagat wogeisekhe dogono.

1 Timotius 6:2

Itithogon inalon halhe dogolik, it inatuaneke meke iti inakla nen, “An noe iti etaiken Allah oba hakotdiluk welagarek iti nen nipisak Allah a'buri opakiat meke nagarlak nipisak,” iluk inougi inebe inakla nen meanetdisigidegat, “An noe yomakhekhe lagei yi, etaiken Allah oba hakotdekhesik werek mekeatma nakmu o,” iluk, yabokane ageikhe inom kokhogonat yomageisekhe dogosak o. Wene igin yi tha'bokhogonat hat nen yakulisigik, inasuk wakhik, hagakhe dogono.

Filemon 1:16

At yabokane hat hipisak dogogun iti, ebe hatuaneke dogolik, hat hasik hagakhe dogogin mekeat he, iti anek 'buk. At he, at ebe Allah a'but agasik ninagarlak ninakmu mekeat dogogin iti. At nen he, an nakmu mekeat dogolik, an hasik hano motok hagariogo iti, herlekha'bugat o. Hat hasik anek he, an ebe agat oba hatuaneke dogolik, hagarlak hipisak ninoe Etagapogot hinom hunik dogogun iti nen, ebeluk hetaiken motok hunik dogono.