Matius 8:29 - ALLAH ANE WENW KET MEKE WAROGO WOKNINAKHIKHE WENE

²⁹ inane kokhogonat, men yogokhukha, “Hat Allah a'but yi. Hat nen, nit nikithogon hagatninabigiluk wagan. Nit ninasusak oba aban werek korlegat, hat tak ninasigiluk wagan yoma re!” iluk yogokhukha.

Matius 8:29 ပူးပေါင်းရင်းမြစ်များ

Matius 4:3

Itithogon hipiri abu motok werekma, at Iblis inakla kagalik nekherek meke etnogo oba wageikhesik nen, “Hat Allah a'but eberogonat halok he, helekit ethoma hipiri roti meke hakene hagatlasuak nen yogosin o,” iluk yogokhikhemo,

Matius 8:30

Etanem higit o etoma aliluke horogot wam motok doalegat konak neke lagoukha.

Markus 1:24

“Yesus ai Nazaret meke yi! Hat nen nikithogon hagatninabigiluk wagan. Nit weagatninabigiluk wagan a? Hat hebe Allah ekaerek hasik meldageikhesik la'agei agama wagan iti, an nen hutdagagi o,” iluk ane kokhogonat yogokhikhe.

Markus 3:11

U itithogon hano hagarinakhe korlek, it mokat inobabut weak meke akhuni inakla ukiluk welagoukha meke nen Yesus ebe inileken halok nen, inelokhe thogoum isukhasik nen, inane kokhogon yogokhe dogolik, men ekhe lagoukha, “Allah a'but he, harat o,” iluk yogokhe lagoukha.

Markus 5:7

“Yesus Allah Etagapogot a'but yi, nikithogon hagatnabigiluk wagan,” iluk yogokhikhemo, at Yesus nen, “Mokat hobabut weak meke yi, ap yi akla nen dukhi lan o,” iluk yogokhunem, at etnogo ane kokhogon ekhe dogolik, “Eiye. Na'it o. Nopase Allah oak o. Weagatnakhun,” iluk ane kokhogon isikhe.

Lukas 4:34

“Yesus Nazaret meke yi ra! Hat nen nikithogon hagatninabigiluk wagan! Nit weagatninabigiluk wagan a? Hat hebe, Allah ekaerek hasik meldageikhesik la'agei agama wagan iti, an nen hutdagagi o,” iluk ane kokhogon yogokhikhemo,

Lukas 4:41

Itithogon hano hagarinakhikhemo, it aperek inebe doalegat, mokat inobabut weak meke inakla ukiluk welagoukha meke nen men yogokhukha, “Allah a'but harat o,” iluk inane naik ilik ilik dukhisukha mekeat, it inakla nen, “Kristus Allah nen, tilninabuagaluk meldiluk la'isigin isikhe etnogo ebe yiat o,” iluk, inilu werekma, Yesus nen inane degat dogoagaluk wenageisasikhe.

Yohanes 2:4

Itithogon yogokhikhemo, at Yesus nen, men yogokhikhe, “Nagosa o. An nen hagasusak oba aban horok asi ageidek werek korlek, hat nen an nenaluk yoknekhen,” iluk yogokhikhe.

La'isasikhe 16:17

Nit Paulus ninom lagunem, at horlak iti ninoporligat lageikhe. Laga dogolik, ane kokhogonat akhuni men yogeisasikhe, “It ap yi inebe Allah Etagapogot atuaneke welageikharek meke nen wene hinebe tilhinabusak wene yokhisuogoluk wageikha o,” iluk yogeisasikhe.

Yakobus 2:19

Hat ageikhe nen he, “At Allah ebe opakiat,” iluk eberogonat apekhe lagan iti hanoat mekeat he, Iblis agarumi inobabut weak meke inom nen, iti hagat eberogonat apekhe dogolik, ebe inayuk nen arlik halharegat o.

2 Petrus 2:4

It malaikat Allah nen yoko usa'isa agarek meke aperek weak hagakhukhama, Allah nen here'isigidek, ukum yabokane inoba 'bigiluk nen, o mummo weakma iniki herle warek dogoagaluk usa'isasikhe iti.

Yudas 1:6

Nen, at Allah nen it malaikat yoko usa'isa agarek meke hagasusak meke supurogo wogeisasikhe mekeat he, it ninat meke inagarlak lak hagasusak meke inakhane pok lalok inekaerek inaila here'isukhama, Allah nen herle motok dogogin meke baga iniki herle warogo o motok mummo agat abel wemake 'bisasikhemo werek iti. Itithogon motok dogoluk nen, yabokane akhuni ukum kokhogon inoba 'bigin itinem, it inomat inoba 'bigiluk nen, iniki herle hisalinabigin iti hinakla ebetni.