Matius 8:14 - ALLAH ANE WENW KET MEKE WAROGO WOKNINAKHIKHE WENE

¹⁴ Itithogon hagakhikhesik nen, at Yesus Petrus aila lageikhe meke, he Petrus akhoan oba agaken weak nen, witik werekma ileken hasikhe.

Matius 8:14 ပူးပေါင်းရင်းမြစ်များ

Matius 17:25

at Petrus nen, “'Bekheregat o,” iluk yogeisasikhe. Yogeisalok uma ukisikhesik, at nen igidek werek korlek, Yesus nen tak men yogokhikhe, “Simon. Hat he, nikithogon apegen. It ap agat oba meke inetagapogot iti inobasik, akhuni thani nen uang 'biliogei. Inekaerek inagarumi nen 'biliogei apegen a? E a, at he, it ninat meke nen 'biliogei apegen a,” iluk yogokhikhemo

Matius 8:15

Ileken hasikhesik, Yesus nen iki baga hakhasikhemo, oba agaken motok kogat welageikhe etnogo dek ageikhe. Dek ageikhemo, he etnogo melageikhesik at Yesus yomakhekhe lageikhe.

Matius 8:20

Itithogon yogokhikhemo, at Yesus nen, “Helo yeke iti, ai halek akolakla welagarek. Nen, thue hitluk nekharek meke iti, ai halek welagaregat. Meke re, an abat itaklasi agagi iti anek, noge ekhe dogosakma nai halek motok dek o,” iluk yogokhikhe.

1 Korintus 9:5

Nen, it ap aperek Allah nen inayoko 'biluk la'isa ageikhe meke inom, ninoe Etagapogot agarumi oporlik meke inom, at Kepas inom, inagugi wogosik liliogei iti hak, an anek he, nage Allah a'but meke wolok nekhe dogosak dek nogo a?

1 Timotius 3:2

Iti nen, ap Allah a'buri therisik dogoagaluk, inobabut he, yi hakene meke meldisausak. Akhuni aperek nen, “At weak,” iluk wene oba 'bigidek meke halok, age opakiat meke halok, weak hagasuagaluk akla kagalhunem etaiken ekaerek therogo welagarek meke halok, etaiken kagalek meke halok, hagasusak meke tak-tagat hano hagakherek meke halok, ap huso wagunem woginakhik, hipiri inobasik hanorogon isakhik, werakhik, hagakherek meke halok, obabut wene hanorogon yakulisekherek meke halok,

1 Timotius 4:3

It nen wene ekhe dogolik, Humi woginabusak motok dek, igik, Yi meke ti meke nekarek meke iti, ageikhe yi meke usa. Neke dogosak dek, igik, ekhe dogogun,” iluk, Allah Agoreke nen yoknisasikhe tak-tagat iliogei iti o. Meke re, nekarek meke iti, Allah nen nit ninetaiken at oba hakotdiluk dogolik, ebe wene iti hutdogo halok he, heagei warogo neke dogoagaluk winametdisikhe meke hasigat iliogei iti o.

Ibrani 13:4

Ap dek, humi dek, inobabut yugunat hagarinabik lageikharek meke inom, ap inagugi meke param hagakharek meke inom, it yabokane Allah nen wene inoba 'biluk weagarinabigin iti nen, ap nen humi iginakharek iti, akhuni tha'bokhogonat nen kogotdiluk, yugunat hagainakhidek humi ap waganek meke dopok inom hano noge ekhe dogosak o.