Matius 8:2 - ALLAH ANE WENW KET MEKE WAROGO WOKNINAKHIKHE WENE

² Lagunem, ap ageikhe u henako hakene inayuk meke oba welageikhe meke oba wageikhesik, itibagal yukukhogon usasikhesik nen, men yogokhikhe, “Yesus noe o. Hat nen hano hagatnabigin apegen halok he, erlok hano hagatnabusagat o,” iluk yogokhikhe.

Matius 8:2 ပူးပေါင်းရင်းမြစ်များ

Matius 10:8

It akhuni u warek halok hanorinakhik, watlageikha halok inilugurinakhik, u henako hakene inayuk meke inoba werek halok hanorinakhik, mokat inobabut weak meke inakla ukiluk werek meke mukhogo ula'isigik, hano hagarinabik nekhe dogono. An nen oko dek wokhisigi iti hagat, hit nen itithogonat oko dek wogeisilik lano.

Matius 13:58

Itithogon yogeisasikhe iti, it akhuni Nazaret meke etoma nen, inetaiken Yesus oba hakotdigidek, inakla meanetdiluk welagoukha iti nen, at o etoma dogolik hagasusak dek meke elalinat kokhogon hagakhidek herlekha'bugat anek hagakhikhe iti.

Matius 14:33

Dek ageikhemo, it ku akla welagoukha meke emenogo nen Yesus hogorakhe dogolik, “Hat eberogonat Allah a'but heogo o,” iluk yogokhukha.

Matius 15:25

Itithogon yogeisasikhemo werek korlek, at he etnogo Yesus oba wageikhesik nen, itibagal yukukhogon heagei wakhe dogolik, men yogokhikhe, “Eiye! Noe. Hano hagatnetnok o,” iluk ane a'buarek ane yogokhikhemo,

Matius 18:26

Itithogon yogeisugunem, at atuaneke etnogo nen itibagal yukukhogon heagei wakhe dogolik, men yogokhikhe, Nopase. Hetaiken hakmu nen, il opakiat huk dogono. Yabokane wokhesiginat o, iluk yogokhikhemo

Matius 2:11

Inakla arleken motok agoukhasik uma ukisukha meke, elege etnogo agosa Maria agamo werekma inileken halok, initibagal yukukhogon hogorakhukha. Hogorakhe dogolik, oko kok hano meke emas inom, kemenyan kami obasi hakene iti inom, o imur apusu inom, hiselogo wogokhukha.

Matius 20:20

At Yesus nen itithogon yogeisasikhesik werekma, at Zebedeus age nen eagei wogosik Yesus oba wageikhesik itibagal yukukhogon heagei wakhe dogolik, “Nit ageikhe kino yokhisuogoluk hoba wago,” iluk yogokhukhama

Matius 26:6

Itithogon isukhasik werek korlek, at Yesus o Betania ap Simon u henako hakene inayuk meke haganeat ebemake welageikhe meke iti aila etoma ukisikhesik werekma,

Matius 28:17

Dageisukhasik werekma at Yesus ebe inileken hasukhasik nen, heagei warogo initibagal yukukhogon hogorakhe korlek mekeat he, it aperek emenogo anek he, “At ebeat a? Men a,” iluk apasukha.

Matius 28:9

Yogeisa luogoluk lagunem holagarlem at Yesus inom abuk agoukhasik nen, men yogeisasikhe, “Nerugi o!” iluk yogeisasikhemo it humi emenogo horok-horok lagoukhasik nen, isok iniki hakhekhe dogolik, heagei warogo initibagal yukukhogon hogorakhukha.

Matius 4:9

“Yesus. Hat hitibagal yukukhogon napma ukitluk hogotnabigin halok, hileken lakhegen meke ethoma tha'bokhogonat hat wokhesigin o,” iluk yogokhikhemo,

Matius 8:1

At Yesus tom oba nen usa'ageikhemo, akhuni doalegat natogokhukhasik at oporlik lagoukha.

Matius 8:25

Noge isinem, agarumi alilu wagoukhasik iluguthekhe dogolik, men yogokhukha, “Yesus. Nit i lugun yoma, tilninabumo re,” iluk yogokhukha.

Matius 9:18

Itithogon yogeisugunem, ap ageikhe o akhuni Yahudi meke sembayan egarekma ite dogolik kok welageikhe meke iti Yesus oba wageikhesik, itibagal yukukhogo hurek dogolik, men yogokhikhe. “An na'but horlak ket yogotak yaat watlagama meke re, hat nen hiki hakha laumo re, iluk atluk oba the asigin o, iluk hayoko wagei,” iluk yogokhikhe.

Lukas 4:27

Nen, ap Elisa nen Allah ane yogeisekhe lageikhe eta mot-mot, o akhuni Israel meke werekma etoma u henako hakene etnogo meke doalegat welagoukha mekeat he, ageikhe hagarinakhe lageikhe motok dek o. Ap Naaman ai Siria meke iti anek hagakhikhe o, iluk, eberogonat yokhisigi,” iluk itithogon yogeisasikhemo,

Yohanes 9:38

at nen, men yogokhikhe, “Yogotak arat hutdagagirik netaiken hoba hakotdigi o, noe,” iluk itibagal yukukhogon Yesus hogorakhikhe.

La'isasikhe 10:14

Itithogon yogokhikhemo, at Petrus nen, “Dek o. Noe. An usa meke men, yoalhidek welagarek meke men, 'bugurlagat halok nikidegat welagarek,” iluk yogokhikhe.

La'isasikhe 10:25

Wagoukhasik nen, at Petrus ebe uma ukigiluk hagakhunem, at Kornelius nen at ebe waganhikhesik itibagal yukukhogon Petrus apma thoma iluk hogorakhikhe.

1 Korintus 14:25

at akla limago meke 'bualasigin. 'Bualagunem obabut isonhogo at ebe thoma iluk Allah hogoralkhe dogolik, men igin, “Eberogonat Allah hinom welagap o,” iluk yokhisagein o.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.